18. நேவஹோதினனஹோதிததா²க³தோஸுத்தம்

223. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’தி…பே….

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நேவ ஹோதி, ந ந ஹோதி ததா²க³தோ பரம் மரணா’’தி? ‘‘நோ ஹேதம், ப⁴ந்தே’’. ‘‘யம்பித³ம் தி³ட்ட²ம் ஸுதம் முதம் விஞ்ஞாதம் பத்தம் பரியேஸிதம் அனுவிசரிதம் மனஸா தம்பி நிச்சம் வா அனிச்சம் வா’’தி? ‘‘அனிச்சம், ப⁴ந்தே’’. ‘‘யம் பனானிச்சம் து³க்க²ம் வா தம் ஸுக²ம் வா’’தி? ‘‘து³க்க²ம், ப⁴ந்தே’’. ‘‘யம் பனானிச்சம் து³க்க²ம் விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நேவ ஹோதி, ந ந ஹோதி ததா²க³தோ பரம் மரணா’’’தி? ‘‘நோ ஹேதம், ப⁴ந்தே’’.

‘‘யதோ கோ², பி⁴க்க²வே, அரியஸாவகஸ்ஸ இமேஸு ச டா²னேஸு கங்கா² பஹீனா ஹோதி, து³க்கே²பிஸ்ஸ கங்கா² பஹீனா ஹோதி, து³க்க²ஸமுத³யேபிஸ்ஸ கங்கா² பஹீனா ஹோதி, து³க்க²னிரோதே⁴பிஸ்ஸ கங்கா² பஹீனா ஹோதி, து³க்க²னிரோத⁴கா³மினியா படிபதா³யபிஸ்ஸ கங்கா² பஹீனா ஹோதி – அயம் வுச்சதி, பி⁴க்க²வே, அரியஸாவகோ ஸோதாபன்னோ அவினிபாதத⁴ம்மோ நியதோ ஸம்போ³தி⁴பராயனோ’’தி. அட்டா²ரஸமம்.

ஸோதாபத்திவக்³கோ³.

அட்டா²ரஸவேய்யாகரணம் நிட்டி²தம்.

தஸ்ஸுத்³தா³னம் –

வாதம் ஏதம் மம, ஸோ அத்தா நோ ச மே ஸியா;

நத்தி² கரோதோ ஹேது ச, மஹாதி³ட்டே²ன அட்ட²மம்.

ஸஸ்ஸதோ லோகோ ச, அஸஸ்ஸதோ ச அந்தவா ச;

அனந்தவா ச தம் ஜீவம் தம் ஸரீரந்தி;

அஞ்ஞம் ஜீவம் அஞ்ஞம் ஸரீரந்தி ச.

ஹோதி ததா²க³தோ பரம் மரணாதி;

ந ஹோதி ததா²க³தோ பரம் மரணாதி;

நேவ ஹோதி ந ந ஹோதி ததா²க³தோ பரம் மரணாதி.