2. து³தியவக்³கோ³

1. ஸுவண்ணபாதிஸுத்தம்

167. ஸாவத்தி²யம் விஹரதி…பே… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே… அதி⁴க³மாய. இதா⁴ஹம், பி⁴க்க²வே, ஏகச்சம் புக்³க³லம் ஏவம் சேதஸா சேதோ பரிச்ச பஜானாமி – ‘ந சாயமாயஸ்மா ஸுவண்ணபாதியாபி ரூபியசுண்ணபரிபூராய ஹேது ஸம்பஜானமுஸா பா⁴ஸேய்யா’தி. தமேனம் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தம் பரியாதி³ண்ணசித்தம் ஸம்பஜானமுஸா பா⁴ஸந்தம். ஏவம் தா³ருணோ கோ², பி⁴க்க²வே, லாப⁴ஸக்காரஸிலோகோ…பே… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. பட²மம்.

2. ரூபியபாதிஸுத்தம்

168. ஸாவத்தி²யம் விஹரதி…பே… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே… இதா⁴ஹம், பி⁴க்க²வே, ஏகச்சம் புக்³க³லம் ஏவம் சேதஸா சேதோ பரிச்ச பஜானாமி – ‘ந சாயமாயஸ்மா ரூபியபாதியாபி ஸுவண்ணசுண்ணபரிபூராய ஹேது ஸம்பஜானமுஸா பா⁴ஸேய்யா’தி. தமேனம் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தம் பரியாதி³ண்ணசித்தம் ஸம்பஜானமுஸா பா⁴ஸந்தம். ஏவம் தா³ருணோ கோ², பி⁴க்க²வே, லாப⁴ஸக்காரஸிலோகோ…பே… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியம்.

3-10. ஸுவண்ணனிக்க²ஸுத்தாதி³அட்ட²கம்

169. ஸாவத்தி²யம் விஹரதி…பே… ‘‘இதா⁴ஹம், பி⁴க்க²வே, ஏகச்சம் புக்³க³லம் ஏவம் சேதஸா சேதோ பரிச்ச பஜானாமி – ‘ந சாயமாயஸ்மா ஸுவண்ணனிக்க²ஸ்ஸாபி ஹேது…பே… ஸுவண்ணனிக்க²ஸதஸ்ஸாபி ஹேது… ஸிங்கீ³னிக்க²ஸ்ஸாபி ஹேது… ஸிங்கீ³னிக்க²ஸதஸ்ஸாபி ஹேது… பத²வியாபி ஜாதரூபபரிபூராய ஹேது… ஆமிஸகிஞ்சிக்க²ஹேதுபி… ஜீவிதஹேதுபி… ஜனபத³கல்யாணியாபி ஹேது ஸம்பஜானமுஸா பா⁴ஸேய்யா’தி. தமேனம் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தம் பரியாதி³ண்ணசித்தம் ஸம்பஜானமுஸா பா⁴ஸந்தம். ஏவம் தா³ருணோ கோ², பி⁴க்க²வே, லாப⁴ஸக்காரஸிலோகோ…பே… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. த³ஸமம்.

து³தியோ வக்³கோ³.

தஸ்ஸுத்³தா³னம் –

த்³வே பாதி த்³வே ஸுவண்ணா ச, ஸிங்கீ³ஹி அபரே து³வே;

பத²வீ கிஞ்சிக்க²ஜீவிதம், ஜனபத³கல்யாணியா த³ஸாதி.