9. ச²பு³த்³த⁴த⁴ம்மவாரோ

38. ‘‘‘யாவதா இந்த்³ரியபரோபரியத்தே ஞாணம், ஞாதம் தி³ட்ட²ம் விதி³தம் ஸச்சி²கதம் ப²ஸ்ஸிதம் பஞ்ஞாய. அப²ஸ்ஸிதம் பஞ்ஞாய இந்த்³ரியபரோபரியத்தே ஞாணம் நத்தீ²’தி – சக்கு²ம் உத³பாதி³…பே… ஆலோகோ உத³பாதி³’’. இந்த்³ரியபரோபரியத்தே ஞாணே பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதம் ஞாணானி.

‘‘‘யாவதா ஸத்தானம் ஆஸயானுஸயே ஞாணம்…பே… யாவதா யமகபாடிஹீரே ஞாணம் …பே… யாவதா மஹாகருணாஸமாபத்தியா ஞாணம்…பே… யாவதா ஸப்³ப³ஞ்ஞுதஞ்ஞாணம்…பே… யாவதா அனாவரணம் ஞாணம், ஞாதம் தி³ட்ட²ம் விதி³தம் ஸச்சி²கதம் ப²ஸ்ஸிதம் பஞ்ஞாய. அப²ஸ்ஸிதம் பஞ்ஞாய அனாவரணம் ஞாணம் நத்தீ²’தி – சக்கு²ம் உத³பாதி³, ஞாணம் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. அனாவரணே ஞாணே பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதம் ஞாணானி.

ச²ஸு பு³த்³த⁴த⁴ம்மேஸு தி³யட்³ட⁴ஸதம் த⁴ம்மா, தி³யட்³ட⁴ஸதம் அத்தா², தீணி நிருத்திஸதானி, ச² ஞாணஸதானி.

படிஸம்பி⁴தா³தி⁴கரணே [படிஸம்பி⁴தா³பகரணே (ஸ்யா.)] அட்³ட⁴னவத⁴ம்மஸதானி [அட்³ட⁴னவமானி த⁴ம்மஸதானி (ஸ்யா.), அட்³ட⁴னவமத⁴ம்மஸதானி (க.)], அட்³ட⁴னவஅத்த²ஸதானி, நிருத்திஸஹஸ்ஸஞ்ச ஸத்த ச நிருத்திஸதானி, தீணி ச ஞாணஸஹஸ்ஸானி, சத்தாரி ச ஞாணஸதானீதி.

படிஸம்பி⁴தா³கதா² நிட்டி²தா.