5. அஸங்கமனபடிஸந்த³ஹனபஞ்ஹோ

5. ராஜா ஆஹ ‘‘ப⁴ந்தே நாக³ஸேன, ந ச ஸங்கமதி படிஸந்த³ஹதி சா’’தி? ‘‘ஆம, மஹாராஜ, ந ச ஸங்கமதி படிஸந்த³ஹதி சா’’தி. ‘‘கத²ம், ப⁴ந்தே நாக³ஸேன, ந ச ஸங்கமதி படிஸந்த³ஹதி ச, ஓபம்மம் கரோஹீ’’தி? ‘‘யதா², மஹாராஜ, கோசிதே³வ புரிஸோ பதீ³பதோ பதீ³பம் பதீ³பேய்ய, கிம்னு கோ² ஸோ, மஹாராஜ, பதீ³போ பதீ³பம்ஹா ஸங்கந்தோ’’தி? ‘‘ந ஹி, ப⁴ந்தே’’தி. ‘‘ஏவமேவ கோ², மஹாராஜ, ந ச ஸங்கமதி படிஸந்த³ஹதி சா’’தி.

‘‘பி⁴ய்யோ ஓபம்மம் கரோஹீ’’தி. ‘‘அபி⁴ஜானாஸி நு, த்வம் மஹாராஜ, த³ஹரகோ ஸந்தோ ஸிலோகாசரியஸ்ஸ ஸந்திகே கிஞ்சி ஸிலோகம் க³ஹித’’ந்தி? ‘‘ஆம, ப⁴ந்தே’’தி. ‘‘கிம்னு கோ², மஹாராஜ, ஸோ ஸிலோகோ ஆசரியம்ஹா ஸங்கந்தோ’’தி? ‘‘ந ஹி, ப⁴ந்தே’’தி. ‘‘ஏவமேவ கோ², மஹாராஜ, ந ச ஸங்கமதி படிஸந்த³ஹதி சாதி.

‘‘கல்லோஸி, ப⁴ந்தே நாக³ஸேனா’’தி.

அஸங்கமனபடிஸந்த³ஹனபஞ்ஹோ பஞ்சமோ.