4. மேத்தாகதா²

22. ஸாவத்தி²னிதா³னம். ‘‘மேத்தாய, பி⁴க்க²வே, சேதோவிமுத்தியா ஆஸேவிதாய பா⁴விதாய ப³ஹுலீகதாய யானீகதாய வத்து²கதாய அனுட்டி²தாய பரிசிதாய ஸுஸமாரத்³தா⁴ய ஏகாத³ஸானிஸம்ஸா பாடிகங்கா². கதமே ஏகாத³ஸ? ஸுக²ம் ஸுபதி, ஸுக²ம் படிபு³ஜ்ஜ²தி, ந பாபகம் ஸுபினம் பஸ்ஸதி, மனுஸ்ஸானம் பியோ ஹோதி, அமனுஸ்ஸானம் பியோ ஹோதி, தே³வதா ரக்க²ந்தி, நாஸ்ஸ அக்³கி³ வா விஸம் வா ஸத்த²ம் வா கமதி, துவடம் சித்தம் ஸமாதி⁴யதி, முக²வண்ணோ விப்பஸீத³தி, அஸம்மூள்ஹோ காலங்கரோதி, உத்தரி [உத்தரிம் (ஸ்யா. பீ.) அ. நி. 11.15 பஸ்ஸிதப்³பா³] அப்படிவிஜ்ஜ²ந்தோ ப்³ரஹ்மலோகூபகோ³ ஹோதி. மேத்தாய, பி⁴க்க²வே, சேதோவிமுத்தியா ஆஸேவிதாய பா⁴விதாய ப³ஹுலீகதாய யானீகதாய வத்து²கதாய அனுட்டி²தாய பரிசிதாய ஸுஸமாரத்³தா⁴ய – இமே ஏகாத³ஸானிஸம்ஸா பாடிகங்கா²’’.

அத்தி² அனோதி⁴ஸோ ப²ரணா மேத்தாசேதோவிமுத்தி, அத்தி² ஓதி⁴ஸோ ப²ரணா மேத்தாசேதோவிமுத்தி, அத்தி² தி³ஸாப²ரணா மேத்தாசேதோவிமுத்தி. கதிஹாகாரேஹி அனோதி⁴ஸோ ப²ரணா மேத்தாசேதோவிமுத்தி, கதிஹாகாரேஹி ஓதி⁴ஸோ ப²ரணா மேத்தாசேதோவிமுத்தி, கதிஹாகாரேஹி தி³ஸாப²ரணா மேத்தாசேதோவிமுத்தி? பஞ்சஹாகாரேஹி அனோதி⁴ஸோ ப²ரணா மேத்தாசேதோவிமுத்தி, ஸத்தஹாகாரேஹி ஓதி⁴ஸோ ப²ரணா மேத்தாசேதோவிமுத்தி, த³ஸஹாகாரேஹி தி³ஸாப²ரணா மேத்தாசேதோவிமுத்தி.

கதமேஹி பஞ்சஹாகாரேஹி அனோதி⁴ஸோ ப²ரணா மேத்தாசேதோவிமுத்தி? ஸப்³பே³ ஸத்தா அவேரா அப்³யாபஜ்ஜா [அப்³யாபஜ்ஜா² (ஸ்யா.)] அனீகா⁴ ஸுகீ² அத்தானம் பரிஹரந்து. ஸப்³பே³ பாணா…பே… ஸப்³பே³ பூ⁴தா…பே… ஸப்³பே³ புக்³க³லா…பே… ஸப்³பே³ அத்தபா⁴வபரியாபன்னா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்தூதி. இமேஹி பஞ்சஹாகாரேஹி அனோதி⁴ஸோ ப²ரணா மேத்தாசேதோவிமுத்தி.

கதமேஹி ஸத்தஹாகாரேஹி ஓதி⁴ஸோ ப²ரணா மேத்தாசேதோவிமுத்தி? ஸப்³பா³ இத்தி²யோ அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்து. ஸப்³பே³ புரிஸா…பே… ஸப்³பே³ அரியா…பே… ஸப்³பே³ அனரியா…பே… ஸப்³பே³ தே³வா…பே… ஸப்³பே³ மனுஸ்ஸா…பே… ஸப்³பே³ வினிபாதிகா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்தூதி. இமேஹி ஸத்தஹாகாரேஹி ஓதி⁴ஸோ ப²ரணா மேத்தாசேதோவிமுத்தி.

கதமேஹி த³ஸஹாகாரேஹி தி³ஸாப²ரணா மேத்தாசேதோவிமுத்தி? ஸப்³பே³ புரத்தி²மாய தி³ஸாய ஸத்தா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்து. ஸப்³பே³ பச்சி²மாய தி³ஸாய ஸத்தா…பே… ஸப்³பே³ உத்தராய தி³ஸாய ஸத்தா…பே… ஸப்³பே³ த³க்கி²ணாய தி³ஸாய ஸத்தா…பே… ஸப்³பே³ புரத்தி²மாய அனுதி³ஸாய ஸத்தா…பே… ஸப்³பே³ பச்சி²மாய அனுதி³ஸாய ஸத்தா…பே… ஸப்³பே³ உத்தராய அனுதி³ஸாய ஸத்தா…பே… ஸப்³பே³ த³க்கி²ணாய அனுதி³ஸாய ஸத்தா…பே… ஸப்³பே³ ஹேட்டி²மாய தி³ஸாய ஸத்தா…பே… ஸப்³பே³ உபரிமாய தி³ஸாய ஸத்தா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்து. ஸப்³பே³ புரத்தி²மாய தி³ஸாய பாணா…பே… பூ⁴தா… புக்³க³லா… அத்தபா⁴வபரியாபன்னா… ஸப்³பா³ இத்தி²யோ… ஸப்³பே³ புரிஸா… ஸப்³பே³ அரியா… ஸப்³பே³ அனரியா… ஸப்³பே³ தே³வா… ஸப்³பே³ மனுஸ்ஸா… ஸப்³பே³ வினிபாதிகா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்து. ஸப்³பே³ பச்சி²மாய தி³ஸாய வினிபாதிகா…பே… ஸப்³பே³ உத்தராய தி³ஸாய வினிபாதிகா… ஸப்³பே³ த³க்கி²ணாய தி³ஸாய வினிபாதிகா… ஸப்³பே³ புரத்தி²மாய அனுதி³ஸாய வினிபாதிகா… ஸப்³பே³ பச்சி²மாய அனுதி³ஸாய வினிபாதிகா… ஸப்³பே³ உத்தராய அனுதி³ஸாய வினிபாதிகா… ஸப்³பே³ த³க்கி²ணாய அனுதி³ஸாய வினிபாதிகா… ஸப்³பே³ ஹேட்டி²மாய தி³ஸாய வினிபாதிகா… ஸப்³பே³ உபரிமாய தி³ஸாய வினிபாதிகா அவேரா அப்³யாபஜ்ஜா அனீகா⁴ ஸுகீ² அத்தானம் பரிஹரந்தூதி. இமேஹி த³ஸஹாகாரேஹி தி³ஸாப²ரணா மேத்தாசேதோவிமுத்தி.

1. இந்த்³ரியவாரோ

23. ஸப்³பே³ஸம் ஸத்தானம் பீளனம் வஜ்ஜேத்வா அபீளனாய, உபகா⁴தம் வஜ்ஜேத்வா அனுபகா⁴தேன, ஸந்தாபம் வஜ்ஜேத்வா அஸந்தாபேன, பரியாதா³னம் வஜ்ஜேத்வா அபரியாதா³னேன, விஹேஸம் வஜ்ஜேத்வா அவிஹேஸாய, ஸப்³பே³ ஸத்தா அவேரினோ ஹோந்து மா வேரினோ, ஸுகி²னோ ஹோந்து மா து³க்கி²னோ, ஸுகி²தத்தா ஹோந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ ஸத்தே மேத்தாயதீதி – மேத்தா. தம் த⁴ம்மம் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மேத்தா ச சேதோ ச விமுத்தி சாதி – மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – வீரியம் பக்³க³ண்ஹாதி. வீரியிந்த்³ரியபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸதிம் உபட்டா²பேதி. ஸதிந்த்³ரியபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – சித்தம் ஸமாத³ஹதி. ஸமாதி⁴ந்த்³ரியபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – பஞ்ஞாய பஜானாதி. பஞ்ஞிந்த்³ரியபரிபா⁴விதா ஹோதி மேத்தாசேதோவிமுத்தி.

இமானி பஞ்சிந்த்³ரியானி மேத்தாய சேதோவிமுத்தியா ஆஸேவனா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ஆஸேவீயதி. இமானி பஞ்சிந்த்³ரியானி மேத்தாய சேதோவிமுத்தியா பா⁴வனா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி பா⁴வீயதி. இமானி பஞ்சிந்த்³ரியானி மேத்தாய சேதோவிமுத்தியா ப³ஹுலீகதா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ப³ஹுலீகரீயதி. இமானி பஞ்சிந்த்³ரியானி மேத்தாய சேதோவிமுத்தியா அலங்காரா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ஸ்வாலங்கதா ஹோதி. இமானி பஞ்சிந்த்³ரியானி மேத்தாய சேதோவிமுத்தியா பரிக்கா²ரா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ஸுபரிக்க²தா ஹோதி. இமானி பஞ்சிந்த்³ரியானி மேத்தாய சேதோவிமுத்தியா பரிவாரா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ஸுபரிவுதா ஹோதி. இமானி பஞ்சிந்த்³ரியானி மேத்தாய சேதோவிமுத்தியா ஆஸேவனா ஹோந்தி, பா⁴வனா ஹோந்தி, ப³ஹுலீகதா ஹோந்தி, அலங்காரா ஹோந்தி, பரிக்கா²ரா ஹோந்தி, பரிவாரா ஹோந்தி, பாரிபூரீ ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி, பக்க²ந்த³னா ஹோந்தி, பஸீத³னா [ஸம்ஸீத³னா (க. ஸீ. அட்ட².)] ஹோந்தி, ஸந்திட்ட²னா ஹோந்தி, விமுச்சனா ஹோந்தி, ‘‘ஏதம் ஸந்த’’ந்தி ப²ஸ்ஸனா ஹோந்தி, யானீகதா ஹோந்தி, வத்து²கதா ஹோந்தி, அனுட்டி²தா ஹோந்தி, பரிசிதா ஹோந்தி, ஸுஸமாரத்³தா⁴ ஹோந்தி, ஸுபா⁴விதா ஹோந்தி, ஸ்வாதி⁴ட்டி²தா ஹோந்தி, ஸுஸமுக்³க³தா ஹோந்தி, ஸுவிமுத்தா ஹோந்தி, நிப்³ப³த்தேந்தி ஜோதேந்தி பதாபேந்தி.

2. ப³லவாரோ

24. ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – அஸ்ஸத்³தி⁴யே ந கம்பதி. ஸத்³தா⁴ப³லபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – கோஸஜ்ஜே ந கம்பதி. வீரியப³லபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – பமாதே³ ந கம்பதி. ஸதிப³லபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – உத்³த⁴ச்சே ந கம்பதி. ஸமாதி⁴ப³லபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – அவிஜ்ஜாய ந கம்பதி. பஞ்ஞாப³லபரிபா⁴விதா ஹோதி மேத்தாசேதோவிமுத்தி.

இமானி பஞ்ச ப³லானி மேத்தாய சேதோவிமுத்தியா ஆஸேவனா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ஆஸேவீயதி. இமானி பஞ்ச ப³லானி மேத்தாய சேதோவிமுத்தியா பா⁴வனா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி பா⁴வீயதி. இமானி பஞ்ச ப³லானி மேத்தாய சேதோவிமுத்தியா ப³ஹுலீகதா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ப³ஹுலீகரீயதி. இமானி பஞ்ச ப³லானி மேத்தாய சேதோவிமுத்தியா அலங்காரா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ஸ்வாலங்கதா ஹோதி. இமானி பஞ்ச ப³லானி மேத்தாய சேதோவிமுத்தியா பரிக்கா²ரா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ஸுபரிக்க²தா ஹோதி. இமானி பஞ்ச ப³லானி மேத்தாய சேதோவிமுத்தியா பரிவாரா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ஸுபரிவுதா ஹோதி. இமானி பஞ்ச ப³லானி மேத்தாய சேதோவிமுத்தியா ஆஸேவனா ஹோந்தி, பா⁴வனா ஹோந்தி, ப³ஹுலீகதா ஹோந்தி, அலங்காரா ஹோந்தி, பரிக்கா²ரா ஹோந்தி, பரிவாரா ஹோந்தி, பாரிபூரீ ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி, பக்க²ந்த³னா ஹோந்தி, பஸீத³னா ஹோந்தி, ஸந்திட்ட²னா ஹோந்தி, விமுச்சனா ஹோந்தி, ‘‘ஏதம் ஸந்த’’ந்தி ப²ஸ்ஸனா ஹோந்தி, யானீகதா ஹோந்தி, வத்து²கதா ஹோந்தி, அனுட்டி²தா ஹோந்தி, பரிசிதா ஹோந்தி, ஸுஸமாரத்³தா⁴ ஹோந்தி, ஸுபா⁴விதா ஹோந்தி, ஸ்வாதி⁴ட்டி²தா ஹோந்தி, ஸுஸமுக்³க³தா ஹோந்தி, ஸுவிமுத்தா ஹோந்தி நிப்³ப³த்தேந்தி ஜோதேந்தி பதாபேந்தி.

3. போ³ஜ்ஜ²ங்க³வாரோ

25. ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸதிம் உபட்டா²பேதி. ஸதிஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – பஞ்ஞாய பவிசினாதி. த⁴ம்மவிசயஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – வீரியம் பக்³க³ண்ஹாதி. வீரியஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – பரிளாஹம் படிப்பஸ்ஸம்பே⁴தி. பீதிஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – து³ட்டு²ல்லம் படிப்பஸ்ஸம்பே⁴தி. பஸ்ஸத்³தி⁴ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – சித்தம் ஸமாத³ஹதி. ஸமாதி⁴ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஞாணேன கிலேஸே படிஸங்கா²தி. உபேக்கா²ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

இமே ஸத்த போ³ஜ்ஜ²ங்கா³ மேத்தாய சேதோவிமுத்தியா ஆஸேவனா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ஆஸேவீயதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா பா⁴வனா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி பா⁴வீயதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா ப³ஹுலீகதா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ப³ஹுலீகரீயதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா அலங்காரா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ஸ்வாலங்கதா ஹோதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா பரிக்கா²ரா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ஸுபரிக்க²தா ஹோதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா பரிவாரா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ஸுபரிவுதா ஹோதி. இமே ஸத்த போ³ஜ்ஜ²ங்கா³ மேத்தாய சேதோவிமுத்தியா ஆஸேவனா ஹோந்தி, பா⁴வனா ஹோந்தி, ப³ஹுலீகதா ஹோந்தி, அலங்காரா ஹோந்தி, பரிக்கா²ரா ஹோந்தி, பரிவாரா ஹோந்தி, பாரிபூரீ ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி, பக்க²ந்த³னா ஹோந்தி, பஸீத³னா ஹோந்தி, ஸந்திட்ட²னா ஹோந்தி, விமுச்சனா ஹோந்தி, ‘‘ஏதம் ஸந்த’’ந்தி ப²ஸ்ஸனா ஹோந்தி, யானீகதா ஹோந்தி, வத்து²கதா ஹோந்தி, அனுட்டி²தா ஹோந்தி, பரிசிதா ஹோந்தி, ஸுஸமாரத்³தா⁴ ஹோந்தி, ஸுபா⁴விதா ஹோந்தி, ஸ்வாதி⁴ட்டி²தா ஹோந்தி, ஸுஸமுக்³க³தா ஹோந்தி, ஸுவிமுத்தா ஹோந்தி, நிப்³ப³த்தேந்தி ஜோதேந்தி பதாபேந்தி.

4. மக்³க³ங்க³வாரோ

26. ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா பஸ்ஸதி. ஸம்மாதி³ட்டி²பரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா அபி⁴னிரோபேதி. ஸம்மாஸங்கப்பபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா பரிக்³க³ண்ஹாதி. ஸம்மாவாசாபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா ஸமுட்டா²பேதி. ஸம்மாகம்மந்தபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா வோதா³பேதி. ஸம்மாஆஜீவபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா பக்³க³ண்ஹாதி. ஸம்மாவாயாமபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா உபட்டா²பேதி. ஸம்மாஸதிபரிபா⁴விதா ஹோதி மேத்தாசேதோவிமுத்தி.

ஸப்³பே³ ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா ஸமாத³ஹதி. ஸம்மாஸமாதி⁴பரிபா⁴விதா ஹோதி மேத்தாசேதோவிமுத்தி.

இமே அட்ட² மக்³க³ங்கா³ மேத்தாய சேதோவிமுத்தியா ஆஸேவனா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஆஸேவீயதி. இமே அட்ட² மக்³க³ங்கா³ மேத்தாய சேதோவிமுத்தியா பா⁴வனா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி பா⁴வீயதி. இமே அட்ட² மக்³க³ங்கா³ மேத்தாய சேதோவிமுத்தியா ப³ஹுலீகதா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ப³ஹுலீகரீயதி. இமே அட்ட² மக்³க³ங்கா³ மேத்தாய சேதோவிமுத்தியா அலங்காரா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஸ்வாலங்கதா ஹோந்தி. இமே அட்ட² மக்³க³ங்கா³ மேத்தாய சேதோவிமுத்தியா பரிக்கா²ரா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஸுபரிக்க²தா ஹோதி. இமே அட்ட² மக்³க³ங்கா³ மேத்தாய சேதோவிமுத்தியா பரிவாரா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஸுபரிவுதா ஹோதி. இமே அட்ட² மக்³க³ங்கா³ மேத்தாய சேதோவிமுத்தியா ஆஸேவனா ஹோந்தி, பா⁴வனா ஹோந்தி, ப³ஹுலீகதா ஹோந்தி, அலங்காரா ஹோந்தி, பரிக்கா²ரா ஹோந்தி, பரிவாரா ஹோந்தி, பாரிபூரீ ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி, பக்க²ந்த³னா ஹோந்தி, பஸீத³னா ஹோந்தி, ஸந்திட்ட²னா ஹோந்தி, விமுச்சனா ஹோந்தி, ‘‘ஏதம் ஸந்த’’ந்தி ப²ஸ்ஸனா ஹோந்தி, யானீகதா ஹோந்தி, வத்து²கதா ஹோந்தி, அனுட்டி²தா ஹோந்தி, பரிசிதா ஹோந்தி, ஸுஸமாரத்³தா⁴ ஹோந்தி, ஸுபா⁴விதா ஹோந்தி, ஸ்வாதி⁴ட்டி²தா ஹோந்தி, ஸுஸமுக்³க³தா ஹோந்தி, ஸுவிமுத்தா ஹோந்தி நிப்³ப³த்தேந்தி ஜோதேந்தி பதாபேந்தி.

27. ஸப்³பே³ஸம் பாணானம்…பே… ஸப்³பே³ஸம் பூ⁴தானம்… ஸப்³பே³ஸம் புக்³க³லானம்… ஸப்³பே³ஸம் அத்தபா⁴வபரியாபன்னானம்… ஸப்³பா³ஸம் இத்தீ²னம்… ஸப்³பே³ஸம் புரிஸானம்… ஸப்³பே³ஸம் அரியானம்… ஸப்³பே³ஸம் அனரியானம்… ஸப்³பே³ஸம் தே³வானம்… ஸப்³பே³ஸம் மனுஸ்ஸானம்… ஸப்³பே³ஸம் வினிபாதிகானம் பீளனம் வஜ்ஜேத்வா அபீளனாய, உபகா⁴தம் வஜ்ஜேத்வா அனுபகா⁴தேன, ஸந்தாபம் வஜ்ஜேத்வா அஸந்தாபேன, பரியாதா³னம் வஜ்ஜேத்வா அபரியாதா³னேன, விஹேஸம் வஜ்ஜேத்வா அவிஹேஸாய, ஸப்³பே³ வினிபாதிகா அவேரினோ ஹோந்து மா வேரினோ, ஸுகி²னோ ஹோந்து மா து³க்கி²னோ, ஸுகி²தத்தா ஹோந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ வினிபாதிகே மேத்தாயதீதி – மேத்தா. தம் த⁴ம்மம் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மேத்தா ச சேதோ ச விமுத்தி சாதி – மேத்தாசேதோவிமுத்தி.

ஸப்³பே³ வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மேத்தாசேதோவிமுத்தி…பே… நிப்³ப³த்தேந்தி ஜோதேந்தி பதாபேந்தி.

ஸப்³பே³ஸம் புரத்தி²மாய தி³ஸாய ஸத்தானம்…பே… ஸப்³பே³ஸம் பச்சி²மாய தி³ஸாய ஸத்தானம்… ஸப்³பே³ஸம் உத்தராய தி³ஸாய ஸத்தானம்… ஸப்³பே³ஸம் த³க்கி²ணாய தி³ஸாய ஸத்தானம்… ஸப்³பே³ஸம் புரத்தி²மாய அனுதி³ஸாய ஸத்தானம்… ஸப்³பே³ஸம் பச்சி²மாய அனுதி³ஸாய ஸத்தானம்… ஸப்³பே³ஸம் உத்தராய அனுதி³ஸாய ஸத்தானம்… ஸப்³பே³ஸம் த³க்கி²ணாய அனுதி³ஸாய ஸத்தானம்… ஸப்³பே³ஸம் ஹேட்டி²மாய தி³ஸாய ஸத்தானம்… ஸப்³பே³ஸம் உபரிமாய தி³ஸாய ஸத்தானம் பீளனம் வஜ்ஜேத்வா அபீளனாய, உபகா⁴தம் வஜ்ஜேத்வா அனுபகா⁴தேன, ஸந்தாபம் வஜ்ஜேத்வா அஸந்தாபேன, பரியாதா³னம் வஜ்ஜேத்வா அபரியாதா³னேன, விஹேஸம் வஜ்ஜேத்வா அவிஹேஸாய, ஸப்³பே³ உபரிமாய தி³ஸாய ஸத்தா அவேரினோ ஹோந்து மா வேரினோ, ஸுகி²னோ ஹோந்து மா து³க்கி²னோ, ஸுகி²தத்தா ஹோந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ உபரிமாய தி³ஸாய ஸத்தே மேத்தாயதீதி – மேத்தா. தம் த⁴ம்மம் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மேத்தா ச சேதோ ச விமுத்தி சாதி – மேத்தாசேதோவிமுத்தி.

ஸப்³பே³ உபரிமாய தி³ஸாய ஸத்தா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மேத்தாசேதோவிமுத்தி…பே… நிப்³ப³த்தேந்தி ஜோதேந்தி பதாபேந்தி.

ஸப்³பே³ஸம் புரத்தி²மாய தி³ஸாய பாணானம்…பே… பூ⁴தானம்… புக்³க³லானம் அத்தபா⁴வபரியாபன்னானம்… ஸப்³பா³ஸம் இத்தீ²னம்… ஸப்³பே³ஸம் புரிஸானம்… ஸப்³பே³ஸம் அரியானம்… ஸப்³பே³ஸம் அனரியானம்… ஸப்³பே³ஸம் தே³வானம்… ஸப்³பே³ஸம் மனுஸ்ஸானம்… ஸப்³பே³ஸம் வினிபாதிகானம்… ஸப்³பே³ஸம் பச்சி²மாய தி³ஸாய வினிபாதிகானம்… ஸப்³பே³ஸம் உத்தராய தி³ஸாய வினிபாதிகானம்… ஸப்³பே³ஸம் த³க்கி²ணாய தி³ஸாய வினிபாதிகானம்… ஸப்³பே³ஸம் புரத்தி²மாய அனுதி³ஸாய வினிபாதிகானம்… ஸப்³பே³ஸம் பச்சி²மாய அனுதி³ஸாய வினிபாதிகானம்… ஸப்³பே³ஸம் உத்தராய அனுதி³ஸாய வினிபாதிகானம்… ஸப்³பே³ஸம் த³க்கி²ணாய அனுதி³ஸாய வினிபாதிகானம்… ஸப்³பே³ஸம் ஹேட்டி²மாய தி³ஸாய வினிபாதிகானம்… ஸப்³பே³ஸம் உபரிமாய தி³ஸாய வினிபாதிகானம் பீளனம் வஜ்ஜேத்வா அபீளனாய, உபகா⁴தம் வஜ்ஜேத்வா அனுபகா⁴தேன, ஸந்தாபம் வஜ்ஜேத்வா அஸந்தாபேன, பரியாதா³னம் வஜ்ஜேத்வா அபரியாதா³னேன, விஹேஸம் வஜ்ஜேத்வா அவிஹேஸாய, ஸப்³பே³ உபரிமாய தி³ஸாய வினிபாதிகா அவேரினோ ஹோந்து மா வேரினோ, ஸுகி²னோ ஹோந்து மா து³க்கி²னோ, ஸுகி²தத்தா ஹோந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ உபரிமாய தி³ஸாய வினிபாதிகே மேத்தாயதீதி – மேத்தா. தம் த⁴ம்மம் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மேத்தா ச சேதோ ச விமுத்தி சாதி – மேத்தாசேதோவிமுத்தி.

ஸப்³பே³ உபரிமாய தி³ஸாய வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மேத்தாசேதோவிமுத்தி.

ஸப்³பே³ உபரிமாய தி³ஸாய வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – வீரியம் பக்³க³ண்ஹாதி. வீரியிந்த்³ரியபரிபா⁴விதா ஹோதி மேத்தாசேதோவிமுத்தி.

ஸதிம் உபட்டா²பேதி. ஸதிந்த்³ரியபரிபா⁴விதா ஹோதி மேத்தாசேதோவிமுத்தி. சித்தம் ஸமாத³ஹதி. ஸமாதி⁴ந்த்³ரியபரிபா⁴விதா ஹோதி மேத்தாசேதோவிமுத்தி. பஞ்ஞாய பஜானாதி. பஞ்ஞிந்த்³ரியபரிபா⁴விதா ஹோதி மேத்தாசேதோவிமுத்தி.

இமானி பஞ்சிந்த்³ரியானி மேத்தாய சேதோவிமுத்தியா ஆஸேவனா ஹோந்தி. இமேஹி பஞ்சஹி இந்த்³ரியேஹி மேத்தாசேதோவிமுத்தி ஆஸேவீயதி…பே… நிப்³ப³த்தேந்தி ஜோதேந்தி பதாபேந்தி.

ஸப்³பே³ உபரிமாய தி³ஸாய வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – அஸ்ஸத்³தி⁴யே ந கம்பதி. ஸத்³தா⁴ப³லபரிபா⁴விதா ஹோதி மேத்தாசேதோவிமுத்தி. கோஸஜ்ஜே ந கம்பதி. வீரியப³லபரிபா⁴விதா ஹோதி மேத்தாசேதோவிமுத்தி. பமாதே³ ந கம்பதி. ஸதிப³லபரிபா⁴விதா ஹோதி மேத்தாசேதோவிமுத்தி. உத்³த⁴ச்சே ந கம்பதி. ஸமாதி⁴ப³லபரிபா⁴விதா ஹோதி மேத்தாசேதோவிமுத்தி. அவிஜ்ஜாய ந கம்பதி. பஞ்ஞாப³லபரிபா⁴விதா ஹோதி மேத்தாசேதோவிமுத்தி.

இமானி பஞ்ச ப³லானி மேத்தாய சேதோவிமுத்தியா ஆஸேவனா ஹோந்தி. இமேஹி பஞ்சஹி ப³லேஹி மேத்தாசேதோவிமுத்தி ஆஸேவீயதி…பே… நிப்³ப³த்தேந்தி ஜோதேந்தி பதாபேந்தி.

ஸப்³பே³ உபரிமாய தி³ஸாய வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸதிம் உபட்டா²பேதி. ஸதிஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

பஞ்ஞாய பவிசினாதி. த⁴ம்மவிசயஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி. வீரியம் பக்³க³ண்ஹாதி. வீரியஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி. பரிளாஹம் படிப்பஸ்ஸம்பே⁴தி. பீதிஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி. து³ட்டு²ல்லம் படிப்பஸ்ஸம்பே⁴தி. பஸ்ஸத்³தி⁴ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி. சித்தம் ஸமாத³ஹதி. ஸமாதி⁴ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி. ஞாணேன கிலேஸே படிஸங்கா²தி. உபேக்கா²ஸம்போ³ஜ்ஜ²ங்க³பரிபா⁴விதா ஹோதி மேத்தாசேதோவிமுத்தி.

இமே ஸத்த போ³ஜ்ஜ²ங்கா³ மேத்தாய சேதோவிமுத்தியா ஆஸேவனா ஹோந்தி. இமேஹி ஸத்தஹி போ³ஜ்ஜ²ங்கே³ஹி மேத்தாசேதோவிமுத்தி ஆஸேவீயதி…பே… நிப்³ப³த்தேந்தி ஜோதேந்தி பதாபேந்தி.

ஸப்³பே³ உபரிமாய தி³ஸாய வினிபாதிகா அவேரினோ ஹோந்து, கே²மினோ ஹோந்து, ஸுகி²னோ ஹோந்தூதி – ஸம்மா பஸ்ஸதி. ஸம்மாதி³ட்டி² பரிபா⁴விதா ஹோதி மேத்தாசேதோவிமுத்தி. ஸம்மா அபி⁴னிரோபேதி. ஸம்மாஸங்கப்பபரிபா⁴விதா ஹோதி மேத்தாசேதோவிமுத்தி. ஸம்மா பரிக்³க³ண்ஹாதி. ஸம்மாவாசாபரிபா⁴விதா ஹோதி மேத்தாசேதோவிமுத்தி. ஸம்மா ஸமுட்டா²பேதி. ஸம்மாகம்மந்தபரிபா⁴விதா ஹோதி மேத்தாசேதோவிமுத்தி. ஸம்மா வோதா³பேதி. ஸம்மா ஆஜீவபரிபா⁴விதா ஹோதி மேத்தாசேதோவிமுத்தி. ஸம்மா பக்³க³ண்ஹாதி. ஸம்மாவாயாமபரிபா⁴விதா ஹோதி மேத்தாசேதோவிமுத்தி. ஸம்மா உபட்டா²தி. ஸம்மாஸதிபரிபா⁴விதா ஹோதி மேத்தாசேதோவிமுத்தி. ஸம்மா ஸமாத³ஹதி. ஸம்மாஸமாதி⁴பரிபா⁴விதா ஹோதி மேத்தாசேதோவிமுத்தி.

இமே அட்ட² மக்³க³ங்கா³ மேத்தாய சேதோவிமுத்தியா ஆஸேவனா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஆஸேவீயதி…பே… இமே அட்ட² மக்³க³ங்கா³ மேத்தாய சேதோவிமுத்தியா பரிபா⁴விதா ஹோந்தி. இமேஹி அட்ட²ஹி மக்³க³ங்கே³ஹி மேத்தாசேதோவிமுத்தி ஸுபரிவுதா ஹோதி. இமே அட்ட² மக்³க³ங்கா³ மேத்தாய சேதோவிமுத்தியா ஆஸேவனா ஹோந்தி, பா⁴வனா ஹோந்தி, ப³ஹுலீகதா ஹோந்தி, அலங்காரா ஹோந்தி, பரிக்கா²ரா ஹோந்தி, பரிவாரா ஹோந்தி, பாரிபூரீ ஹோந்தி, ஸஹக³தா ஹோந்தி, ஸஹஜாதா ஹோந்தி, ஸம்ஸட்டா² ஹோந்தி, ஸம்பயுத்தா ஹோந்தி, பக்க²ந்த³னா ஹோந்தி, பஸீத³னா ஹோந்தி, ஸந்திட்ட²னா ஹோந்தி, விமுச்சனா ஹோந்தி, ‘‘ஏதம் ஸந்த’’ந்தி ப²ஸ்ஸனா ஹோந்தி, யானீகதா ஹோந்தி, வத்து²கதா ஹோந்தி, அனுட்டி²தா ஹோந்தி, பரிசிதா ஹோந்தி, ஸுஸமாரத்³தா⁴ ஹோந்தி, ஸுபா⁴விதா ஹோந்தி, ஸ்வாதி⁴ட்டி²தா ஹோந்தி, ஸுஸமுக்³க³தா ஹோந்தி, ஸுவிமுத்தா ஹோந்தி நிப்³ப³த்தேந்தி ஜோதேந்தி பதாபேந்தீதி.

மேத்தாகதா² நிட்டி²தா.