30. பேத்திதே³வபேத்திவிஸயஸுத்தம்

1201. …பே… ‘‘ஏவமேவ கோ², பி⁴க்க²வே, அப்பகா தே ஸத்தா யே பேத்திவிஸயா சுதா தே³வேஸு பச்சாஜாயந்தி; அத² கோ² ஏதேவ ப³ஹுதரா ஸத்தா யே பேத்திவிஸயா சுதா பேத்திவிஸயே பச்சாஜாயந்தி. தம் கிஸ்ஸ ஹேது? அதி³ட்ட²த்தா பி⁴க்க²வே, சதுன்னம் அரியஸச்சானம். கதமேஸம் சதுன்னம்? து³க்க²ஸ்ஸ அரியஸச்சஸ்ஸ, து³க்க²ஸமுத³யஸ்ஸ அரியஸச்சஸ்ஸ, து³க்க²னிரோத⁴ஸ்ஸ அரியஸச்சஸ்ஸ, து³க்க²னிரோத⁴கா³மினியா படிபதா³ய அரியஸச்சஸ்ஸ’’.

‘‘தஸ்மாதிஹ, பி⁴க்க²வே, ‘இத³ம் து³க்க²’ந்தி யோகோ³ கரணீயோ, ‘அயம் து³க்க²ஸமுத³யோ’தி யோகோ³ கரணீயோ, ‘அயம் து³க்க²னிரோதோ⁴’தி யோகோ³ கரணீயோ, ‘அயம் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. இத³மவோச ப⁴க³வா. அத்தமனா தே பி⁴க்கூ² ப⁴க³வதோ பா⁴ஸிதம் அபி⁴னந்து³ந்தி. திம்ஸதிமம்.

பஞ்சக³திபேய்யாலவக்³கோ³ ஏகாத³ஸமோ.

தஸ்ஸுத்³தா³னம் –

மனுஸ்ஸதோ சுதா சா²பி, தே³வா சுதா நிரயதோ;

திரச்சா²னபேத்திவிஸயா, திம்ஸமத்தோ க³திவக்³கோ³தி.

ஸச்சஸம்யுத்தம் த்³வாத³ஸமம்.