7. வனரோபஸுத்தவண்ணனா

47. ஸத்தமே த⁴ம்மட்டா² ஸீலஸம்பன்னாதி கே த⁴ம்மட்டா², கே ஸீலஸம்பன்னாதி புச்ச²தி. ப⁴க³வா இமம் பஞ்ஹம் தா²வரவத்து²னா தீ³பேந்தோ ஆராமரோபாதிஆதி³மாஹ. தத்த² ஆராமரோபாதி புப்பா²ராமப²லாராமரோபகா. வனரோபாதி ஸயம்ஜாதே அரோபிமவனே ஸீமம் பரிக்கி²பித்வா சேதியபோ³தி⁴சங்கமனமண்ட³பகுடிலேணரத்திட்டா²னதி³வாட்டா²னானம் காரகா சா²யூபகே³ ருக்கே² ரோபேத்வா த³த³மானாபி வனரோபாயேவ நாம. ஸேதுகாரகாதி விஸமே ஸேதும் கரோந்தி, உத³கே நாவம் படியாதே³ந்தி. பபந்தி பானீயதா³னஸாலம். உத³பானந்தி யம்கிஞ்சி போக்க²ரணீதளாகாதி³ம். உபஸ்ஸயந்தி வாஸாகா³ரம். ‘‘உபாஸய’’ந்திபி பாடோ².

ஸதா³ புஞ்ஞம் பவட்³ட⁴தீதி ந அகுஸலவிதக்கம் வா விதக்கேந்தஸ்ஸ நித்³தா³யந்தஸ்ஸ வா பவட்³ட⁴தி. யதா³ யதா³ பன அனுஸ்ஸரதி, ததா³ ததா³ தஸ்ஸ வட்³ட⁴தி. இமமத்த²ம் ஸந்தா⁴ய ‘‘ஸதா³ புஞ்ஞம் பவட்³ட⁴தீ’’தி வுத்தம். த⁴ம்மட்டா² ஸீலஸம்பன்னாதி தஸ்மிம் த⁴ம்மே டி²தத்தா தேனபி ஸீலேன ஸம்பன்னத்தா த⁴ம்மட்டா² ஸீலஸம்பன்னா. அத² வா ஏவரூபானி புஞ்ஞானி கரோந்தானம் த³ஸ குஸலா த⁴ம்மா பூரேந்தி, தேஸு டி²தத்தா த⁴ம்மட்டா². தேனேவ ச ஸீலேன ஸம்பன்னத்தா ஸீலஸம்பன்னாதி. ஸத்தமம்.