6. அவிஜ்ஜாவக்³கோ³

1. அவிஜ்ஜாபஹானஸுத்தம்

53. ஸாவத்தி²னிதா³னம். அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி; உபஸங்கமித்வா ப⁴க³வந்தம் அபி⁴வாதே³த்வா ஏகமந்தம் நிஸீதி³. ஏகமந்தம் நிஸின்னோ கோ² ஸோ பி⁴க்கு² ப⁴க³வந்தம் ஏதத³வோச – ‘‘கத²ம் நு கோ², ப⁴ந்தே, ஜானதோ கத²ம் பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதீ’’தி?

‘‘சக்கு²ம் கோ², பி⁴க்கு², அனிச்சதோ ஜானதோ பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. ரூபே அனிச்சதோ ஜானதோ பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. சக்கு²விஞ்ஞாணம்… சக்கு²ஸம்ப²ஸ்ஸம்… யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சதோ ஜானதோ பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. ஸோதம்… கா⁴னம்… ஜிவ்ஹம்… காயம்… மனம் அனிச்சதோ ஜானதோ பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. த⁴ம்மே … மனோவிஞ்ஞாணம்… மனோஸம்ப²ஸ்ஸம்… யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சதோ ஜானதோ பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதி. ஏவம் கோ², பி⁴க்கு², ஜானதோ ஏவம் பஸ்ஸதோ அவிஜ்ஜா பஹீயதி, விஜ்ஜா உப்பஜ்ஜதீ’’தி. பட²மம்.

2. ஸம்யோஜனபஹானஸுத்தம்

54. ‘‘கத²ம் நு கோ², ப⁴ந்தே, ஜானதோ, கத²ம் பஸ்ஸதோ, ஸம்யோஜனா பஹீயந்தீ’’தி? ‘‘சக்கு²ம் கோ², பி⁴க்கு², அனிச்சதோ ஜானதோ பஸ்ஸதோ ஸம்யோஜனா பஹீயந்தி. ரூபே… சக்கு²விஞ்ஞாணம்… சக்கு²ஸம்ப²ஸ்ஸம்… யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சதோ ஜானதோ பஸ்ஸதோ ஸம்யோஜனா பஹீயந்தி. ஸோதம்… கா⁴னம்… ஜிவ்ஹம்… காயம்… மனம்… த⁴ம்மே… மனோவிஞ்ஞாணம்… மனோஸம்ப²ஸ்ஸம்… யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சதோ ஜானதோ பஸ்ஸதோ ஸம்யோஜனா பஹீயந்தி. ஏவம் கோ², பி⁴க்கு², ஜானதோ ஏவம் பஸ்ஸதோ ஸம்யோஜனா பஹீயந்தீ’’தி. து³தியம்.

3. ஸம்யோஜனஸமுக்³கா⁴தஸுத்தம்

55. ‘‘கத²ம் நு கோ², ப⁴ந்தே, ஜானதோ, கத²ம் பஸ்ஸதோ ஸம்யோஜனா ஸமுக்³கா⁴தம் க³ச்ச²ந்தீ’’தி? ‘‘சக்கு²ம் கோ², பி⁴க்கு², அனத்ததோ ஜானதோ பஸ்ஸதோ ஸம்யோஜனா ஸமுக்³கா⁴தம் க³ச்ச²ந்தி. ரூபே அனத்ததோ… சக்கு²விஞ்ஞாணம்… சக்கு²ஸம்ப²ஸ்ஸம்… யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனத்ததோ ஜானதோ பஸ்ஸதோ ஸம்யோஜனா ஸமுக்³கா⁴தம் க³ச்ச²ந்தி. ஸோதம்… கா⁴னம்… ஜிவ்ஹம்… காயம்… மனம்… த⁴ம்மே… மனோவிஞ்ஞாணம்… மனோஸம்ப²ஸ்ஸம்… யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனத்ததோ ஜானதோ பஸ்ஸதோ ஸம்யோஜனா ஸமுக்³கா⁴தம் க³ச்ச²ந்தி. ஏவம் கோ², பி⁴க்கு², ஜானதோ ஏவம் பஸ்ஸதோ ஸம்யோஜனா ஸமுக்³கா⁴தம் க³ச்ச²ந்தீ’’தி. ததியம்.

4. ஆஸவபஹானஸுத்தம்

56. ‘‘கத²ம் நு கோ², ப⁴ந்தே, ஜானதோ, கத²ம் பஸ்ஸதோ ஆஸவா பஹீயந்தீ’’தி…பே…. சதுத்த²ம்.

5. ஆஸவஸமுக்³கா⁴தஸுத்தம்

57. ‘‘கத²ம் நு கோ², ப⁴ந்தே, ஜானதோ, கத²ம் பஸ்ஸதோ ஆஸவா ஸமுக்³கா⁴தம் க³ச்ச²ந்தீ’’தி…பே…. பஞ்சமம்.

6. அனுஸயபஹானஸுத்தம்

58. ‘‘கத²ம் நு கோ²…பே… அனுஸயா பஹீயந்தீ’’தி…பே…. ச²ட்ட²ம்.

7. அனுஸயஸமுக்³கா⁴தஸுத்தம்

59. ‘‘கத²ம் நு கோ²…பே… அனுஸயா ஸமுக்³கா⁴தம் க³ச்ச²ந்தீ’’தி? ‘‘சக்கு²ம் கோ², பி⁴க்கு², அனத்ததோ ஜானதோ பஸ்ஸதோ அனுஸயா ஸமுக்³கா⁴தம் க³ச்ச²ந்தி…பே… ஸோதம்… கா⁴னம்… ஜிவ்ஹம்… காயம்… மனம்… த⁴ம்மே… மனோவிஞ்ஞாணம்… மனோஸம்ப²ஸ்ஸம்… யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனத்ததோ ஜானதோ பஸ்ஸதோ அனுஸயா ஸமுக்³கா⁴தம் க³ச்ச²ந்தி. ஏவம் கோ², பி⁴க்கு², ஜானதோ ஏவம் பஸ்ஸதோ அனுஸயா ஸமுக்³கா⁴தம் க³ச்ச²ந்தீ’’தி. ஸத்தமம்.

8. ஸப்³பு³பாதா³னபரிஞ்ஞாஸுத்தம்

60. ‘‘ஸப்³பு³பாதா³னபரிஞ்ஞாய வோ, பி⁴க்க²வே, த⁴ம்மம் தே³ஸேஸ்ஸாமி. தம் ஸுணாத². கதமோ ச, பி⁴க்க²வே, ஸப்³பு³பாதா³னபரிஞ்ஞாய த⁴ம்மோ? சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணம். திண்ணம் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமோக்கா² [விமோக்க²ம் (க.), விமோக்க² (ஸ்யா. கம்.)] ‘பரிஞ்ஞாதம் மே உபாதா³ன’ந்தி பஜானாதி. ஸோதஞ்ச படிச்ச ஸத்³தே³ ச உப்பஜ்ஜதி… கா⁴னஞ்ச படிச்ச க³ந்தே⁴ ச… ஜிவ்ஹஞ்ச படிச்ச ரஸே ச… காயஞ்ச படிச்ச போ²ட்ட²ப்³பே³ ச… மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணம். திண்ணம் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவம் பஸ்ஸம், பி⁴க்க²வே, ஸுதவா அரியஸாவகோ மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி, மனோஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமோக்கா² ‘பரிஞ்ஞாதம் மே உபாதா³ன’ந்தி பஜானாதி. அயம் கோ², பி⁴க்க²வே, ஸப்³பு³பாதா³னபரிஞ்ஞாய த⁴ம்மோ’’தி. அட்ட²மம்.

9. பட²மஸப்³பு³பாதா³னபரியாதா³னஸுத்தம்

61. ‘‘ஸப்³பு³பாதா³னபரியாதா³னாய வோ, பி⁴க்க²வே, த⁴ம்மம் தே³ஸேஸ்ஸாமி. தம் ஸுணாத². கதமோ ச, பி⁴க்க²வே, ஸப்³பு³பாதா³னபரியாதா³னாய த⁴ம்மோ? சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாணம். திண்ணம் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமோக்கா² ‘பரியாதி³ன்னம் [ஸப்³ப³த்த²பி ஏவமேவ தி³ஸ்ஸதி த³ந்தஜ-நகாரேனேவ] மே உபாதா³ன’ந்தி பஜானாதி…பே… ஜிவ்ஹஞ்ச படிச்ச ரஸே ச உப்பஜ்ஜதி ஜிவ்ஹாவிஞ்ஞாணம்…பே… மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாணம். திண்ணம் ஸங்க³தி ப²ஸ்ஸோ. ப²ஸ்ஸபச்சயா வேத³னா. ஏவம் பஸ்ஸம், பி⁴க்க²வே, ஸுதவா அரியஸாவகோ மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி மனோஸம்ப²ஸ்ஸேபி நிப்³பி³ந்த³தி, வேத³னாயபி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமோக்கா² ‘பரியாதி³ன்னம் மே உபாதா³ன’ந்தி பஜானாதி. அயம் கோ², பி⁴க்க²வே, ஸப்³பு³பாதா³னபரியாதா³னாய த⁴ம்மோ’’தி. நவமம்.

10. து³தியஸப்³பு³பாதா³னபரியாதா³னஸுத்தம்

62. ‘‘ஸப்³பு³பாதா³னபரியாதா³னாய வோ, பி⁴க்க²வே, த⁴ம்மம் தே³ஸேஸ்ஸாமி. தம் ஸுணாத². கதமோ ச, பி⁴க்க²வே, ஸப்³பு³பாதா³னபரியாதா³னாய த⁴ம்மோ’’?

‘‘தம் கிம் மஞ்ஞத², பி⁴க்க²வே, சக்கு² நிச்சம் வா அனிச்சம் வா’’தி?

‘‘அனிச்சம், ப⁴ந்தே’’.

‘‘யம் பனானிச்சம் து³க்க²ம் வா தம் ஸுக²ம் வா’’தி?

‘‘து³க்க²ம், ப⁴ந்தே’’.

‘‘யம் பனானிச்சம் து³க்க²ம் விபரிணாமத⁴ம்மம், கல்லம் நு தம் ஸமனுபஸ்ஸிதும் – ‘ஏதம் மம, ஏஸோஹமஸ்மி, ஏஸோ மே அத்தா’’’தி?

‘‘நோ ஹேதம், ப⁴ந்தே’’.

‘‘ரூபா…பே… சக்கு²விஞ்ஞாணம் நிச்சம் வா அனிச்சம் வா’’தி?

‘‘அனிச்சம், ப⁴ந்தே’’…பே….

‘‘சக்கு²ஸம்ப²ஸ்ஸோ நிச்சோ வா அனிச்சோ வா’’தி?

‘‘அனிச்சோ, ப⁴ந்தே’’…பே….

‘‘யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி நிச்சம் வா அனிச்சம் வா’’தி?

‘‘அனிச்சம், ப⁴ந்தே’’…பே….

‘‘ஸோதம்… கா⁴னம்… ஜிவ்ஹா… காயோ… மனோ… த⁴ம்மா… மனோவிஞ்ஞாணம்… மனோஸம்ப²ஸ்ஸோ… யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா, தம்பி நிச்சம் வா அனிச்சம் வா’’தி?

‘‘அனிச்சம், ப⁴ந்தே’’.

‘‘யம் பனானிச்சம் து³க்க²ம் வா தம் ஸுக²ம் வா’’தி?

‘‘து³க்க²ம், ப⁴ந்தே’’.

‘‘யம் பனானிச்சம் து³க்க²ம் விபரிணாமத⁴ம்மம், கல்லம் நு தம் ஸமனுபஸ்ஸிதும் – ‘ஏதம் மம, ஏஸோஹமஸ்மி, ஏஸோ மே அத்தா’’’தி?

‘‘நோ ஹேதம், ப⁴ந்தே’’.

‘‘ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி. யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி…பே… ஜிவ்ஹாயபி நிப்³பி³ந்த³தி, ரஸேஸுபி நிப்³பி³ந்த³தி, ஜிவ்ஹாவிஞ்ஞாணேபி நிப்³பி³ந்த³தி, ஜிவ்ஹாஸம்ப²ஸ்ஸேபி நிப்³பி³ந்த³தி, யம்பித³ம் ஜிவ்ஹாஸம்ப²ஸ்ஸபச்சயா உப்பஜ்ஜதி…பே… மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி, மனோஸம்ப²ஸ்ஸேபி நிப்³பி³ந்த³தி. யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதி. அயம் கோ², பி⁴க்க²வே, ஸப்³பு³பாதா³னபரியாதா³னாய த⁴ம்மோ’’தி. த³ஸமம்.

அவிஜ்ஜாவக்³கோ³ ச²ட்டோ².

தஸ்ஸுத்³தா³னம் –

அவிஜ்ஜா ஸம்யோஜனா த்³வே, ஆஸவேன து³வே வுத்தா;

அனுஸயா அபரே த்³வே, பரிஞ்ஞா த்³வே பரியாதி³ன்னம்;

வக்³கோ³ தேன பவுச்சதீதி.