2. து³தியக³மனாதி³வக்³க³வண்ணனா

224-301. து³தியம் க³மனம் து³க்க²வஸேன வுத்தம். தத்ராபி அட்டா²ரஸேவ வேய்யாகரணானி, ததோ பரானி ‘‘ரூபீ அத்தா ஹோதீ’’திஆதீ³னி அட்ட² வேய்யாகரணானி, தேஹி ஸத்³தி⁴ம் தம் து³தியபேய்யாலோதி வுத்தோ.

தத்த² ரூபீதி ஆரம்மணமேவ ‘‘அத்தா’’தி க³ஹிததி³ட்டி². அரூபீதி ஜா²னம் ‘‘அத்தா’’தி க³ஹிததி³ட்டி². ரூபீ ச அரூபீ சாதி ஆரம்மணஞ்ச ஜா²னஞ்ச ‘‘அத்தா’’தி க³ஹிததி³ட்டி². நேவ ரூபீ நாரூபீதி தக்கமத்தேன க³ஹிததி³ட்டி². ஏகந்தஸுகீ²தி லாபீ⁴தக்கீஜாதிஸ்ஸரானம் உப்பன்னதி³ட்டி². ஜா²னலாபி⁴னோபி ஹி அதீதே ஏகந்தஸுக²ம் அத்தபா⁴வம் மனஸிகரோதோ ஏவம் தி³ட்டி² உப்பஜ்ஜதி. தக்கினோபி ‘‘யதா² ஏதரஹி அஹம் ஏகந்தஸுகீ², ஏவம் ஸம்பராயேபி ப⁴விஸ்ஸாமீ’’தி உப்பஜ்ஜதி. ஜாதிஸ்ஸரஸ்ஸபி ஸத்தட்ட²ப⁴வே ஸுகி²தபா⁴வம் பஸ்ஸந்தஸ்ஸ ஏவம் உப்பஜ்ஜதி, ஏகந்தது³க்கீ²திஆதீ³ஸுபி ஏஸேவ நயோ.

ததியபேய்யாலோ அனிச்சது³க்க²வஸேன தேஹியேவ ச²ப்³பீ³ஸதியா ஸுத்தேஹி வுத்தோ, சதுத்த²பேய்யாலோ திபரிவட்டவஸேனாதி.

தி³ட்டி²ஸம்யுத்தவண்ணனா நிட்டி²தா.