5. அபி⁴ஞ்ஞாதி³வாரோ

34. ‘‘‘யாவதா அபி⁴ஞ்ஞாய அபி⁴ஞ்ஞட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய அபி⁴ஞ்ஞட்டோ² நத்தீ²’தி – சக்கு²ம் உத³பாதி³, ஞாணம் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. அபி⁴ஞ்ஞாய அபி⁴ஞ்ஞட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதம் ஞாணானி.

‘‘‘யாவதா பரிஞ்ஞாய பரிஞ்ஞட்டோ²…பே… யாவதா பஹானஸ்ஸ பஹானட்டோ²…பே… யாவதா பா⁴வனாய பா⁴வனட்டோ²…பே… யாவதா ஸச்சி²கிரியாய ஸச்சி²கிரியட்டோ² ஞாதோ தி³ட்டோ² விதி³தோ ஸச்சி²கதோ ப²ஸ்ஸிதோ பஞ்ஞாய. அப²ஸ்ஸிதோ பஞ்ஞாய ஸச்சி²கிரியட்டோ² நத்தீ²’தி – சக்கு²ம் உத³பாதி³, ஞாணம் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’. ஸச்சி²கிரியாய ஸச்சி²கிரியட்டே² பஞ்சவீஸதி த⁴ம்மா, பஞ்சவீஸதி அத்தா², பஞ்ஞாஸ நிருத்தியோ, ஸதம் ஞாணானி.

அபி⁴ஞ்ஞாய அபி⁴ஞ்ஞட்டே², பரிஞ்ஞாய பரிஞ்ஞட்டே², பஹானாய பஹானட்டே², பா⁴வனாய பா⁴வனட்டே², ஸச்சி²கிரியாய ஸச்சி²கிரியட்டே² பஞ்சவீஸஸதம் த⁴ம்மா, பஞ்சவீஸஸதம் அத்தா², அட்³ட⁴தேய்யானி நிருத்திஸதானி, பஞ்ச ஞாணஸதானி.