5. த³ஸகம்மபத²ஸுத்தம்

111. ஸாவத்தி²யம் விஹரதி…பே… ‘‘தா⁴துஸோவ, பி⁴க்க²வே, ஸத்தா ஸம்ஸந்த³ந்தி ஸமேந்தி. பாணாதிபாதினோ பாணாதிபாதீஹி ஸத்³தி⁴ம் ஸம்ஸந்த³ந்தி ஸமேந்தி; அதி³ன்னாதா³யினோ…பே… காமேஸுமிச்சா²சாரினோ… முஸாவாதி³னோ… பிஸுணவாசா… ப²ருஸவாசா… ஸம்ப²ப்பலாபினோ ஸம்ப²ப்பலாபீஹி ஸத்³தி⁴ம் ஸம்ஸந்த³ந்தி ஸமேந்தி; அபி⁴ஜ்ஜா²லுனோ அபி⁴ஜ்ஜா²லூஹி ஸத்³தி⁴ம் ஸம்ஸந்த³ந்தி ஸமேந்தி; ப்³யாபன்னசித்தா ப்³யாபன்னசித்தேஹி ஸத்³தி⁴ம் ஸம்ஸந்த³ந்தி ஸமேந்தி; மிச்சா²தி³ட்டி²கா மிச்சா²தி³ட்டி²கேஹி ஸத்³தி⁴ம் ஸம்ஸந்த³ந்தி ஸமேந்தி’’.

‘‘பாணாதிபாதா படிவிரதா பாணாதிபாதா படிவிரதேஹி ஸத்³தி⁴ம் ஸம்ஸந்த³ந்தி ஸமேந்தி; அதி³ன்னாதா³னா படிவிரதா…பே… காமேஸுமிச்சா²சாரா படிவிரதா… முஸாவாதா³ படிவிரதா… பிஸுணாய வாசாய… ப²ருஸாய வாசாய… ஸம்ப²ப்பலாபா படிவிரதா ஸம்ப²ப்பலாபா படிவிரதேஹி ஸத்³தி⁴ம் ஸம்ஸந்த³ந்தி ஸமேந்தி; அனபி⁴ஜ்ஜா²லுனோ அனபி⁴ஜ்ஜா²லூஹி ஸத்³தி⁴ம் ஸம்ஸந்த³ந்தி ஸமேந்தி; அப்³யாபன்னசித்தா அப்³யாபன்னசித்தேஹி ஸத்³தி⁴ம் ஸம்ஸந்த³ந்தி ஸமேந்தி; ஸம்மாதி³ட்டி²கா ஸம்மாதி³ட்டி²கேஹி ஸத்³தி⁴ம் ஸம்ஸந்த³ந்தி ஸமேந்தீ’’தி. பஞ்சமம்.