2. ஸதிபட்டா²னவாரோ

31. ‘‘‘அயம் காயே காயானுபஸ்ஸனா’தி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³. ஸா கோ² பனாயம் காயே காயானுபஸ்ஸனா பா⁴வேதப்³பா³தி மே, பி⁴க்க²வே,…பே… பா⁴விதாதி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³’’.

‘‘அயம் வேத³னாஸு…பே… அயம் சித்தே…பே… அயம் த⁴ம்மேஸு த⁴ம்மானுபஸ்ஸனாதி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³. ஸா கோ² பனாயம் த⁴ம்மேஸு த⁴ம்மானுபஸ்ஸனா பா⁴வேதப்³பா³ தி…பே… பா⁴விதாதி மே, பி⁴க்க²வே, புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³’’.

[க] ‘‘‘அயம் காயே காயானுபஸ்ஸனா’தி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³…பே… ஸா கோ² பனாயம் காயே காயானுபஸ்ஸனா பா⁴வேதப்³பா³தி…பே… பா⁴விதாதி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³, ஞாணம் உத³பாதி³, பஞ்ஞா உத³பாதி³, விஜ்ஜா உத³பாதி³, ஆலோகோ உத³பாதி³’’.

சக்கு²ம் உத³பாதீ³தி – கேனட்டே²ன? ஞாணம் உத³பாதீ³தி – கேனட்டே²ன? பஞ்ஞா உத³பாதீ³தி – கேனட்டே²ன? விஜ்ஜா உத³பாதீ³தி – கேனட்டே²ன? ஆலோகோ உத³பாதீ³தி – கேனட்டே²ன? சக்கு²ம் உத³பாதீ³தி – த³ஸ்ஸனட்டே²ன. ஞாணம் உத³பாதீ³தி – ஞாதட்டே²ன. பஞ்ஞா உத³பாதீ³தி – பஜானனட்டே²ன. விஜ்ஜா உத³பாதீ³தி – படிவேத⁴ட்டே²ன. ஆலோகோ உத³பாதீ³தி – ஓபா⁴ஸட்டே²ன.

சக்கு²ம் த⁴ம்மோ, ஞாணம் த⁴ம்மோ, பஞ்ஞா த⁴ம்மோ, விஜ்ஜா த⁴ம்மோ, ஆலோகோ த⁴ம்மோ. இமே பஞ்ச த⁴ம்மா த⁴ம்மபடிஸம்பி⁴தா³ய ஆரம்மணா சேவ ஹோந்தி கோ³சரா ச. யே தஸ்ஸா ஆரம்மணா தே தஸ்ஸா கோ³சரா. யே தஸ்ஸா கோ³சரா தே தஸ்ஸா ஆரம்மணா. தேன வுச்சதி – ‘‘த⁴ம்மேஸு ஞாணம் த⁴ம்மபடிஸம்பி⁴தா³’’.

த³ஸ்ஸனட்டோ² அத்தோ², ஞாதட்டோ² அத்தோ², பஜானனட்டோ² அத்தோ², படிவேத⁴ட்டோ² அத்தோ², ஓபா⁴ஸட்டோ² அத்தோ². இமே பஞ்ச அத்தா² அத்த²படிஸம்பி⁴தா³ய ஆரம்மணா சேவ ஹோந்தி கோ³சரா ச. யே தஸ்ஸா ஆரம்மணா தே தஸ்ஸா கோ³சரா. யே தஸ்ஸா கோ³சரா தே தஸ்ஸா ஆரம்மணா. தேன வுச்சதி – ‘‘அத்தே²ஸு ஞாணம் அத்த²படிஸம்பி⁴தா³’’.

பஞ்ச த⁴ம்மே ஸந்த³ஸ்ஸேதும் ப்³யஞ்ஜனனிருத்தாபி⁴லாபா, பஞ்ச அத்தே² ஸந்த³ஸ்ஸேதும் ப்³யஞ்ஜனனிருத்தாபி⁴லாபா. இமா த³ஸ நிருத்தியோ நிருத்திபடிஸம்பி⁴தா³ய ஆரம்மணா சேவ ஹோந்தி கோ³சரா ச. யே தஸ்ஸா ஆரம்மணா தே தஸ்ஸா கோ³சரா. யே தஸ்ஸா கோ³சரா தே தஸ்ஸா ஆரம்மணா. தேன வுச்சதி – ‘‘நிருத்தீஸு ஞாணம் நிருத்திபடிஸம்பி⁴தா³’’.

பஞ்சஸு த⁴ம்மேஸு ஞாணானி, பஞ்சஸு அத்தே²ஸு ஞாணானி, த³ஸஸு நிருத்தீஸு ஞாணானி. இமானி வீஸதி ஞாணானி படிபா⁴னபடிஸம்பி⁴தா³ய ஆரம்மணா சேவ ஹோந்தி கோ³சரா ச. யே தஸ்ஸா ஆரம்மணா தே தஸ்ஸா கோ³சரா. யே தஸ்ஸா கோ³சரா தே தஸ்ஸா ஆரம்மணா. தேன வுச்சதி – ‘‘படிபா⁴னேஸு ஞாணம் படிபா⁴னபடிஸம்பி⁴தா³’’.

காயே காயானுபஸ்ஸனாஸதிபட்டா²னே பன்னரஸ த⁴ம்மா, பன்னரஸ அத்தா², திம்ஸ நிருத்தியோ, ஸட்டி² ஞாணானி.

[க²-க⁴] ‘‘அயம் வேத³னாஸு…பே… அயம் சித்தே…பே… அயம் த⁴ம்மேஸு த⁴ம்மானுபஸ்ஸனாதி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³…பே… ஸா கோ² பனாயம் த⁴ம்மேஸு த⁴ம்மானுபஸ்ஸனா பா⁴வேதப்³பா³ தி…பே… பா⁴விதாதி புப்³பே³ அனனுஸ்ஸுதேஸு த⁴ம்மேஸு சக்கு²ம் உத³பாதி³…பே… ஆலோகோ உத³பாதி³…பே…’’.

த⁴ம்மேஸு த⁴ம்மானுபஸ்ஸனா ஸதிபட்டா²னே பன்னரஸ த⁴ம்மா, பன்னரஸ அத்தா², திம்ஸ நிருத்தியோ, ஸட்டி² ஞாணானி.

சதூஸு ஸதிபட்டா²னேஸு ஸட்டி² த⁴ம்மா, ஸட்டி² அத்தா², வீஸதிஸதனிருத்தியோ, சத்தாலீஸஞ்ச த்³வே ச ஞாணஸதானி.