4. விஜயாஸுத்தவண்ணனா

165. சதுத்தே² பஞ்சங்கி³கேனாதி ஆததம் விததம் ஆததவிததம் க⁴னம் ஸுஸிரந்தி ஏவம் பஞ்சங்க³ஸமன்னாக³தேன. நிய்யாதயாமி துய்ஹேவாதி ஸப்³பே³ துய்ஹம்யேவ தே³மி. நாஹம் தேனத்தி²காதி நாஹம் தேன அத்தி²கா. பூதிகாயேனாதி ஸுவண்ணவண்ணோபி காயோ நிச்சம் உக்³க⁴ரிதபக்³க⁴ரிதட்டே²ன பூதிகாயோவ, தஸ்மா ஏவமாஹ. பி⁴ந்த³னேனாதி பி⁴ஜ்ஜனஸபா⁴வேன. பப⁴ங்கு³னாதி சுண்ணவிசுண்ணம் ஆபஜ்ஜனத⁴ம்மேன. அட்டீயாமீதி அட்டா பீளிதா ஹோமி. ஹராயாமீதி லஜ்ஜாமி. ஸந்தா ஸமாபத்தீதி அட்ட²விதா⁴ லோகியஸமாபத்தி ஆரம்மணஸந்ததாய அங்க³ஸந்ததாய ச ஸந்தாதி வுத்தா. ஸப்³ப³த்தா²தி ஸப்³பே³ஸு ரூபாரூபப⁴வேஸு, தேஸம் த்³வின்னம் ப⁴வானம் க³ஹிதத்தா க³ஹிதே காமப⁴வே அட்ட²ஸு ச ஸமாபத்தீஸூதி ஏதேஸு ஸப்³பே³ஸு டா²னேஸு மய்ஹம் அவிஜ்ஜாதமோ விஹதோதி வத³தி. சதுத்த²ம்.