7. ஹேதுஸுத்தம்

212. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ ஸத்தானம் ஸம்கிலேஸாய. அஹேதூ அப்பச்சயா ஸத்தா ஸம்கிலிஸ்ஸந்தி. நத்தி² ஹேது, நத்தி² பச்சயோ ஸத்தானம் விஸுத்³தி⁴யா. அஹேதூ அப்பச்சயா ஸத்தா விஸுஜ்ஜ²ந்தி. நத்தி² ப³லம் நத்தி² வீரியம் நத்தி² புரிஸதா²மோ நத்தி² புரிஸபரக்கமோ. ஸப்³பே³ ஸத்தா ஸப்³பே³ பாணா ஸப்³பே³ பூ⁴தா ஸப்³பே³ ஜீவா அவஸா அப³லா அவீரியா நியதிஸங்க³திபா⁴வபரிணதா ச²ஸ்வேவாபி⁴ஜாதீஸு ஸுக²து³க்க²ம் படிஸம்வேதே³ந்தீ’’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ…பே… ஸுக²து³க்க²ம் படிஸம்வேதே³ந்தீ’தி. வேத³னாய ஸதி…பே… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நத்தி² ஹேது, நத்தி² பச்சயோ…பே… ஸுக²து³க்க²ம் படிஸம்வேதே³ந்தீ’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நத்தி² ஹேது, நத்தி² பச்சயோ…பே… ஸுக²து³க்க²ம் படிஸம்வேதே³ந்தீ’’’தி? ‘‘நோ ஹேதம், ப⁴ந்தே’’. ‘‘வேத³னா… ஸஞ்ஞா… ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே…பே… அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நத்தி² ஹேது, நத்தி² பச்சயோ…பே… ஸுக²து³க்க²ம் படிஸம்வேதே³ந்தீ’’’தி? ‘‘நோ ஹேதம், ப⁴ந்தே’’. ‘‘யம்பித³ம் தி³ட்ட²ம் ஸுதம் முதம் விஞ்ஞாதம் பத்தம் பரியேஸிதம் அனுவிசரிதம் மனஸா தம்பி நிச்சம் வா அனிச்சம் வா’’தி? ‘‘அனிச்சம், ப⁴ந்தே…பே… அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நத்தி² ஹேது நத்தி² பச்சயோ…பே… ஸுக²து³க்க²ம் படிஸம்வேதே³ந்தீ’’’தி? ‘‘நோ ஹேதம், ப⁴ந்தே’’.

‘‘யதோ கோ², பி⁴க்க²வே, அரியஸாவகஸ்ஸ இமேஸு ச டா²னேஸு கங்கா² பஹீனா ஹோதி, து³க்கே²பிஸ்ஸ கங்கா² பஹீனா ஹோதி …பே… து³க்க²னிரோத⁴கா³மினியா படிபதா³யபிஸ்ஸ கங்கா² பஹீனா ஹோதி – அயம் வுச்சதி, பி⁴க்க²வே, அரியஸாவகோ ஸோதாபன்னோ அவினிபாதத⁴ம்மோ நியதோ ஸம்போ³தி⁴பராயனோ’’தி. ஸத்தமம்.