7. ஆனாபானவக்³கோ³

1. அட்டி²கமஹப்ப²லஸுத்தம்

238. ஸாவத்தி²னிதா³னம். ‘‘அட்டி²கஸஞ்ஞா, பி⁴க்க²வே, பா⁴விதா ப³ஹுலீகதா மஹப்ப²லா ஹோதி மஹானிஸம்ஸா. கத²ம் பா⁴விதா ச, பி⁴க்க²வே, அட்டி²கஸஞ்ஞா கத²ம் ப³ஹுலீகதா மஹப்ப²லா ஹோதி மஹானிஸம்ஸா? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம்…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதா கோ², பி⁴க்க²வே, அட்டி²கஸஞ்ஞா ஏவம் ப³ஹுலீகதா மஹப்ப²லா ஹோதி மஹானிஸம்ஸா’’தி.

அஞ்ஞதரப²லஸுத்தம்

‘‘அட்டி²கஸஞ்ஞாய, பி⁴க்க²வே, பா⁴விதாய ப³ஹுலீகதாய த்³வின்னம் ப²லானம் அஞ்ஞதரம் ப²லம் பாடிகங்க²ம் – தி³ட்டே²வ த⁴ம்மே அஞ்ஞா, ஸதி வா உபாதி³ஸேஸே அனாகா³மிதா. கத²ம் பா⁴விதாய ச கோ², பி⁴க்க²வே, அட்டி²கஸஞ்ஞாய கத²ம் ப³ஹுலீகதாய த்³வின்னம் ப²லானம் அஞ்ஞதரம் ப²லம் பாடிகங்க²ம் – தி³ட்டே²வ த⁴ம்மே அஞ்ஞா, ஸதி வா உபாதி³ஸேஸே அனாகா³மிதா? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதாய கோ², பி⁴க்க²வே, அட்டி²கஸஞ்ஞாய ஏவம் ப³ஹுலீகதாய த்³வின்னம் ப²லானம் அஞ்ஞதரம் ப²லம் பாடிகங்க²ம் – தி³ட்டே²வ த⁴ம்மே அஞ்ஞா, ஸதி வா உபாதி³ஸேஸே அனாகா³மிதா’’தி.

மஹத்த²ஸுத்தம்

‘‘அட்டி²கஸஞ்ஞா, பி⁴க்க²வே, பா⁴விதா ப³ஹுலீகதா மஹதோ அத்தா²ய ஸம்வத்ததி. கத²ம் பா⁴விதா ச, பி⁴க்க²வே, அட்டி²கஸஞ்ஞா கத²ம் ப³ஹுலீகதா மஹதோ அத்தா²ய ஸம்வத்ததி? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதா கோ², பி⁴க்க²வே, அட்டி²கஸஞ்ஞா ஏவம் ப³ஹுலீகதா மஹதோ அத்தா²ய ஸம்வத்ததீ’’தி.

யோக³க்கே²மஸுத்தம்

‘‘அட்டி²கஸஞ்ஞா, பி⁴க்க²வே, பா⁴விதா ப³ஹுலீகதா மஹதோ யோக³க்கே²மாய ஸம்வத்ததி. கத²ம் பா⁴விதா ச, பி⁴க்க²வே, அட்டி²கஸஞ்ஞா கத²ம் ப³ஹுலீகதா மஹதோ யோக³க்கே²மாய ஸம்வத்ததி? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதா கோ², பி⁴க்க²வே, அட்டி²கஸஞ்ஞா ஏவம் ப³ஹுலீகதா மஹதோ யோக³க்கே²மாய ஸம்வத்ததீ’’தி.

ஸம்வேக³ஸுத்தம்

‘‘அட்டி²கஸஞ்ஞா, பி⁴க்க²வே, பா⁴விதா ப³ஹுலீகதா மஹதோ ஸம்வேகா³ய ஸம்வத்ததி. கத²ம் பா⁴விதா ச, பி⁴க்க²வே, அட்டி²கஸஞ்ஞா கத²ம் ப³ஹுலீகதா மஹதோ ஸம்வேகா³ய ஸம்வத்ததி? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதா கோ², பி⁴க்க²வே, அட்டி²கஸஞ்ஞா ஏவம் ப³ஹுலீகதா மஹதோ ஸம்வேகா³ய ஸம்வத்ததீ’’தி.

பா²ஸுவிஹாரஸுத்தம்

‘‘அட்டி²கஸஞ்ஞா, பி⁴க்க²வே, பா⁴விதா ப³ஹுலீகதா மஹதோ பா²ஸுவிஹாராய ஸம்வத்ததி. கத²ம் பா⁴விதா ச, பி⁴க்க²வே, அட்டி²கஸஞ்ஞா கத²ம் ப³ஹுலீகதா மஹதோ பா²ஸுவிஹாராய ஸம்வத்ததி? இத⁴, பி⁴க்க²வே, பி⁴க்கு² அட்டி²கஸஞ்ஞாஸஹக³தம் ஸதிஸம்போ³ஜ்ஜ²ங்க³ம் பா⁴வேதி…பே… அட்டி²கஸஞ்ஞாஸஹக³தம் உபேக்கா²ஸம்போ³ஜ்ஜ²ங்க³ம் பா⁴வேதி விவேகனிஸ்ஸிதம் விராக³னிஸ்ஸிதம் நிரோத⁴னிஸ்ஸிதம் வோஸ்ஸக்³க³பரிணாமிம். ஏவம் பா⁴விதா கோ², பி⁴க்க²வே, அட்டி²கஸஞ்ஞா ஏவம் ப³ஹுலீகதா மஹதோ பா²ஸுவிஹாராய ஸம்வத்ததீ’’தி. பட²மம்.

2. புளவகஸுத்தம்

239. ‘‘புளவகஸஞ்ஞா [புளுவகஸஞ்ஞா (க.)], பி⁴க்க²வே, பா⁴விதா…பே… து³தியம்.

3. வினீலகஸுத்தம்

240. ‘‘வினீலகஸஞ்ஞா, பி⁴க்க²வே…பே… ததியம்.

4. விச்சி²த்³த³கஸுத்தம்

241. ‘‘விச்சி²த்³த³கஸஞ்ஞா, பி⁴க்க²வே…பே… சதுத்த²ம்.

5. உத்³து⁴மாதகஸுத்தம்

242. ‘‘உத்³து⁴மாதகஸஞ்ஞா, பி⁴க்க²வே…பே… பஞ்சமம்.

6. மேத்தாஸுத்தம்

243. ‘‘மேத்தா, பி⁴க்க²வே, பா⁴விதா…பே… ச²ட்ட²ம்.

7. கருணாஸுத்தம்

244. ‘‘கருணா, பி⁴க்க²வே, பா⁴விதா…பே… ஸத்தமம்.

8. முதி³தாஸுத்தம்

245. ‘‘முதி³தா, பி⁴க்க²வே, பா⁴விதா…பே… அட்ட²மம்.

9. உபேக்கா²ஸுத்தம்

246. ‘‘உபேக்கா², பி⁴க்க²வே, பா⁴விதா…பே… நவமம்.

10. ஆனாபானஸுத்தம்

247. ‘‘ஆனாபானஸ்ஸதி, பி⁴க்க²வே, பா⁴விதா…பே… த³ஸமம்.

ஆனாபானவக்³கோ³ ஸத்தமோ.

தஸ்ஸுத்³தா³னம் –

அட்டி²கபுளவகம் வினீலகம், விச்சி²த்³த³கம் உத்³து⁴மாதேன பஞ்சமம்;

மேத்தா கருணா முதி³தா உபேக்கா², ஆனாபானேன தே த³ஸாதி.