6. ஜாக³ரஸுத்தவண்ணனா

6. ச²ட்டே² ஜாக³ரதந்தி ஜாக³ரந்தானம். பஞ்ச ஜாக³ரதந்தி விஸ்ஸஜ்ஜனகா³தா²யம் பன ஸத்³தா⁴தீ³ஸு பஞ்சஸு இந்த்³ரியேஸு ஜாக³ரந்தேஸு பஞ்ச நீவரணா ஸுத்தா நாம. கஸ்மா? யஸ்மா தம்ஸமங்கீ³புக்³க³லோ யத்த² கத்த²சி நிஸின்னோ வா டி²தோ வா அருணம் உட்ட²பேந்தோபி பமாத³தாய அகுஸலஸமங்கி³தாய ஸுத்தோ நாம ஹோதி. ஏவம் ஸுத்தேஸு பஞ்சஸு நீவரணேஸு பஞ்சிந்த்³ரியானி ஜாக³ரானி நாம. கஸ்மா? யஸ்மா தம்ஸமங்கீ³புக்³க³லோ யத்த² கத்த²சி நிபஜ்ஜித்வா நித்³தா³யந்தோபி அப்பமாத³தாய குஸலஸமங்கி³தாய ஜாக³ரோ நாம ஹோதி. பஞ்சஹி பன நீவரணேஹேவ கிலேஸரஜம் ஆதி³யதி க³ண்ஹாதி பராமஸதி. புரிமா ஹி காமச்ச²ந்தா³த³யோ பச்சி²மானம் பச்சயா ஹோந்தீதி பஞ்சஹி இந்த்³ரியேஹி பரிஸுஜ்ஜ²தீதி அயமத்தோ² வேதி³தப்³போ³. இதா⁴பி பஞ்சிந்த்³ரியானி லோகியலோகுத்தரானேவ கதி²தானீதி.

ஜாக³ரஸுத்தவண்ணனா நிட்டி²தா.