4. ஸத்தகம்மபத²ஸுத்தம்

110. ஸாவத்தி²யம் விஹரதி…பே… ‘‘தா⁴துஸோவ, பி⁴க்க²வே, ஸத்தா ஸம்ஸந்த³ந்தி ஸமேந்தி. பாணாதிபாதினோ பாணாதிபாதீஹி ஸத்³தி⁴ம் ஸம்ஸந்த³ந்தி ஸமேந்தி; அதி³ன்னாதா³யினோ அதி³ன்னாதா³யீஹி ஸத்³தி⁴ம் ஸம்ஸந்த³ந்தி ஸமேந்தி; காமேஸுமிச்சா²சாரினோ காமேஸுமிச்சா²சாரீஹி ஸத்³தி⁴ம் ஸம்ஸந்த³ந்தி ஸமேந்தி; முஸாவாதி³னோ முஸாவாதீ³ஹி ஸத்³தி⁴ம் ஸம்ஸந்த³ந்தி ஸமேந்தி; பிஸுணவாசா பிஸுணவாசேஹி ஸத்³தி⁴ம் ஸம்ஸந்த³ந்தி ஸமேந்தி; ப²ருஸவாசா ப²ருஸவாசேஹி ஸத்³தி⁴ம் ஸம்ஸந்த³ந்தி ஸமேந்தி; ஸம்ப²ப்பலாபினோ ஸம்ப²ப்பலாபீஹி ஸத்³தி⁴ம் ஸம்ஸந்த³ந்தி ஸமேந்தி’’.

‘‘பாணாதிபாதா படிவிரதா…பே… அதி³ன்னாதா³னா படிவிரதா… காமேஸுமிச்சா²சாரா படிவிரதா… முஸாவாதா³ படிவிரதா… பிஸுணாய வாசாய படிவிரதா பிஸுணாய வாசாய படிவிரதேஹி ஸத்³தி⁴ம் ஸம்ஸந்த³ந்தி ஸமேந்தி; ப²ருஸாய வாசாய படிவிரதா ப²ருஸாய வாசாய படிவிரதேஹி ஸத்³தி⁴ம் ஸம்ஸந்த³ந்தி ஸமேந்தி; ஸம்ப²ப்பலாபா படிவிரதா ஸம்ப²ப்பலாபா படிவிரதேஹி ஸத்³தி⁴ம் ஸம்ஸந்த³ந்தி ஸமேந்தீ’’தி. சதுத்த²ம்.