10. ஸங்க²பாலசரியா

85. ‘‘புனாபரம் யதா³ ஹோமி, ஸங்க²பாலோ மஹித்³தி⁴கோ;

தா³டா²வுதோ⁴ கோ⁴ரவிஸோ, த்³விஜிவ்ஹோ உரகா³தி⁴பூ⁴.

86. ‘‘சதுப்பதே² மஹாமக்³கே³, நானாஜனஸமாகுலே;

சதுரோ அங்கே³ அதி⁴ட்டா²ய, தத்த² வாஸமகப்பயிம்.

87. ‘‘ச²வியா சம்மேன மம்ஸேன, நஹாருஅட்டி²கேஹி வா;

யஸ்ஸ ஏதேன கரணீயம், தி³ன்னம்யேவ ஹராது ஸோ.

88. ‘‘அத்³த³ஸம்ஸு போ⁴ஜபுத்தா, க²ரா லுத்³தா³ அகாருணா;

உபக³ஞ்சு²ம் மமம் தத்த², த³ண்ட³முக்³க³ரபாணினோ.

89. ‘‘நாஸாய வினிவிஜ்ஜி²த்வா, நங்கு³ட்டே² பிட்டி²கண்டகே;

காஜே ஆரோபயித்வான, போ⁴ஜபுத்தா ஹரிம்ஸு மம்.

90. ‘‘ஸஸாக³ரந்தம் பத²விம், ஸகானனம் ஸபப்³ப³தம்;

இச்ச²மானோ சஹம் தத்த², நாஸாவாதேன ஜா²பயே.

91. ‘‘ஸூலேஹி வினிவிஜ்ஜ²ந்தே, கோட்டயந்தேபி ஸத்திபி⁴;

போ⁴ஜபுத்தே ந குப்பாமி, ஏஸா மே ஸீலபாரமீ’’தி.

ஸங்க²பாலசரியம் த³ஸமம்.

ஹத்தி²னாக³வக்³கோ³ து³தியோ.

தஸ்ஸுத்³தா³னம் –

ஹத்தி²னாகோ³ பூ⁴ரித³த்தோ, சம்பேய்யோ போ³தி⁴ மஹிம்ஸோ;

ருரு மாதங்கோ³ த⁴ம்மோ ச, அத்ரஜோ ச ஜயத்³தி³ஸோ.

ஏதே நவ ஸீலப³லா, பரிக்கா²ரா பதே³ஸிகா;

ஜீவிதம் பரிரக்கி²த்வா, ஸீலானி அனுரக்கி²ஸம்.

ஸங்க²பாலஸ்ஸ மே ஸதோ, ஸப்³ப³காலம்பி ஜீவிதம்;

யஸ்ஸ கஸ்ஸசி நிய்யத்தம், தஸ்மா ஸா ஸீலபாரமீதி.

ஸீலபாரமினித்³தே³ஸோ நிட்டி²தோ.