2. து³தியக³மனவக்³கோ³

1. வாதஸுத்தம்

224. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ந வாதா வாயந்தி, ந நஜ்ஜோ ஸந்த³ந்தி, ந க³ப்³பி⁴னியோ விஜாயந்தி, ந சந்தி³மஸூரியா உதே³ந்தி வா அபேந்தி வா, ஏஸிகட்டா²யிட்டி²தா’’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ந வாதா வாயந்தி…பே… ஏஸிகட்டா²யிட்டி²தா’தி. வேத³னாய ஸதி…பே… ஸஞ்ஞாய ஸதி…பே… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ந வாதா வாயந்தி…பே… ஏஸிகட்டா²யிட்டி²தா’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ந வாதா வாயந்தி…பே… ஏஸிகட்டா²யிட்டி²தா’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ந வாதா வாயந்தி…பே… ஏஸிகட்டா²யிட்டி²தா’’’தி. ‘‘வேத³னா… ஸஞ்ஞா… ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய ‘ந வாதா வாயந்தி…பே… ஏஸிகட்டா²யிட்டி²தா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜேய்ய – ‘ந வாதா வாயந்தி, ந நஜ்ஜோ ஸந்த³ந்தி, ந க³ப்³பி⁴னியோ விஜாயந்தி, ந சந்தி³மஸூரியா உதே³ந்தி வா அபேந்தி வா, ஏஸிகட்டா²யிட்டி²தா’’’தி. பட²மம்.

225-240. (புரிமவக்³கே³ விய அட்டா²ரஸ வேய்யாகரணானி வித்தா²ரேதப்³பா³னீதி.) ஸத்தரஸமம்.

18. நேவஹோதினனஹோதிஸுத்தம்

241. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி ந ந ஹோதி ததா²க³தோ பரம் மரணா’’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’தி. வேத³னாய ஸதி… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நேவ ஹோதி, ந ந ஹோதி ததா²க³தோ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’’’தி. ‘‘வேத³னா… ஸஞ்ஞா … ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘நேவ ஹோதி, ந ந ஹோதி ததா²க³தோ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘நேவ ஹோதி, ந ந ஹோதி ததா²க³தோ பரம் மரணா’’’தி. அட்டா²ரஸமம்.

19. ரூபீஅத்தாஸுத்தம்

242. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ரூபீ அத்தா ஹோதி, அரோகோ³ பரம் மரணா’’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ரூபீ அத்தா ஹோதி, அரோகோ³ பரம் மரணா’தி. வேத³னாய ஸதி…பே… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ரூபீ அத்தா ஹோதி, அரோகோ³ பரம் மரணா’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘ரூபீ அத்தா ஹோதி, அரோகோ³ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ரூபீ அத்தா ஹோதி, அரோகோ³ பரம் மரணா’’’தி? ‘‘வேத³னா…பே… ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘ரூபீ அத்தா ஹோதி, அரோகோ³ பரம் மரணா’’’தி. ஏகூனவீஸதிமம்.

20. அரூபீஅத்தாஸுத்தம்

243. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அரூபீ அத்தா ஹோதி அரோகோ³ பரம் மரணா’’’தி? (பேய்யாலோ) வீஸதிமம்.

21. ரூபீசஅரூபீசஅத்தாஸுத்தம்

244. ஸாவத்தி²னிதா³னம். ‘‘ரூபீ ச அரூபீ ச அத்தா ஹோதி அரோகோ³ பரம் மரணா’’தி…பே…. ஏகவீஸதிமம்.

22. நேவரூபீனாரூபீஅத்தாஸுத்தம்

245. ‘‘நேவ ரூபீ நாரூபீ அத்தா ஹோதி அரோகோ³ பரம் மரணா’’தி…பே…. பா³வீஸதிமம்.

23. ஏகந்தஸுகீ²ஸுத்தம்

246. ‘‘ஏகந்தஸுகீ² அத்தா ஹோதி அரோகோ³ பரம் மரணா’’தி…பே…. தேவீஸதிமம்.

24. ஏகந்தது³க்கீ²ஸுத்தம்

247. ‘‘ஏகந்தது³க்கீ² அத்தா ஹோதி அரோகோ³ பரம் மரணா’’தி…பே…. சதுவீஸதிமம்.

25. ஸுக²து³க்கீ²ஸுத்தம்

248. ‘‘ஸுக²து³க்கீ² அத்தா ஹோதி அரோகோ³ பரம் மரணா’’தி…பே…. பஞ்சவீஸதிமம்.

26. அது³க்க²மஸுகீ²ஸுத்தம்

249. ‘‘அது³க்க²மஸுகீ² அத்தா ஹோதி அரோகோ³ பரம் மரணா’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’தி. வேத³னாய ஸதி… ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி.

‘‘தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி. ‘‘வேத³னா… ஸஞ்ஞா… ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’…பே… விபரிணாமத⁴ம்மம், அபி நு தம் அனுபாதா³ய ஏவம் தி³ட்டி² உப்பஜ்ஜேய்ய – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி? ‘‘நோ ஹேதம், ப⁴ந்தே’’. ‘‘இதி கோ², பி⁴க்க²வே, து³க்கே² ஸதி, து³க்க²ம் உபாதா³ய, து³க்க²ம் அபி⁴னிவிஸ்ஸ ஏவம் தி³ட்டி² உப்பஜ்ஜதி – ‘அது³க்க²மஸுகீ² அத்தா ஹோதி அரோகோ³ பரம் மரணா’’’தி. ச²ப்³பீ³ஸதிமம்.

து³தியபேய்யாலோ.

தஸ்ஸுத்³தா³னம் –

வாதம் ஏதம் மம ஸோ, அத்தா நோ ச மே ஸியா;

நத்தி² கரோதோ ஹேது ச, மஹாதி³ட்டே²ன அட்ட²மம்.

ஸஸ்ஸதோ அஸஸ்ஸதோ சேவ, அந்தானந்தவா ச வுச்சதி;

தம் ஜீவம் அஞ்ஞம் ஜீவஞ்ச, ததா²க³தேன சத்தாரோ.

ரூபீ அத்தா ஹோதி, அரூபீ ச அத்தா ஹோதி;

ரூபீ ச அரூபீ ச அத்தா ஹோதி;

நேவ ரூபீ நாரூபீ அத்தா ஹோதி, ஏகந்தஸுகீ² அத்தா ஹோதி.

ஏகந்தது³க்கீ² அத்தா ஹோதி, ஸுக²து³க்கீ² அத்தா ஹோதி;

அது³க்க²மஸுகீ² அத்தா ஹோதி, அரோகோ³ பரம் மரணாதி;

இமே ச²ப்³பீ³ஸதி ஸுத்தா, து³தியவாரேன தே³ஸிதா.