7. பட²மஆமகத⁴ஞ்ஞபேய்யாலவக்³கோ³

1. அஞ்ஞத்ரஸுத்தம்

1131. அத² கோ² ப⁴க³வா பரித்தம் நக²ஸிகா²யம் பம்ஸும் ஆரோபேத்வா பி⁴க்கூ² ஆமந்தேஸி – ‘‘தம் கிம் மஞ்ஞத², பி⁴க்க²வே, கதமம் நு கோ² ப³ஹுதரம் – யோ வாயம் மயா பரித்தோ நக²ஸிகா²யம் பம்ஸு ஆரோபிதோ, அயம் வா மஹாபத²வீ’’தி? ‘‘ஏததே³வ, ப⁴ந்தே, ப³ஹுதரம், யதி³த³ம் – மஹாபத²வீ; அப்பமத்தகாயம் ப⁴க³வதா பரித்தோ நக²ஸிகா²யம் பம்ஸு ஆரோபிதோ. ஸங்க²ம்பி ந உபேதி, உபனித⁴ம்பி ந உபேதி, கலபா⁴க³ம்பி ந உபேதி மஹாபத²விம் உபனிதா⁴ய ப⁴க³வதா பரித்தோ நக²ஸிகா²யம் பம்ஸு ஆரோபிதோ’’தி.

‘‘ஏவமேவ கோ², பி⁴க்க²வே, அப்பமத்தகா தே ஸத்தா யே மனுஸ்ஸேஸு பச்சாஜாயந்தி; அத² கோ² ஏதேவ ப³ஹுதரா ஸத்தா யே அஞ்ஞத்ர மனுஸ்ஸேஹி [மனுஸ்ஸேஸு (பீ. க.)] பச்சாஜாயந்தி. தம் கிஸ்ஸ ஹேது? அதி³ட்ட²த்தா, பி⁴க்க²வே, சதுன்னம் அரியஸச்சானம். கதமேஸம் சதுன்னம்? து³க்க²ஸ்ஸ அரியஸச்சஸ்ஸ…பே… து³க்க²னிரோத⁴கா³மினியா படிபதா³ய அரியஸச்சஸ்ஸ’’.

‘‘தஸ்மாதிஹ, பி⁴க்க²வே, ‘இத³ம் து³க்க²’ந்தி யோகோ³ கரணீயோ…பே… ‘அயம் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. பட²மம்.

2. பச்சந்தஸுத்தம்

1132. அத² கோ² ப⁴க³வா பரித்தம் நக²ஸிகா²யம் பம்ஸும் ஆரோபேத்வா பி⁴க்கூ² ஆமந்தேஸி – ‘‘தம் கிம் மஞ்ஞத², பி⁴க்க²வே, கதமம் நு கோ² ப³ஹுதரம் – யோ வாயம் மயா பரித்தோ நக²ஸிகா²யம் பம்ஸு ஆரோபிதோ, அயம் வா மஹாபத²வீ’’தி? ‘‘ஏததே³வ, ப⁴ந்தே, ப³ஹுதரம், யதி³த³ம் – மஹாபத²வீ; அப்பமத்தகாயம் ப⁴க³வதா பரித்தோ நக²ஸிகா²யம் பம்ஸு ஆரோபிதோ. ஸங்க²ம்பி ந உபேதி, உபனித⁴ம்பி ந உபேதி, கலபா⁴க³ம்பி ந உபேதி மஹாபத²விம் உபனிதா⁴ய ப⁴க³வதா பரித்தோ நக²ஸிகா²யம் பம்ஸு ஆரோபிதோ’’தி.

‘‘ஏவமேவ கோ², பி⁴க்க²வே, அப்பமத்தகா தே ஸத்தா யே மஜ்ஜி²மேஸு ஜனபதே³ஸு பச்சாஜாயந்தி; அத² கோ² ஏதேவ ப³ஹுதரா ஸத்தா யே பச்சந்திமேஸு ஜனபதே³ஸு பச்சாஜாயந்தி அவிஞ்ஞாதாரேஸு மிலக்கே²ஸு [மிலக்கூ²ஸு (ஸ்யா. கம். க.)] …பே…. து³தியம்.

3. பஞ்ஞாஸுத்தம்

1133. … ‘‘ஏவமேவ கோ², பி⁴க்க²வே, அப்பகா தே ஸத்தா யே பன அரியேன பஞ்ஞாசக்கு²னா ஸமன்னாக³தா; அத² கோ² ஏதேவ ப³ஹுதரா ஸத்தா யே அவிஜ்ஜாக³தா ஸம்முள்ஹா…பே…. ததியம்.

4. ஸுராமேரயஸுத்தம்

1134. … ‘‘ஏவமேவ கோ², பி⁴க்க²வே, அப்பகா தே ஸத்தா யே ஸுராமேரயமஜ்ஜப்பமாத³ட்டா²னா படிவிரதா; அத² கோ² ஏதேவ ப³ஹுதரா ஸத்தா யே ஸுராமேரயமஜ்ஜப்பமாத³ட்டா²னா அபடிவிரதா…பே…. சதுத்த²ம்.

5. ஓத³கஸுத்தம்

1135. … ‘‘ஏவமேவ கோ², பி⁴க்க²வே, அப்பகா தே ஸத்தா யே த²லஜா; அத² கோ² ஏதேவ ப³ஹுதரா ஸத்தா யே உத³கஜா. தம் கிஸ்ஸ ஹேது…பே…. பஞ்சமம்.

6. மத்தேய்யஸுத்தம்

1136. … ‘‘ஏவமேவ கோ², பி⁴க்க²வே, அப்பகா தே ஸத்தா யே மத்தேய்யா; அத² கோ² ஏதேவ ப³ஹுதரா ஸத்தா யே அமத்தேய்யா…பே…. ச²ட்ட²ம்.

7. பேத்தேய்யஸுத்தம்

1137. … ‘‘ஏவமேவ கோ², பி⁴க்க²வே, அப்பகா தே ஸத்தா யே பேத்தேய்யா; அத² கோ² ஏதேவ ப³ஹுதரா ஸத்தா யே அபேத்தேய்யா…பே…. ஸத்தமம்.

8. ஸாமஞ்ஞஸுத்தம்

1138. … ‘‘ஏவமேவ கோ², பி⁴க்க²வே, அப்பகா தே ஸத்தா யே ஸாமஞ்ஞா; அத² கோ² ஏதேவ ப³ஹுதரா ஸத்தா யே அஸாமஞ்ஞா…பே…. அட்ட²மம்.

9. ப்³ரஹ்மஞ்ஞஸுத்தம்

1139. … ‘‘ஏவமேவ கோ², பி⁴க்க²வே, அப்பகா தே ஸத்தா யே ப்³ரஹ்மஞ்ஞா; அத² கோ² ஏதேவ ப³ஹுதரா ஸத்தா யே அப்³ரஹ்மஞ்ஞா…பே…. நவமம்.

10. பசாயிகஸுத்தம்

1140. … ‘‘ஏவமேவ கோ², பி⁴க்க²வே, அப்பகா தே ஸத்தா யே குலே ஜேட்டா²பசாயினோ; அத² கோ² ஏதேவ ப³ஹுதரா ஸத்தா யே குலே அஜேட்டா²பசாயினோதி [அகுலே ஜேட்டா²பசாயினோதி (ஸ்யா. கம்.)] …பே…. த³ஸமம்.

பட²மஆமகத⁴ஞ்ஞபேய்யாலவக்³கோ³ ஸத்தமோ.

தஸ்ஸுத்³தா³னம் –

அஞ்ஞத்ர பச்சந்தம் பஞ்ஞா, ஸுராமேரயஓத³கா;

மத்தேய்ய பேத்தேய்யா சாபி, ஸாமஞ்ஞம் ப்³ரஹ்மபசாயிகந்தி.