3. இத்³தி⁴பாத³வாரோ

42. ‘‘‘அயம் ச²ந்த³ஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³’தி மே, பி⁴க்க²வே புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³. ‘ஸோ கோ² பனாயம் ச²ந்த³ஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³ பா⁴வேதப்³போ³’தி மே, பி⁴க்க²வே…பே… பா⁴விதோதி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³.

‘‘அயம் வீரியஸமாதி⁴…பே… அயம் சித்தஸமாதி⁴…பே… அயம் வீமம்ஸாஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³தி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³. ஸோ கோ² பனாயம் வீமம்ஸாஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³ பா⁴வேதப்³போ³தி மே, பி⁴க்க²வே…பே… பா⁴விதோதி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³’’.

அயம் ச²ந்த³ஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³தி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³…பே… ஸோ கோ² பனாயம் ச²ந்த³ஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³ பா⁴வேதப்³போ³தி…பே… பா⁴விதோதி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³, ஞாணம் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³.

சக்கு²ம் உத³பாதீ³தி – கேனட்டே²ன? ஞாணம் உத³பாதீ³தி – கேனட்டே²ன? பஞ்ஞா உத³பாதீ³தி – கேனட்டே²ன? விஜ்ஜா உத³பாதீ³தி – கேனட்டே²ன? ஆலோகோ உத³பாதீ³தி – கேனட்டே²ன? சக்கு²ம் உத³பாதீ³தி – த³ஸ்ஸனட்டே²ன. ஞாணம் உத³பாதீ³தி – ஞாதட்டே²ன. பஞ்ஞா உத³பாதீ³தி – பஜானனட்டே²ன. விஜ்ஜா உத³பாதீ³தி – படிவேத⁴ட்டே²ன. ஆலோகோ உத³பாதீ³தி – ஓபா⁴ஸட்டே²ன.

சக்கு²ம் த⁴ம்மோ, த³ஸ்ஸனட்டோ² அத்தோ². ஞாணம் த⁴ம்மோ, ஞாதட்டோ² அத்தோ². பஞ்ஞா த⁴ம்மோ, பஜானனட்டோ² அத்தோ². விஜ்ஜா த⁴ம்மோ, படிவேத⁴ட்டோ² அத்தோ². ஆலோகோ த⁴ம்மோ, ஓபா⁴ஸட்டோ² அத்தோ². இமே பஞ்ச த⁴ம்மா பஞ்ச அத்தா² ச²ந்த³வத்து²கா இத்³தி⁴பாத³வத்து²கா இத்³தி⁴பாதா³ரம்மணா இத்³தி⁴பாத³கோ³சரா இத்³தி⁴பாத³ஸங்க³ஹிதா இத்³தி⁴பாத³பரியாபன்னா இத்³தி⁴பாதே³ ஸமுதா³க³தா இத்³தி⁴பாதே³ டி²தா இத்³தி⁴பாதே³ பதிட்டி²தா.

த⁴ம்மசக்கந்தி கேனட்டே²ன த⁴ம்மசக்கம்? த⁴ம்மஞ்ச பவத்தேதி சக்கஞ்சாதி – த⁴ம்மசக்கம். சக்கஞ்ச பவத்தேதி த⁴ம்மஞ்சாதி – த⁴ம்மசக்கம். த⁴ம்மேன பவத்தேதீதி – த⁴ம்மசக்கம். த⁴ம்மசரியாய பவத்தேதீதி – த⁴ம்மசக்கம். த⁴ம்மே டி²தோ பவத்தேதீதி – த⁴ம்மசக்கம். த⁴ம்மே பதிட்டி²தோ பவத்தேதீதி – த⁴ம்மசக்கம். த⁴ம்மே பதிட்டா²பேந்தோ பவத்தேதீதி – த⁴ம்மசக்கம். த⁴ம்மே வஸிப்பத்தோ பவத்தேதீதி – த⁴ம்மசக்கம். த⁴ம்மே வஸிம் பாபேந்தோ பவத்தேதீதி – த⁴ம்மசக்கம். த⁴ம்மே பாரமிப்பத்தோ பவத்தேதீதி – த⁴ம்மசக்கம். த⁴ம்மே பாரமிம் பாபேந்தோ பவத்தேதீதி – த⁴ம்மசக்கம்…பே… த⁴ம்மம் அபசாயமானோ பவத்தேதீதி – த⁴ம்மசக்கம். த⁴ம்மத்³த⁴ஜோ பவத்தேதீதி – த⁴ம்மசக்கம். த⁴ம்மகேது பவத்தேதீதி – த⁴ம்மசக்கம். த⁴ம்மாதி⁴பதேய்யோ பவத்தேதீதி – த⁴ம்மசக்கம். தம் கோ² பன த⁴ம்மசக்கம் அப்படிவத்தியம் ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா கேனசி வா லோகஸ்மிந்தி – த⁴ம்மசக்கம்.

ஸத்³தி⁴ந்த்³ரியம் த⁴ம்மோ. தம் த⁴ம்மம் பவத்தேதீதி – த⁴ம்மசக்கம்…பே… அமதோக³த⁴ம் நிப்³பா³னம் பரியோஸானட்டே²ன த⁴ம்மோ. தம் த⁴ம்மம் பவத்தேதீதி – த⁴ம்மசக்கம்.

அயம் வீரியஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³தி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³…பே… ஸோ கோ² பனாயம் வீரியஸமாதி⁴பதா⁴னஸங்கா²ரஸமன்னாக³தோ இத்³தி⁴பாதோ³ பா⁴வேதப்³போ³தி…பே… பா⁴விதோதி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³.

சக்கு²ம் உத³பாதீ³தி – கேனட்டே²ன…பே… ஆலோகோ உத³பாதீ³தி – கேனட்டே²ன? சக்கு²ம் உத³பாதீ³தி – த³ஸ்ஸனட்டே²ன…பே… ஆலோகோ உத³பாதீ³தி – ஓபா⁴ஸட்டே²ன.

சக்கு²ம் த⁴ம்மோ, த³ஸ்ஸனட்டோ² அத்தோ²…பே… ஆலோகோ த⁴ம்மோ, ஓபா⁴ஸட்டோ² அத்தோ². இமே பஞ்ச த⁴ம்மா பஞ்ச அத்தா² வீரியவத்து²கா இத்³தி⁴பாத³வத்து²கா…பே… சித்தவத்து²கா இத்³தி⁴பாத³வத்து²கா… வீமம்ஸாவத்து²கா இத்³தி⁴பாத³வத்து²கா இத்³தி⁴பாதா³ரம்மணா இத்³தி⁴பாத³கோ³சரா இத்³தி⁴பாத³ஸங்க³ஹிதா இத்³தி⁴பாத³பரியாபன்னா இத்³தி⁴பாதே³ ஸமுதா³க³தா இத்³தி⁴பாதே³ டி²தா இத்³தி⁴பாதே³ பதிட்டி²தா.

த⁴ம்மசக்கந்தி கேனட்டே²ன த⁴ம்மசக்கம்? த⁴ம்மஞ்ச பவத்தேதி சக்கஞ்சாதி – த⁴ம்மசக்கம். சக்கஞ்ச பவத்தேதி த⁴ம்மஞ்சாதி – த⁴ம்மசக்கம். த⁴ம்மேன பவத்தேதீதி – த⁴ம்மசக்கம். த⁴ம்மசரியாய பவத்தேதீதி – த⁴ம்மசக்கம். த⁴ம்மே டி²தோ பவத்தேதீதி – த⁴ம்மசக்கம். த⁴ம்மே பதிட்டி²தோ பவத்தேதீதி – த⁴ம்மசக்கம்…பே… அமதோக³த⁴ம் நிப்³பா³னம் பரியோஸானட்டே²ன த⁴ம்மோ. தம் த⁴ம்மம் பவத்தேதீதி – த⁴ம்மசக்கந்தி.

த⁴ம்மசக்ககதா² நிட்டி²தா.