5. மிச்சா²தி³ட்டி²ஸுத்தம்

154. ஸாவத்தி²னிதா³னம். ‘‘கிஸ்மிம் நு கோ², பி⁴க்க²வே, ஸதி, கிம் உபாதா³ய, கிம் அபி⁴னிவிஸ்ஸ மிச்சா²தி³ட்டி² உப்பஜ்ஜதீ’’தி? ப⁴க³வம்மூலகா நோ, ப⁴ந்தே, த⁴ம்மா…பே… ‘‘ரூபே கோ², பி⁴க்க²வே, ஸதி, ரூபம் உபாதா³ய, ரூபம் அபி⁴னிவிஸ்ஸ மிச்சா²தி³ட்டி² உப்பஜ்ஜதி. வேத³னாய ஸதி… மிச்சா²தி³ட்டி² உப்பஜ்ஜதி. ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணம் உபாதா³ய, விஞ்ஞாணம் அபி⁴னிவிஸ்ஸ மிச்சா²தி³ட்டி² உப்பஜ்ஜதி. தம் கிம் மஞ்ஞத², பி⁴க்க²வே, ரூபம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’. ‘‘யம் பனானிச்சம்…பே… அபி நு தம் அனுபாதா³ய மிச்சா²தி³ட்டி² உப்பஜ்ஜேய்யா’’தி? ‘‘நோ ஹேதம், ப⁴ந்தே’’. ‘‘வேத³னா… ஸஞ்ஞா… ஸங்கா²ரா… விஞ்ஞாணம் நிச்சம் வா அனிச்சம் வா’’தி? ‘‘அனிச்சம், ப⁴ந்தே’’. ‘‘யம் பனானிச்சம், து³க்க²ம் வா தம் ஸுக²ம் வா’’தி? ‘‘து³க்க²ம், ப⁴ந்தே’’. ‘‘யம் பனானிச்சம் து³க்க²ம் விபரிணாமத⁴ம்மம், அபி நு தம் அனுபாதா³ய மிச்சா²தி³ட்டி² உப்பஜ்ஜேய்யா’’தி? ‘‘நோ ஹேதம், ப⁴ந்தே’’. ‘‘ஏவம் பஸ்ஸம்…பே… நாபரம் இத்த²த்தாயாதி பஜானாதீ’’தி.‘பஞ்சமம்.