5. ஸப்³ப³அனிச்சவக்³கோ³

1-9. அனிச்சாதி³ஸுத்தனவகம்

43. ஸாவத்தி²னிதா³னம். தத்ர கோ²…பே… ‘‘ஸப்³ப³ம், பி⁴க்க²வே, அனிச்சம். கிஞ்ச, பி⁴க்க²வே, ஸப்³ப³ம் அனிச்சம்? சக்கு², பி⁴க்க²வே, அனிச்சம், ரூபா அனிச்சா, சக்கு²விஞ்ஞாணம் அனிச்சம், சக்கு²ஸம்ப²ஸ்ஸோ அனிச்சோ. யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சம்…பே… ஜிவ்ஹா அனிச்சா, ரஸா அனிச்சா, ஜிவ்ஹாவிஞ்ஞாணம் அனிச்சம், ஜிவ்ஹாஸம்ப²ஸ்ஸோ அனிச்சோ. யம்பித³ம் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சம். காயோ அனிச்சோ…பே… மனோ அனிச்சோ, த⁴ம்மா அனிச்சா, மனோவிஞ்ஞாணம் அனிச்சம், மனோஸம்ப²ஸ்ஸோ அனிச்சோ. யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி அனிச்சம். ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி. யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி…பே… மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி, மனோஸம்ப²ஸ்ஸேபி நிப்³பி³ந்த³தி, யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதீ’’தி. பட²மம்.

44. ‘‘ஸப்³ப³ம், பி⁴க்க²வே, து³க்க²ம்…பே…. து³தியம்.

45. ‘‘ஸப்³ப³ம், பி⁴க்க²வே, அனத்தா…பே…. ததியம்.

46. ‘‘ஸப்³ப³ம், பி⁴க்க²வே, அபி⁴ஞ்ஞேய்யம்…பே…. சதுத்த²ம்.

47. ‘‘ஸப்³ப³ம், பி⁴க்க²வே, பரிஞ்ஞேய்யம்…பே…. பஞ்சமம்.

48. ‘‘ஸப்³ப³ம், பி⁴க்க²வே, பஹாதப்³ப³ம்…பே…. ச²ட்ட²ம்.

49. ‘‘ஸப்³ப³ம், பி⁴க்க²வே, ஸச்சி²காதப்³ப³ம்…பே…. ஸத்தமம்.

50. ‘‘ஸப்³ப³ம், பி⁴க்க²வே, அபி⁴ஞ்ஞாபரிஞ்ஞேய்யம்…பே…. அட்ட²மம்.

51. ‘‘ஸப்³ப³ம், பி⁴க்க²வே, உபத்³து³தம்…பே…. நவமம்.

10. உபஸ்ஸட்ட²ஸுத்தம்

52. ‘‘ஸப்³ப³ம், பி⁴க்க²வே, உபஸ்ஸட்ட²ம் [உபஸட்ட²ம் (க.)]. கிஞ்ச, பி⁴க்க²வே, ஸப்³ப³ம் உபஸ்ஸட்ட²ம்? சக்கு², பி⁴க்க²வே, உபஸ்ஸட்ட²ம், ரூபா உபஸ்ஸட்டா², சக்கு²விஞ்ஞாணம் உபஸ்ஸட்ட²ம், சக்கு²ஸம்ப²ஸ்ஸோ உபஸ்ஸட்டோ². யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி உபஸ்ஸட்ட²ம்…பே… ஜிவ்ஹா உபஸ்ஸட்டா², ரஸா உபஸ்ஸட்டா², ஜிவ்ஹாவிஞ்ஞாணம் உபஸ்ஸட்ட²ம், ஜிவ்ஹாஸம்ப²ஸ்ஸோ உபஸ்ஸட்டோ². யம்பித³ம் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி உபஸ்ஸட்ட²ம். காயோ உபஸ்ஸட்டோ²… மனோ உபஸ்ஸட்டோ², த⁴ம்மா உபஸ்ஸட்டா², மனோவிஞ்ஞாணம் உபஸ்ஸட்ட²ம், மனோஸம்ப²ஸ்ஸோ உபஸ்ஸட்டோ². யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தம்பி உபஸ்ஸட்ட²ம். ஏவம் பஸ்ஸம், பி⁴க்க²வே, ஸுதவா அரியஸாவகோ சக்கு²ஸ்மிம்பி நிப்³பி³ந்த³தி, ரூபேஸுபி நிப்³பி³ந்த³தி, சக்கு²விஞ்ஞாணேபி நிப்³பி³ந்த³தி, சக்கு²ஸம்ப²ஸ்ஸேபி நிப்³பி³ந்த³தி. யம்பித³ம் சக்கு²ஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி…பே… மனஸ்மிம்பி நிப்³பி³ந்த³தி, த⁴ம்மேஸுபி நிப்³பி³ந்த³தி, மனோவிஞ்ஞாணேபி நிப்³பி³ந்த³தி, மனோஸம்ப²ஸ்ஸேபி நிப்³பி³ந்த³தி. யம்பித³ம் மனோஸம்ப²ஸ்ஸபச்சயா உப்பஜ்ஜதி வேத³யிதம் ஸுக²ம் வா து³க்க²ம் வா அது³க்க²மஸுக²ம் வா தஸ்மிம்பி நிப்³பி³ந்த³தி. நிப்³பி³ந்த³ம் விரஜ்ஜதி; விராகா³ விமுச்சதி; விமுத்தஸ்மிம் விமுத்தமிதி ஞாணம் ஹோதி. ‘கீ²ணா ஜாதி, வுஸிதம் ப்³ரஹ்மசரியம், கதம் கரணீயம், நாபரம் இத்த²த்தாயா’தி பஜானாதீ’’தி. த³ஸமம்.

ஸப்³ப³அனிச்சவக்³கோ³ பஞ்சமோ.

தஸ்ஸுத்³தா³னம் –

அனிச்சம் து³க்க²ம் அனத்தா, அபி⁴ஞ்ஞேய்யம் பரிஞ்ஞேய்யம்;

பஹாதப்³ப³ம் ஸச்சி²காதப்³ப³ம், அபி⁴ஞ்ஞேய்யபரிஞ்ஞேய்யம் [அபி⁴ஞ்ஞேய்யம் பரிஞ்ஞேய்யம் (ஸீ. ஸ்யா. கம்.), அபி⁴ஞ்ஞாதம் பரிஞ்ஞேய்யம் (பீ. க.)];

உபத்³து³தம் உபஸ்ஸட்ட²ம், வக்³கோ³ தேன பவுச்சதீதி.

ஸளாயதனவக்³கே³ பட²மபண்ணாஸகோ ஸமத்தோ.

தஸ்ஸ வக்³கு³த்³தா³னம் –

அனிச்சவக்³க³ம் யமகம், ஸப்³ப³ம் வக்³க³ம் ஜாதித⁴ம்மம்;

அனிச்சவக்³கே³ன பஞ்ஞாஸம், பஞ்சமோ தேன பவுச்சதீதி.