6. கிலேஸஸம்யுத்தவண்ணனா

322-331. கிலேஸஸம்யுத்தே சித்தஸ்ஸேஸோ உபக்கிலேஸோதி கதரசித்தஸ்ஸ? சதுபூ⁴மகசித்தஸ்ஸ. தேபூ⁴மகசித்தஸ்ஸ தாவ ஹோது, லோகுத்தரஸ்ஸ கத²ம் உபக்கிலேஸோ ஹோதீதி? உப்பத்தினிவாரணதோ. ஸோ ஹி தஸ்ஸ உப்பஜ்ஜிதும் அப்பதா³னேன உபக்கிலேஸோதி வேதி³தப்³போ³. நேக்க²ம்மனின்னந்தி நவலோகுத்தரத⁴ம்மனின்னம். சித்தந்தி ஸமத²விபஸ்ஸனாசித்தம். அபி⁴ஞ்ஞா ஸச்சி²கரணீயேஸு த⁴ம்மேஸூதி பச்சவேக்க²ணஞாணேன அபி⁴ஜானித்வா ஸச்சி²காதப்³பே³ஸு ச²ளபி⁴ஞ்ஞாத⁴ம்மேஸு, ஏகம் த⁴ம்மம் வா க³ண்ஹந்தேன நேக்க²ம்மந்தி க³ஹேதப்³ப³ம். ஸேஸம் ஸப்³ப³த்த² உத்தானமேவாதி.

கிலேஸஸம்யுத்தவண்ணனா நிட்டி²தா.