4. து³தியஸம்பே⁴ஜ்ஜஉத³கஸுத்தம்

77. ஸாவத்தி²யம் விஹரதி…பே… ‘‘ஸேய்யதா²பி, பி⁴க்க²வே, யத்தி²மா மஹானதி³யோ ஸம்ஸந்த³ந்தி ஸமேந்தி, ஸேய்யதி²த³ம் – க³ங்கா³ யமுனா அசிரவதீ ஸரபூ⁴ மஹீ, தம் உத³கம் பரிக்க²யம் பரியாதா³னம் க³ச்சே²ய்ய ட²பேத்வா த்³வே வா தீணி வா உத³கபு²ஸிதானி. தம் கிம் மஞ்ஞத², பி⁴க்க²வே, கதமம் நு கோ² ப³ஹுதரம், யம் வா ஸம்பே⁴ஜ்ஜஉத³கம் பரிக்கீ²ணம் பரியாதி³ண்ணம் யானி வா த்³வே வா தீணி வா உத³கபு²ஸிதானி அவஸிட்டா²னீ’’தி?

‘‘ஏததே³வ, ப⁴ந்தே, ப³ஹுதரம் ஸம்பே⁴ஜ்ஜஉத³கம் யதி³த³ம் பரிக்கீ²ணம் பரியாதி³ண்ணம்; அப்பமத்தகானி த்³வே வா தீணி வா உத³கபு²ஸிதானி அவஸிட்டா²னி. நேவ ஸதிமம் கலம் உபேந்தி ந ஸஹஸ்ஸிமம் கலம் உபேந்தி ந ஸதஸஹஸ்ஸிமம் கலம் உபேந்தி ஸம்பே⁴ஜ்ஜஉத³கம் பரிக்கீ²ணம் பரியாதி³ண்ணம் உபனிதா⁴ய த்³வே வா தீணி வா உத³கபு²ஸிதானி அவஸிட்டா²னீ’’தி. ‘‘ஏவமேவ கோ², பி⁴க்க²வே…பே… த⁴ம்மசக்கு²படிலாபோ⁴’’தி. சதுத்த²ம்.