7. பஞ்சாலசண்ட³ஸுத்தவண்ணனா

88. ஸத்தமே ஸம்பா³தே⁴தி நீவரணஸம்பா³த⁴ம் காமகு³ணஸம்பா³த⁴ந்தி த்³வே ஸம்பா³தா⁴. தேஸு இத⁴ நீவரணஸம்பா³த⁴ம் அதி⁴ப்பேதம். ஓகாஸந்தி ஜா²னஸ்ஸேதம் நாமம். படிலீனனிஸபோ⁴தி படிலீனஸேட்டோ². படிலீனோ நாம பஹீனமானோ வுச்சதி. யதா²ஹ – ‘‘கத²ஞ்ச, பி⁴க்க²வே, பி⁴க்கு² படிலீனோ ஹோதி. இத⁴, பி⁴க்க²வே, பி⁴க்கு²னோ அஸ்மிமானோ பஹீனோ ஹோதி உச்சி²ன்னமூலோ தாலாவத்து²கதோ அனபா⁴வம்கதோ ஆயதிம் அனுப்பாத³த⁴ம்மோ’’தி (அ. நி. 4.38; மஹானி. 87). பச்சலத்த²ம்ஸூதி படிலபி⁴ம்ஸு. ஸம்மா தேதி யே நிப்³பா³னபத்தியா ஸதிம் படிலபி⁴ம்ஸு, தே லோகுத்தரஸமாதி⁴னாபி ஸுஸமாஹிதாதி மிஸ்ஸகஜ்ஜா²னம் கதி²தம். ஸத்தமம்.