546. விது⁴ரஜாதகம் (9)

தோ³ஹளகண்ட³ம்

1346. ‘‘பண்டு³ கிஸியாஸி து³ப்³ப³லா, வண்ணரூபம் [வண்ணரூபே (க.)] நதவேதி³ஸம் புரே;

விமலே அக்கா²ஹி புச்சி²தா, கீதி³ஸீ துய்ஹம் ஸரீரவேத³னா’’.

1347. ‘‘த⁴ம்மோ மனுஜேஸு மாதீனம் [மாதினம் (ஸீ. பீ.)], தோ³ஹளோ நாம ஜனிந்த³ வுச்சதி;

த⁴ம்மாஹதம் நாக³குஞ்ஜர, விது⁴ரஸ்ஸ ஹத³யாபி⁴பத்த²யே’’.

1348. ‘‘சந்த³ம் கோ² த்வம் தோ³ஹளாயஸி, ஸூரியம் வா அத² வாபி மாலுதம்;

து³ல்லப⁴ஞ்ஹி [து³ல்லபே⁴ (ஸீ. பீ.)] விது⁴ரஸ்ஸ த³ஸ்ஸனம் [த³ஸ்ஸனே (ஸீ. பீ.)], கோ விது⁴ரமித⁴ மானயிஸ்ஸதி’’.

1349. ‘‘கின்னு தாத துவம் பஜ்ஜா²யஸி, பது³மம் ஹத்த²க³தம்வ தே முக²ம்;

கின்னு து³ம்மனரூபோஸி இஸ்ஸர, மா த்வம் ஸோசி அமித்ததாபன’’.

1350. ‘‘மாதா ஹி தவ இரந்த⁴தி [இரந்த³தி (ஸீ. ஸ்யா. பீ.)], விது⁴ரஸ்ஸ ஹத³யம் த⁴னியதி;

து³ல்லப⁴ஞ்ஹி விது⁴ரஸ்ஸ த³ஸ்ஸனம், கோ விது⁴ரமித⁴ மானயிஸ்ஸதி’’.

1351. ‘‘தஸ்ஸ ப⁴த்துபரியேஸனம் [ப⁴த்துபரியேஸனம் (ஸீ. பீ.)] சர, யோ விது⁴ரமித⁴ மானயிஸ்ஸதி’’;

‘‘பிதுனோ ச ஸா ஸுத்வான வாக்யம், ரத்திம் நிக்க²ம்ம அவஸ்ஸுதிம் சரி’’.

1352. ‘‘கே க³ந்த⁴ப்³பே³ ரக்க²ஸே ச நாகே³, கே கிம்புரிஸே சாபி மானுஸே;

கே பண்டி³தே ஸப்³ப³காமத³தே³ [ஸப்³ப³காமதே³ (ஸீ. பீ.)], தீ³க⁴ரத்தம் ப⁴த்தா மே ப⁴விஸ்ஸதி’’.

1353. ‘‘அஸ்ஸாஸ ஹேஸ்ஸாமி தே பதி, ப⁴த்தா தே ஹேஸ்ஸாமி அனிந்த³லோசனே;

பஞ்ஞா ஹி மமம் ததா²விதா⁴, அஸ்ஸாஸ ஹேஸ்ஸஸி ப⁴ரியா மம.

1354. ‘‘அவசாஸி புண்ணகம் இரந்த⁴தீ [இரந்த³தீ (ஸீ. பீ.)], புப்³ப³பதா²னுக³தேன சேதஸா;

ஏஹி க³ச்சா²ம பிது மமந்திகே [பிது மம ஸந்திகம் (க.)], ஏஸோவ தே ஏதமத்த²ம் பவக்க²தி.

1355. ‘‘அலங்கதா ஸுவஸனா, மாலினீ சந்த³னுஸ்ஸதா³;

யக்க²ம் ஹத்தே² க³ஹேத்வான, பிதுஸந்திகுபாக³மி’’.

1356. ‘‘நாக³வர வசோ ஸுணோஹி மே, பதிரூபம் படிபஜ்ஜ ஸுங்கியம்;

பத்தே²மி அஹம் இரந்த⁴திம், தாய ஸமங்கி³ம் கரோஹி மம் துவம்.

1357. ‘‘ஸதம் ஹத்தீ² ஸதம் அஸ்ஸா, ஸதம் அஸ்ஸதரீரதா²;

ஸதம் வலபி⁴யோ புண்ணா, நானாரத்னஸ்ஸ கேவலா;

தே நாக³ படிபஜ்ஜஸ்ஸு, தீ⁴தரம் தே³ஹிரந்த⁴திம்’’.

1358. ‘‘யாவ ஆமந்தயே ஞாதீ, மித்தே ச ஸுஹத³ஜ்ஜனே [ஸுஹத³ம்ஜனம் (ஸீ. பீ.)];

அனாமந்த கதம் கம்மம், தம் பச்சா² அனுதப்பதி’’.

1359. ததோ ஸோ வருணோ நாகோ³, பவிஸித்வா நிவேஸனம்;

ப⁴ரியம் ஆமந்தயித்வான, இத³ம் வசனமப்³ரவி.

1360. ‘‘அயம் ஸோ புண்ணகோ யக்கோ², யாசதீ மம் இரந்த⁴திம்;

ப³ஹுனா வித்தலாபே⁴ன, தஸ்ஸ தே³ம பியம் மமம்’’.

1361. ‘‘ந த⁴னேன ந வித்தேன, லப்³பா⁴ அம்ஹம் இரந்த⁴தீ;

ஸசே ச கோ² ஹத³யம் பண்டி³தஸ்ஸ, த⁴ம்மேன லத்³தா⁴ இத⁴ மாஹரேய்ய;

ஏதேன வித்தேன குமாரி லப்³பா⁴, நாஞ்ஞம் த⁴னம் உத்தரி பத்த²யாம’’.

1362. ததோ ஸோ வருணோ நாகோ³, நிக்க²மித்வா நிவேஸனா;

புண்ணகாமந்தயித்வான, இத³ம் வசனமப்³ரவி.

1363. ‘‘ந த⁴னேன ந வித்தேன, லப்³பா⁴ அம்ஹம் இரந்த⁴தீ;

ஸசே துவம் ஹத³யம் பண்டி³தஸ்ஸ, த⁴ம்மேன லத்³தா⁴ இத⁴ மாஹரேஸி;

ஏதேன வித்தேன குமாரி லப்³பா⁴, நாஞ்ஞம் த⁴னம் உத்தரி பத்த²யாம’’.

1364. ‘‘யம் பண்டி³தோத்யேகே வத³ந்தி லோகே, தமேவ பா³லோதி புனாஹு அஞ்ஞே;

அக்கா²ஹி மே விப்பவத³ந்தி ஏத்த², கம் பண்டி³தம் நாக³ துவம் வதே³ஸி’’.

1365. ‘‘கோரப்³யராஜஸ்ஸ த⁴னஞ்சயஸ்ஸ [த⁴னஞ்ஜயஸ்ஸ (ஸீ. ஸ்யா. பீ.)], யதி³ தே ஸுதோ விது⁴ரோ நாம கத்தா;

ஆனேஹி தம் பண்டி³தம் த⁴ம்மலத்³தா⁴, இரந்த⁴தீ பத³சரா [பத்³த⁴சரா (ஸீ. பீ.), பட்ட²சரா (ஸ்யா. க.)] தே ஹோது.

1366. ‘‘இத³ஞ்ச ஸுத்வா வருணஸ்ஸ வாக்யம், உட்டா²ய யக்கோ² பரமப்பதீதோ;

தத்தே²வ ஸந்தோ புரிஸம் அஸம்ஸி, ஆனேஹி ஆஜஞ்ஞமிதே⁴வ யுத்தம்.

1367. ‘‘ஜாதரூபமயா கண்ணா, காசம்ஹிசமயா [காசம்ஹமயா (ஸீ.), காசம்ப⁴மயா (பீ.)] கு²ரா;

ஜம்போ³னத³ஸ்ஸ பாகஸ்ஸ, ஸுவண்ணஸ்ஸ உரச்ச²தோ³’’.

1368. ‘‘தே³வவாஹவஹம் யானம், அஸ்ஸமாருய்ஹ புண்ணகோ;

அலங்கதோ கப்பிதகேஸமஸ்ஸு, பக்காமி வேஹாயஸமந்தலிக்கே² [அந்தலிக்க²ம் (க.)].

1369. ‘‘ஸோ புண்ணகோ காமராகே³ன [காமவேகே³ன (ஸீ. பீ.)] கி³த்³தோ⁴, இரந்த⁴திம் நாக³கஞ்ஞம் ஜிகீ³ஸம் [ஜிகி³ம்ஸம் (ஸீ. ஸ்யா. பீ.)];

க³ந்த்வான தம் பூ⁴தபதிம் யஸஸ்ஸிம், இச்சப்³ரவீ வேஸ்ஸவணம் குவேரம்.

1370. ‘‘போ⁴க³வதீ நாம மந்தி³ரே, வாஸா ஹிரஞ்ஞவதீதி வுச்சதி;

நக³ரே நிம்மிதே கஞ்சனமயே, மண்ட³லஸ்ஸ உரக³ஸ்ஸ நிட்டி²தம்.

1371. ‘‘அட்டாலகா ஓட்ட²கீ³வியோ, லோஹிதங்கஸ்ஸ மஸாரக³ல்லினோ;

பாஸாதே³த்த² ஸிலாமயா, ஸோவண்ணரதனேஹி சா²தி³தா.

1372. ‘‘அம்பா³ திலகா ச ஜம்பு³யோ, ஸத்தபண்ணா முசலிந்த³கேதகா;

பியங்கு³ [பியகா (ஸீ. பீ.), பியங்கு³கா (ஸ்யா.)] உத்³தா³லகா ஸஹா, உபரிப⁴த்³த³கா ஸிந்து³வாரகா [பி⁴ந்து³வாரிதா (ஸ்யா. பீ.), பி⁴ந்த⁴வாரிதா (க.)].

1373. ‘‘சம்பேய்யகா நாக³மல்லிகா, ப⁴கி³னீமாலா அத² மேத்த² கோலியா;

ஏதே து³மா பரிணாமிதா, ஸோப⁴யந்தி உரக³ஸ்ஸ மந்தி³ரம் [மந்தி³ரே (ஸ்யா. க.)].

1374. ‘‘க²ஜ்ஜுரேத்த² ஸிலாமயா, ஸோவண்ணது⁴வபுப்பி²தா ப³ஹூ;

யத்த² வஸதோ பபாதிகோ, நாக³ராஜா வருணோ மஹித்³தி⁴கோ.

1375. ‘‘தஸ்ஸ கோமாரிகா ப⁴ரியா, விமலா கஞ்சனவேல்லிவிக்³க³ஹா;

காலா தருணாவ உக்³க³தா, புசிமந்த³த்த²னீ சாருத³ஸ்ஸனா.

1376. ‘‘லாகா²ரஸரத்தஸுச்ச²வீ, கணிகாராவ நிவாதபுப்பி²தா [கணிகாரோவ நிவாதபுப்பி²தோ (ஸீ. பீ.)];

திதி³வோகசராவ அச்ச²ரா, விஜ்ஜுவப்³ப⁴க⁴னா வினிஸ்ஸடா.

1377. ‘‘ஸா தோ³ஹளினீ ஸுவிம்ஹிதா, விது⁴ரஸ்ஸ ஹத³யம் த⁴னியதி;

தம் தேஸம் தே³மி இஸ்ஸர, தேன தே தே³ந்தி இரந்த⁴திம் மமம்’’.

1378. ‘‘ஸோ புண்ணகோ பூ⁴தபதிம் யஸஸ்ஸிம், ஆமந்தய வேஸ்ஸவணம் குவேரம்;

தத்தே²வ ஸந்தோ [ஸந்தம் (பீ.)] புரிஸம் அஸம்ஸி, ஆனேஹி ஆஜஞ்ஞமிதே⁴வ யுத்தம்.

1379. ‘‘ஜாதரூபமயா கண்ணா, காசம்ஹிசமயா கு²ரா;

ஜம்போ³னத³ஸ்ஸ பாகஸ்ஸ, ஸுவண்ணஸ்ஸ உரச்ச²தோ³.

1380. ‘‘தே³வவாஹவஹம் யானம், அஸ்ஸமாருய்ஹ புண்ணகோ;

அலங்கதோ கப்பிதகேஸமஸ்ஸு, பக்காமி வேஹாயஸமந்தலிக்கே²’’.

1381. ‘‘ஸோ அக்³க³மா ராஜக³ஹம் ஸுரம்மம், அங்க³ஸ்ஸ ரஞ்ஞோ நக³ரம் து³ராயுதம் [து³ராஸத³ம் (ஸ்யா.)];

பஹூதப⁴க்க²ம் ப³ஹுஅன்னபானம், மஸக்கஸாரம் விய வாஸவஸ்ஸ.

1382. ‘‘மயூரகோஞ்சாக³ணஸம்பகு⁴ட்ட²ம், தி³ஜாபி⁴கு⁴ட்ட²ம் தி³ஜஸங்க⁴ஸேவிதம்;

நானாஸகுந்தாபி⁴ருத³ம் ஸுவங்க³ணம் [ஸுப⁴ங்க³ணம் (ஸீ. பீ.)], புப்பா²பி⁴கிண்ணம் ஹிமவம்வ பப்³ப³தம்.

1383. ‘‘ஸோ புண்ணகோ வேபுலமாபி⁴ரூஹி [வேபுல்லமாபி⁴ருச்சி² (ஸீ. பீ.)], ஸிலுச்சயம் கிம்புரிஸானுசிண்ணம்;

அன்வேஸமானோ மணிரதனம் உளாரம், தமத்³த³ஸா பப்³ப³தகூடமஜ்ஜே².

1384. ‘‘தி³ஸ்வா மணிம் பப⁴ஸ்ஸரம் ஜாதிமந்தம் [ஜாதிவந்தம் (ஸீ. ஸ்யா.)], மனோஹரம் [த⁴னாஹரம் (ஸீ. பீ. க.)] மணிரதனம் உளாரம்;

த³த்³த³ல்லமானம் யஸஸா யஸஸ்ஸினம், ஓபா⁴ஸதீ விஜ்ஜுரிவந்தலிக்கே².

1385. ‘‘தமக்³க³ஹீ வேளுரியம் மஹக்³க⁴ம், மனோஹரம் நாம மஹானுபா⁴வம்;

ஆஜஞ்ஞமாருய்ஹ மனோமவண்ணோ, பக்காமி வேஹாயஸமந்தலிக்கே².

1386. ‘‘ஸோ அக்³க³மா [அக³மா (ஸ்யா. பீ. க.)] நக³ரமிந்த³பத்த²ம், ஓருய்ஹுபாக³ச்சி² ஸப⁴ம் குரூனம்;

ஸமாக³தே ஏகஸதம் ஸமக்³கே³, அவ்ஹேத்த² யக்கோ² அவிகம்பமானோ.

1387. ‘‘கோ நீத⁴ ரஞ்ஞம் வரமாபி⁴ஜேதி, கமாபி⁴ஜேய்யாம வரத்³த⁴னேன [வரம்த⁴னேன (ஸீ. பீ.)];

கமனுத்தரம் ரதனவரம் ஜினாம, கோ வாபி நோ ஜேதி வரத்³த⁴னேன’’.

1388. ‘‘குஹிம் நு ரட்டே² தவ ஜாதிபூ⁴மி, ந கோரப்³யஸ்ஸேவ வசோ தவேத³ம்;

அபீ⁴தோஸி [அபி⁴போ⁴ஸி (ஸீ. பீ.)] நோ வண்ணனிபா⁴ய ஸப்³பே³, அக்கா²ஹி மே நாமஞ்ச ப³ந்த⁴வே ச’’.

1389. ‘‘கச்சாயனோ மாணவகோஸ்மி ராஜ, அனூனனாமோ இதி மவ்ஹயந்தி;

அங்கே³ஸு மே ஞாதயோ ப³ந்த⁴வா ச, அக்கே²ன தே³வஸ்மி இதா⁴னுபத்தோ’’.

1390. ‘‘கிம் மாணவஸ்ஸ ரதனானி அத்தி², யே தம் ஜினந்தோ ஹரே அக்க²து⁴த்தோ;

ப³ஹூனி ரஞ்ஞோ ரதனானி அத்தி², தே த்வம் த³லித்³தோ³ கத²மவ்ஹயேஸி’’.

1391. ‘‘மனோஹரோ நாம மணீ மமாயம், மனோஹரம் மணிரதனம் உளாரம்;

இமஞ்ச ஆஜஞ்ஞமமித்ததாபனம், ஏதம் மே ஜினித்வா ஹரே அக்க²து⁴த்தோ’’.

1392. ‘‘ஏகோ மணீ மாணவ கிம் கரிஸ்ஸதி, ஆஜானியேகோ பன கிம் கரிஸ்ஸதி;

ப³ஹூனி ரஞ்ஞோ மணிரதனானி அத்தி², ஆஜானியா வாதஜவா அனப்பகா’’.

தோ³ஹளகண்ட³ம் நாம.

மணிகண்ட³ம்

1393. ‘‘இத³ஞ்ச மே மணிரதனம், பஸ்ஸ த்வம் த்³விபது³த்தம;

இத்தீ²னம் விக்³க³ஹா சேத்த², புரிஸானஞ்ச விக்³க³ஹா.

1394. ‘‘மிகா³னம் விக்³க³ஹா சேத்த², ஸகுணானஞ்ச விக்³க³ஹா;

நாக³ராஜா ஸுபண்ணா ச [நாக³ராஜே ஸுபண்ணே ச (ஸீ. ஸ்யா. பீ.)], மணிம்ஹி பஸ்ஸ நிம்மிதம்.

1395. ‘‘ஹத்தா²னீகம் ரதா²னீகம், அஸ்ஸே பத்தீ ச வம்மினே [த⁴ஜானி ச (பீ.)];

சதுரங்கி³னிமம் ஸேனம், மணிம்ஹி பஸ்ஸ நிம்மிதம்.

1396. ‘‘ஹத்தா²ரோஹே அனீகட்டே², ரதி²கே பத்திகாரகே;

ப³லக்³கா³னி வியூள்ஹானி [வியூஹானி (ஸ்யா. க.)], மணிம்ஹி பஸ்ஸ நிம்மிதம்.

1397. ‘‘புரம் உத்³தா⁴பஸம்பன்னம் [உத்³தா³பஸம்பன்னம் (ஸீ. பீ.), அட்டாலஸம்பன்னம் (ஸ்யா.)], ப³ஹுபாகாரதோரணம்;

ஸிங்கா⁴டகேஸு பூ⁴மியோ, மணிம்ஹி பஸ்ஸ நிம்மிதம்.

1398. ‘‘ஏஸிகா பரிகா²யோ ச, பலிக²ம் அக்³க³ளானி ச;

அட்டாலகே ச த்³வாரே ச, மணிம்ஹி பஸ்ஸ நிம்மிதம்.

1399. ‘‘பஸ்ஸ தோரணமக்³கே³ஸு, நானாதி³ஜா க³ணா ப³ஹூ;

ஹம்ஸா கோஞ்சா மயூரா ச, சக்கவாகா ச குக்குஹா.

1400. ‘‘குணாலகா ப³ஹூ சித்ரா, ஸிக²ண்டீ³ ஜீவஜீவகா;

நானாதி³ஜக³ணாகிண்ணம், மணிம்ஹி பஸ்ஸ நிம்மிதம்.

1401. ‘‘பஸ்ஸ நக³ரம் ஸுபாகாரம், அப்³பு⁴தம் லோமஹம்ஸனம்;

ஸமுஸ்ஸிதத⁴ஜம் ரம்மம், ஸோண்ணவாலுகஸந்த²தம்.

1402. ‘‘பஸ்ஸேத்த² [பஸ்ஸ த்வம் (ஸீ. பீ.)] பண்ணஸாலாயோ, விப⁴த்தா பா⁴க³ஸோ மிதா;

நிவேஸனே நிவேஸே ச, ஸந்தி⁴ப்³யூஹே பத²த்³தி⁴யோ.

1403. ‘‘பானாகா³ரே ச ஸோண்டே³ ச, ஸூனா [ஸூணா (ஸீ. பீ.), ஸுத்³தா³ (ஸ்யா. க.)] ஓத³னியா க⁴ரா;

வேஸீ ச க³ணிகாயோ ச, மணிம்ஹி பஸ்ஸ நிம்மிதம்.

1404. ‘‘மாலாகாரே ச ரஜகே, க³ந்தி⁴கே அத² து³ஸ்ஸிகே;

ஸுவண்ணகாரே மணிகாரே, மணிம்ஹி பஸ்ஸ நிம்மிதம்.

1405. ‘‘ஆளாரிகே ச ஸூதே³ ச, நடனாடககா³யினோ;

பாணிஸ்ஸரே கும்ப⁴தூ²னிகே, மணிம்ஹி பஸ்ஸ நிம்மிதம்.

1406. ‘‘பஸ்ஸ பே⁴ரீ முதி³ங்கா³ ச, ஸங்கா² பணவதி³ந்தி³மா;

ஸப்³ப³ஞ்ச தாளாவசரம், மணிம்ஹி பஸ்ஸ நிம்மிதம்.

1407. ‘‘ஸம்மதாலஞ்ச வீணஞ்ச, நச்சகீ³தம் ஸுவாதி³தம்;

தூரியதாளிதஸங்கு⁴ட்ட²ம், மணிம்ஹி பஸ்ஸ நிம்மிதம்.

1408. ‘‘லங்கி⁴கா முட்டி²கா சேத்த², மாயாகாரா ச ஸோபி⁴யா;

வேதாலிகே [வேத்தலிகே (க.)] ச ஜல்லே ச, மணிம்ஹி பஸ்ஸ நிம்மிதம்.

1409. ‘‘ஸமஜ்ஜா சேத்த² வத்தந்தி, ஆகிண்ணா நரனாரிபி⁴;

மஞ்சாதிமஞ்சே பூ⁴மியோ, மணிம்ஹி பஸ்ஸ நிம்மிதம்.

1410. ‘‘பஸ்ஸ மல்லே ஸமஜ்ஜஸ்மிம், போ²டேந்தே [பாடே²ந்தே (ஸீ. ஸ்யா. பீ.)] தி³கு³ணம் பு⁴ஜம்;

நிஹதே நிஹதமானே ச, மணிம்ஹி பஸ்ஸ நிம்மிதம்.

1411. ‘‘பஸ்ஸ பப்³ப³தபாதே³ஸு, நானாமிக³க³ணா ப³ஹூ;

ஸீஹா ப்³யக்³கா⁴ வராஹா ச, அச்ச²கோகதரச்ச²யோ.

1412. ‘‘பலாஸாதா³ க³வஜா ச, மஹிம்ஸா ரோஹிதா ருரூ;

ஏணேய்யா ச வராஹா [ஸரபா⁴ (ஸ்யா.)] ச, க³ணினோ நீக [நிங்க (ஸீ. ஸ்யா. பீ.)] ஸூகரா.

1413. ‘‘கத³லிமிகா³ ப³ஹூ சித்ரா, பி³ளாரா ஸஸகண்டகா;

நானாமிக³க³ணாகிண்ணம், மணிம்ஹி பஸ்ஸ நிம்மிதம்.

1414. ‘‘நஜ்ஜாயோ ஸுபதித்தா²யோ, ஸோண்ணவாலுகஸந்த²தா;

அச்சா² ஸவந்தி அம்பூ³னி, மச்ச²கு³ம்ப³னிஸேவிதா.

1415. ‘‘கும்பீ⁴லா மகரா சேத்த², ஸுஸுமாரா ச கச்ச²பா;

பாடீ²னா பாவுஸா மச்சா², ப³லஜா [வலஜா (ஸீ.), வாலஜா (பீ.)] முஞ்ஜரோஹிதா.

1416. ‘‘நானாதி³ஜக³ணாகிண்ணா, நானாது³மக³ணாயுதா;

வேளுரியக-ரோதா³யோ [வேளுரியப²லகரோதா³யோ (ஸீ.)], மணிம்ஹி பஸ்ஸ நிம்மிதம்.

1417. ‘‘பஸ்ஸேத்த² போக்க²ரணியோ, ஸுவிப⁴த்தா சதுத்³தி³ஸா;