3. பரிஹானத⁴ம்மஸுத்தவண்ணனா

96. ததியே பரிஹானத⁴ம்மந்தி பரிஹானஸபா⁴வம். அபி⁴பா⁴யதனானீதி அபி⁴ப⁴விதானி ஆயதனானி. ஸரஸங்கப்பாதி ஏத்த² ஸரந்தீதி ஸரா, தா⁴வந்தீதி அத்தோ². ஸரா ச தே ஸங்கப்பா ச ஸரஸங்கப்பா. ஸம்யோஜனியாதி ப³ந்த⁴னியா ப³ந்த⁴னஸ்ஸ பச்சயபூ⁴தா. தஞ்சே பி⁴க்கூ²தி தம் ஏவம் உப்பன்னம் கிலேஸஜாதம், தம் வா ஆரம்மணம். அதி⁴வாஸேதீதி சித்தே ஆரோபேத்வா வாஸேதி. நப்பஜஹதீதி ச²ந்த³ராக³ப்பஹானேன ந பஜஹதி. ஏவம் ஸப்³ப³பதே³ஹி யோஜேதப்³ப³ம். அபி⁴பா⁴யதனஞ்ஹேதம் வுத்தம் ப⁴க³வதாதி ஏதம் பு³த்³தே⁴ன ப⁴க³வதா அபி⁴ப⁴விதம் ஆயதனந்தி கதி²தம். இத⁴ த⁴ம்மம் புச்சி²த்வா விப⁴ஜந்தேன புக்³க³லேன த⁴ம்மோ த³ஸ்ஸிதோ.