525. சூளஸுதஸோமஜாதகம் (5)

195. ‘‘ஆமந்தயாமி நிக³மம், மித்தாமச்சே பரிஸ்ஸஜே [பாரிஸஜ்ஜே (ஸீ. ஸ்யா.)];

ஸிரஸ்மிம் பலிதம் ஜாதம், பப்³ப³ஜ்ஜம் தா³னி ரோசஹம்’’.

196. ‘‘அபு⁴ம்மே கத²ம் நு ப⁴ணஸி, ஸல்லம் மே தே³வ உரஸி கப்பேஸி [கம்பேஸி (பீ.)];

ஸத்தஸதா தே ப⁴ரியா, கத²ம் நு தே தா ப⁴விஸ்ஸந்தி’’.

197. ‘‘பஞ்ஞாயிஹிந்தி ஏதா, த³ஹரா அஞ்ஞம்பி தா க³மிஸ்ஸந்தி;

ஸக்³க³ஞ்சஸ்ஸ பத்த²யானோ, தேன அஹம் பப்³ப³ஜிஸ்ஸாமி’’.

198. ‘‘து³ல்லத்³த⁴ம் மே ஆஸி ஸுதஸோம, யஸ்ஸ தே ஹோமஹம் மாதா;

யம் மே விலபந்தியா, அனபேக்கோ² பப்³ப³ஜஸி தே³வ.

199. ‘‘து³ல்லத்³த⁴ம் மே ஆஸி ஸுதஸோம, யம் தம் அஹம் விஜாயிஸ்ஸம்;

யம் மே விலபந்தியா, அனபேக்கோ² பப்³ப³ஜஸி தே³வ’’.

200. ‘‘கோ நாமேஸோ த⁴ம்மோ, ஸுதஸோம கா ச நாம பப்³ப³ஜ்ஜா;

யம் நோ அம்ஹே ஜிண்ணே, அனபேக்கோ² பப்³ப³ஜஸி தே³வ.

201. ‘‘புத்தாபி துய்ஹம் ப³ஹவோ, த³ஹரா அப்பத்தயோப்³ப³னா;

மஞ்ஜூ தேபி [தே (ஸீ. பீ.)] தம் அபஸ்ஸந்தா, மஞ்ஞே து³க்க²ம் நிக³ச்ச²ந்தி’’.

202. ‘‘புத்தேஹி ச மே ஏதேஹி, த³ஹரேஹி அப்பத்தயோப்³ப³னேஹி;

மஞ்ஜூஹி ஸப்³பே³ஹிபி தும்ஹேஹி, சிரம்பி ட²த்வா வினாஸபா⁴வோ’’ [வினாபா⁴வோ (ஸீ. ஸ்யா. பீ.)].

203. ‘‘சி²ன்னம் நு துய்ஹம் ஹத³யம், அது³ தே [ஆது³ (ஸீ. பீ.), ஆதூ³ (ஸ்யா.)] கருணா ச நத்தி² அம்ஹேஸு;

யம் நோ விகந்த³ந்தியோ [விக்கந்த³ந்தியோ (ஸீ.)], அனபேக்கோ² பப்³ப³ஜஸி தே³வ’’.

204. ‘‘ந ச மய்ஹம் சி²ன்னம் ஹத³யம், அத்தி² கருணாபி மய்ஹம் தும்ஹேஸு;

ஸக்³க³ஞ்ச பத்த²யானோ, தேன அஹம் [தேனாஹம் (ஸீ. ஸ்யா.), தேனமஹம் (பீ.)] பப்³ப³ஜிஸ்ஸாமி’’.

205. ‘‘து³ல்லத்³த⁴ம் மே ஆஸி, ஸுதஸோம யஸ்ஸ தே அஹம் ப⁴ரியா;

யம் மே விலபந்தியா, அனபேக்கோ² பப்³ப³ஜஸி தே³வ.

206. ‘‘து³ல்லத்³த⁴ம் மே ஆஸி, ஸுதஸோம யஸ்ஸ தே அஹம் ப⁴ரியா;

யம் மே குச்சி²படிஸந்தி⁴ம் [மம் குச்சி²மதிம் ஸந்திம் (பீ.)], அனபேக்கோ² பப்³ப³ஜஸி தே³வ.

207. ‘‘பரிபக்கோ மே க³ப்³போ⁴, குச்சி²க³தோ யாவ நம் விஜாயாமி;

மாஹம் ஏகா வித⁴வா, பச்சா² து³க்கா²னி அத்³த³க்கி²ம்’’.

208. ‘‘பரிபக்கோ தே க³ப்³போ⁴, குச்சி²க³தோ இங்க⁴ த்வம் [த்வ (ஸீ.), நம் (பீ.)] விஜாயஸ்ஸு;

புத்தம் அனோமவண்ணம், தம் ஹித்வா பப்³ப³ஜிஸ்ஸாமி’’.

209. ‘‘மா த்வம் சந்தே³ ருதி³, மா ஸோசி வனதிமிரமத்தக்கி²;

ஆரோஹ வரபாஸாத³ம் [ச பாஸாத³ம் (பீ.)], அனபேக்கோ² அஹம் க³மிஸ்ஸாமி’’.

210. ‘‘கோ தம் அம்ம கோபேஸி, கிம் ரோத³ஸி பேக்க²ஸி ச மம் பா³ள்ஹம்;

கம் அவஜ்ஜ²ம் கா⁴தேமி [கா⁴தேமி கம் அவஜ்ஜ²ம் (பீ.), தம் அவஜ்ஜ²ம் கா⁴தேமி (க.)], ஞாதீனம் உதி³க்க²மானானம்’’.

211. ‘‘ந ஹி ஸோ ஸக்கா ஹந்தும், விஜிதாவீ [ஜீவிதாவீ (பீ.)] யோ மம் தாத கோபேஸி;

பிதா தே மம் தாத அவச, அனபேக்கோ² அஹம் க³மிஸ்ஸாமி’’.

212. ‘‘யோஹம் புப்³பே³ நிய்யாமி, உய்யானம் மத்தகுஞ்ஜரே ச யோதே⁴மி;

ஸுதஸோமே பப்³ப³ஜிதே, கத²ம் நு தா³னி கரிஸ்ஸாமி’’.

213. ‘‘மாதுச்ச [மாது ச (ஸீ. ஸ்யா.)] மே ருத³ந்த்யா [ருத³த்யா (பீ.)], ஜேட்ட²ஸ்ஸ ச பா⁴துனோ அகாமஸ்ஸ;

ஹத்தே²பி தே க³ஹேஸ்ஸம், ந ஹி க³ச்ச²ஸி [க³ஞ்சி²ஸி (பீ.)] நோ அகாமானம்’’.

214. ‘‘உட்டே²ஹி த்வம் தா⁴தி, இமம் குமாரம் ரமேஹி அஞ்ஞத்த²;

மா மே பரிபந்த²மகாஸி [மகா (ஸீ. பீ.)], ஸக்³க³ம் மம பத்த²யானஸ்ஸ’’.

215. ‘‘யம் நூனிமம் த³தே³ய்யம் [ஜஹேய்யம் (பீ.)] பப⁴ங்கரம், கோ நு மே இமினாத்தோ² [கோ நு மே இமினா அத்தோ² (ஸீ. ஸ்யா.), கோ நு மே நத்தோ² (பீ.)];

ஸுதஸோமே பப்³ப³ஜிதே, கிம் நு மேனம் கரிஸ்ஸாமி’’.

216. ‘‘கோஸோ ச துய்ஹம் விபுலோ, கோட்டா²கா³ரஞ்ச துய்ஹம் பரிபூரம்;

பத²வீ ச துய்ஹம் விஜிதா, ரமஸ்ஸு மா பப்³ப³ஜி [பப்³ப³ஜஸ்ஸு (ஸீ.), பப்³ப³ஜ (பீ.)] தே³வ’’.

217. ‘‘கோஸோ ச மய்ஹம் விபுலோ, கோட்டா²கா³ரஞ்ச மய்ஹம் பரிபூரம்;

பத²வீ ச மய்ஹம் விஜிதா, தம் ஹித்வா பப்³ப³ஜிஸ்ஸாமி’’.

218. ‘‘மய்ஹம்பி த⁴னம் பஹூதம், ஸங்கா²தும் [ஸங்க்²யாதும் (ஸீ.)] நோபி தே³வ ஸக்கோமி;

தம் தே த³தா³மி ஸப்³ப³ம்பி [தம் தே³வ தே த³தா³மி ஸப்³ப³ம்பி (ஸீ.), தம் தே த³தா³மி ஸப்³ப³ம் (பீ.)], ரமஸ்ஸு மா பப்³ப³ஜி தே³வ’’.

219. ‘‘ஜானாமி [ஜானாமி தே (ஸீ. ஸ்யா.)] த⁴னம் பஹூதம், குலவத்³த⁴ன பூஜிதோ தயா சஸ்மி;

ஸக்³க³ஞ்ச பத்த²யானோ, தேன அஹம் பப்³ப³ஜிஸ்ஸாமி’’.

220. ‘‘உக்கண்டி²தோஸ்மி பா³ள்ஹம், அரதி மம் ஸோமத³த்த ஆவிஸதி [ஆவீஸதி (க.)];

ப³ஹுகாபி [ப³ஹுகா ஹி (ஸீ. ஸ்யா.)] மே அந்தராயா, அஜ்ஜேவாஹம் பப்³ப³ஜிஸ்ஸாமி’’.

221. ‘‘இத³ஞ்ச துய்ஹம் ருசிதம், ஸுதஸோம அஜ்ஜேவ தா³னி த்வம் பப்³ப³ஜ;

அஹம்பி பப்³ப³ஜிஸ்ஸாமி, ந உஸ்ஸஹே தயா வினா அஹம் டா²தும்’’.

222. ‘‘ந ஹி ஸக்கா பப்³ப³ஜிதும், நக³ரே ந ஹி பச்சதி ஜனபதே³ ச’’;

‘‘ஸுதஸோமே பப்³ப³ஜிதே, கத²ம் நு தா³னி கரிஸ்ஸாம’’.

223. ‘‘உபனீயதித³ம் மஞ்ஞே, பரித்தம் உத³கம்வ சங்கவாரம்ஹி;

ஏவம் ஸுபரித்தகே ஜீவிதே, ந ச பமஜ்ஜிதும் காலோ.

224. ‘‘உபனீயதித³ம் மஞ்ஞே, பரித்தம் உத³கம்வ சங்கவாரம்ஹி;

ஏவம் ஸுபரித்தகே ஜீவிதே, அந்த⁴பா³லா [அத² பா³லா (ஸீ. ஸ்யா. பீ.)] பமஜ்ஜந்தி.

225. ‘‘தே வட்³ட⁴யந்தி நிரயம், திரச்சா²னயோனிஞ்ச பேத்திவிஸயஞ்ச;

தண்ஹாய ப³ந்த⁴னப³த்³தா⁴, வட்³டே⁴ந்தி அஸுரகாயம்’’.

226. ‘‘ஊஹஞ்ஞதே ரஜக்³க³ம், அவிதூ³ரே புப்³ப³கம்ஹி ச [புப்ப²கம்ஹி ச (ஸீ. பீ.)] பாஸாதே³;

மஞ்ஞே நோ கேஸா சி²ன்னா, யஸஸ்ஸினோ த⁴ம்மராஜஸ்ஸ’’.

227. ‘‘அயமஸ்ஸ பாஸாதோ³, ஸோவண்ண [ஸோவண்ணோ (பீ.)] புப்ப²மால்யவீதிகிண்ணோ;

யஹி [யம்ஹி (பீ.)] மனுவிசரி ராஜா, பரிகிண்ணோ இத்தா²கா³ரேஹி.

228. ‘‘அயமஸ்ஸ பாஸாதோ³, ஸோவண்ணபுப்ப²மால்யவீதிகிண்ணோ;

யஹிமனுவிசரி ராஜா, பரிகிண்ணோ ஞாதிஸங்கே⁴ன.

229. ‘‘இத³மஸ்ஸ கூடாகா³ரம், ஸோவண்ணபுப்ப²மால்யவீதிகிண்ணம்;