6. விஞ்ஞாணஞ்சாயதனபஞ்ஹாஸுத்தம்

337. ‘‘‘விஞ்ஞாணஞ்சாயதனம், விஞ்ஞாணஞ்சாயதன’ந்தி வுச்சதி. கதமம் நு கோ² விஞ்ஞாணஞ்சாயதனந்தி? தஸ்ஸ மய்ஹம், ஆவுஸோ, ஏதத³ஹோஸி – ‘இத⁴ பி⁴க்கு² ஸப்³ப³ஸோ ஆகாஸானஞ்சாயதனம் ஸமதிக்கம்ம அனந்தம் விஞ்ஞாணந்தி விஞ்ஞாணஞ்சாயதனம் உபஸம்பஜ்ஜ விஹரதி. இத³ம் வுச்சதி விஞ்ஞாணஞ்சாயதன’ந்தி. ஸோ க்²வாஹம், ஆவுஸோ, ஸப்³ப³ஸோ ஆகாஸானஞ்சாயதனம் ஸமதிக்கம்ம அனந்தம் விஞ்ஞாணந்தி விஞ்ஞாணஞ்சாயதனம் உபஸம்பஜ்ஜ விஹராமி. தஸ்ஸ மய்ஹம், ஆவுஸோ, இமினா விஹாரேன விஹரதோ ஆகாஸானஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி.

‘‘அத² கோ² மம், ஆவுஸோ, ப⁴க³வா இத்³தி⁴யா உபஸங்கமித்வா ஏதத³வோச – ‘மோக்³க³ல்லான, மோக்³க³ல்லான! மா, ப்³ராஹ்மண, விஞ்ஞாணஞ்சாயதனம் பமாதோ³, விஞ்ஞாணஞ்சாயதனே சித்தம் ஸண்ட²பேஹி, விஞ்ஞாணஞ்சாயதனே சித்தம் ஏகோதி³ம் கரோஹி, விஞ்ஞாணஞ்சாயதனே சித்தம் ஸமாத³ஹா’தி. ஸோ க்²வாஹம், ஆவுஸோ, அபரேன ஸமயேன ஸப்³ப³ஸோ ஆகாஸானஞ்சாயதனம் ஸமதிக்கம்ம அனந்தம் விஞ்ஞாணந்தி விஞ்ஞாணஞ்சாயதனம் உபஸம்பஜ்ஜ விஹாஸிம். யஞ்ஹி தம், ஆவுஸோ, ஸம்மா வத³மானோ வதே³ய்ய…பே… மஹாபி⁴ஞ்ஞதம் பத்தோ’’தி. ச²ட்ட²ம்.