4. ஸங்கா²ரக்க²ந்த⁴னித்³தே³ஸோ

20. ஸங்கா²ரக்க²ந்த⁴னித்³தே³ஸே யே கேசி ஸங்கா²ராதி சதுபூ⁴மிகஸங்கா²ரே பரியாதி³யதி. சக்கு²ஸம்ப²ஸ்ஸஜா சேதனாதிஆதீ³னி அதீதாதி³வஸேன நித்³தி³ட்ட²ஸங்கா²ரே ஸபா⁴வதோ த³ஸ்ஸேதும் வுத்தானி. சக்கு²ஸம்ப²ஸ்ஸஜாதிஆதீ³னி வுத்தத்தா²னேவ. சேதனாதி ஹேட்டி²மகோடியா பதா⁴னஸங்கா²ரவஸேன வுத்தம். ஹேட்டி²மகோடியா ஹி அந்தமஸோ சக்கு²விஞ்ஞாணேன ஸத்³தி⁴ம் பாளியம் ஆக³தா சத்தாரோ ஸங்கா²ரா உப்பஜ்ஜந்தி. தேஸு சேதனா பதா⁴னா ஆயூஹனட்டே²ன பாகடத்தா. தஸ்மா அயமேவ க³ஹிதா. தம்ஸம்பயுத்தஸங்கா²ரா பன தாய க³ஹிதாய க³ஹிதாவ ஹோந்தி. இதா⁴பி புரிமா பஞ்ச சக்கு²பஸாதா³தி³வத்து²காவ. மனோஸம்ப²ஸ்ஸஜா ஹத³யவத்து²காபி அவத்து²காபி. ஸப்³பா³ சதுபூ⁴மிகசேதனா. ஸேஸம் வேத³னாக்க²ந்த⁴ஸதி³ஸமேவாதி.

அயம் ஸங்கா²ரக்க²ந்த⁴னித்³தே³ஸோ.