29-31. ஞாணத்தயனித்³தே³ஸோ

78. கத²ம் விஹாரனானத்தே பஞ்ஞா விஹாரட்டே² ஞாணம், ஸமாபத்தினானத்தே பஞ்ஞா ஸமாபத்தட்டே² ஞாணம், விஹாரஸமாபத்தினானத்தே பஞ்ஞா விஹாரஸமாபத்தட்டே² ஞாணம்? நிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அனிமித்தோ விஹாரோ. பணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அப்பணிஹிதோ விஹாரோ. அபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – ஸுஞ்ஞதோ விஹாரோ.

நிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தா ஸமாபத்தி. பணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதா ஸமாபத்தி. அபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதா ஸமாபத்தி.

நிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தவிஹாரஸமாபத்தி. பணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதவிஹாரஸமாபத்தி. அபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதவிஹாரஸமாபத்தி.

79. ரூபனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அனிமித்தோ விஹாரோ. ரூபபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அப்பணிஹிதோ விஹாரோ. ரூபாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – ஸுஞ்ஞதோ விஹாரோ.

ரூபனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தா ஸமாபத்தி. ரூபபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதா ஸமாபத்தி. ரூபாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதா ஸமாபத்தி.

ரூபனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தவிஹாரஸமாபத்தி. ரூபபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதவிஹாரஸமாபத்தி. ரூபாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதவிஹாரஸமாபத்தி.

வேத³னானிமித்தம் …பே… ஸஞ்ஞானிமித்தம்… ஸங்கா²ரனிமித்தம்… விஞ்ஞாணனிமித்தம்… சக்கு²னிமித்தம்…பே… ஜராமரணனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அனிமித்தோ விஹாரோ. ஜராமரணபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – அப்பணிஹிதோ விஹாரோ. ஜராமரணாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி – ஸுஞ்ஞதோ விஹாரோ.

ஜராமரணனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தா ஸமாபத்தி. ஜராமரணபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதா ஸமாபத்தி. ஜராமரணாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதா ஸமாபத்தி.

ஜராமரணனிமித்தம் ப⁴யதோ ஸம்பஸ்ஸமானோ அனிமித்தே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அனிமித்தம் ஆவஜ்ஜித்வா ஸமாபஜ்ஜதி – அனிமித்தவிஹாரஸமாபத்தி. ஜராமரணபணிதி⁴ம் ப⁴யதோ ஸம்பஸ்ஸமானோ அப்பணிஹிதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் அப்பணிஹிதம் ஆவஜ்ஜித்வா ஸமாபஜ்ஜதி – அப்பணிஹிதவிஹாரஸமாபத்தி. ஜராமரணாபி⁴னிவேஸம் ப⁴யதோ ஸம்பஸ்ஸமானோ ஸுஞ்ஞதே அதி⁴முத்தத்தா பு²ஸ்ஸ பு²ஸ்ஸ வயம் பஸ்ஸதி, பவத்தம் அஜ்ஜு²பேக்கி²த்வா நிரோத⁴ம் நிப்³பா³னம் ஸுஞ்ஞதம் ஆவஜ்ஜித்வா ஸமாபஜ்ஜதி – ஸுஞ்ஞதவிஹாரஸமாபத்தி. அஞ்ஞோ அனிமித்தோ விஹாரோ, அஞ்ஞோ அப்பணிஹிதோ விஹாரோ, அஞ்ஞோ ஸுஞ்ஞதோ விஹாரோ. அஞ்ஞா அனிமித்தஸமாபத்தி, அஞ்ஞா அப்பணிஹிதஸமாபத்தி, அஞ்ஞா ஸுஞ்ஞதஸமாபத்தி. அஞ்ஞா அனிமித்தா விஹாரஸமாபத்தி, அஞ்ஞா அப்பணிஹிதா விஹாரஸமாபத்தி, அஞ்ஞா ஸுஞ்ஞதா விஹாரஸமாபத்தி. தம் ஞாதட்டே²ன ஞாணம், பஜானனட்டே²ன பஞ்ஞா. தேன வுச்சதி – ‘‘விஹாரனானத்தே பஞ்ஞா விஹாரட்டே² ஞாணம், ஸமாபத்தினானத்தே பஞ்ஞா ஸமாபத்தட்டே² ஞாணம், விஹாரஸமாபத்தினானத்தே பஞ்ஞா விஹாரஸமாபத்தட்டே² ஞாணம்’’.

ஞாணத்தயனித்³தே³ஸோ ஏகதிம்ஸதிமோ.