52. சேதோபரியஞாணனித்³தே³ஸோ

104. கத²ம் திண்ணம் சித்தானம் விப்பா²ரத்தா இந்த்³ரியானம் பஸாத³வஸேன நானத்தேகத்தவிஞ்ஞாணசரியாபரியோகா³ஹணே பஞ்ஞா சேதோபரியஞாணம்? இத⁴ பி⁴க்கு² ச²ந்த³ஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, வீரியஸமாதி⁴…பே… சித்தஸமாதி⁴…பே… வீமம்ஸாஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி. ஸோ இமேஸு சதூஸு இத்³தி⁴பாதே³ஸு சித்தம் பரிபா⁴வேதி பரித³மேதி, முது³ம் கரோதி கம்மனியம். ஸோ இமேஸு சதூஸு இத்³தி⁴பாதே³ஸு சித்தம் பரிபா⁴வேத்வா பரித³மேத்வா, முது³ம் கரித்வா கம்மனியம் ஏவம் பஜானாதி – ‘‘இத³ம் ரூபம் ஸோமனஸ்ஸிந்த்³ரியஸமுட்டி²தம், இத³ம் ரூபம் தோ³மனஸ்ஸிந்த்³ரியஸமுட்டி²தம், இத³ம் ரூபம் உபேக்கி²ந்த்³ரியஸமுட்டி²த’’ந்தி. ஸோ ததா²பா⁴விதேன சித்தேன பரிஸுத்³தே⁴ன பரியோதா³தேன சேதோபரியஞாணாய சித்தம் அபி⁴னீஹரதி அபி⁴னின்னாமேதி. ஸோ பரஸத்தானம் பரபுக்³க³லானம் சேதஸா சேதோ பரிச்ச பஜானாதி – ஸராக³ம் வா சித்தம் ‘‘ஸராக³ம் சித்த’’ந்தி பஜானாதி, வீதராக³ம் வா சித்தம் ‘‘வீதராக³ம் சித்த’’ந்தி பஜானாதி, ஸதோ³ஸம் வா சித்தம்…பே… வீததோ³ஸம் வா சித்தம்… ஸமோஹம் வா சித்தம்… வீதமோஹம் வா சித்தம்… ஸம்கி²த்தம் வா சித்தம்… விக்கி²த்தம் வா சித்தம்… மஹக்³க³தம் வா சித்தம்… அமஹக்³க³தம் வா சித்தம்… ஸஉத்தரம் வா சித்தம்… அனுத்தரம் வா சித்தம்… ஸமாஹிதம் வா சித்தம்… அஸமாஹிதம் வா சித்தம்… விமுத்தம் வா சித்தம்… அவிமுத்தம் வா சித்தம் ‘‘அவிமுத்தம் சித்தந்தி பஜானாதி. தம் ஞாதட்டே²ன ஞாணம், பஜானனட்டே²ன பஞ்ஞா. தேன வுச்சதி – ‘‘திண்ணம் சித்தானம் விப்பா²ரத்தா இந்த்³ரியானம் பஸாத³வஸேன நானத்தேகத்தவிஞ்ஞாணசரியாபரியோகா³ஹணே பஞ்ஞா சேதோபரியஞாணம்’’.

சேதோபரியஞாணனித்³தே³ஸோ த்³வேபஞ்ஞாஸமோ.