7. ஆகிஞ்சஞ்ஞாயதனபஞ்ஹாஸுத்தம்

338. ‘‘‘ஆகிஞ்சஞ்ஞாயதனம், ஆகிஞ்சஞ்ஞாயதன’ந்தி வுச்சதி. கதமம் நு கோ² ஆகிஞ்சஞ்ஞாயதனந்தி? தஸ்ஸ மய்ஹம், ஆவுஸோ, ஏதத³ஹோஸி – ‘இத⁴ பி⁴க்கு² ஸப்³ப³ஸோ விஞ்ஞாணஞ்சாயதனம் ஸமதிக்கம்ம நத்தி² கிஞ்சீதி ஆகிஞ்சஞ்ஞாயதனம் உபஸம்பஜ்ஜ விஹரதி. இத³ம் வுச்சதி ஆகிஞ்சஞ்ஞாயதன’ந்தி. ஸோ க்²வாஹம், ஆவுஸோ, ஸப்³ப³ஸோ விஞ்ஞாணஞ்சாயதனம் ஸமதிக்கம்ம நத்தி² கிஞ்சீதி ஆகிஞ்சஞ்ஞாயதனம் உபஸம்பஜ்ஜ விஹராமி. தஸ்ஸ மய்ஹம், ஆவுஸோ, இமினா விஹாரேன விஹரதோ விஞ்ஞாணஞ்சாயதனஸஹக³தா ஸஞ்ஞாமனஸிகாரா ஸமுதா³சரந்தி.

‘‘அத² கோ² மம், ஆவுஸோ, ப⁴க³வா இத்³தி⁴யா உபஸங்கமித்வா ஏதத³வோச – ‘மோக்³க³ல்லான, மோக்³க³ல்லான! மா, ப்³ராஹ்மண, ஆகிஞ்சஞ்ஞாயதனம் பமாதோ³, ஆகிஞ்சஞ்ஞாயதனே சித்தம் ஸண்ட²பேஹி, ஆகிஞ்சஞ்ஞாயதனே சித்தம் ஏகோதி³ம் கரோஹி, ஆகிஞ்சஞ்ஞாயதனே சித்தம் ஸமாத³ஹா’தி. ஸோ க்²வாஹம், ஆவுஸோ, அபரேன ஸமயேன ஸப்³ப³ஸோ விஞ்ஞாணஞ்சாயதனம் ஸமதிக்கம்ம நத்தி² கிஞ்சீதி ஆகிஞ்சஞ்ஞாயதனம் உபஸம்பஜ்ஜ விஹாஸிம். யஞ்ஹி தம், ஆவுஸோ, ஸம்மா வத³மானோ வதே³ய்ய…பே… மஹாபி⁴ஞ்ஞதம் பத்தோ’’தி. ஸத்தமம்.