3. ஆனேஞ்ஜகதா²வண்ணனா

896. இதா³னி ஆனேஞ்ஜகதா² நாம ஹோதி. தத்த² ப⁴க³வா சதுத்த²ஜ்ஜா²னே டி²தோ பரினிப்³பா³யீதி ஸல்லக்கே²த்வா ‘‘அரஹா ஆனேஞ்ஜே டி²தோ பரினிப்³பா³யதீ’’தி யேஸம் லத்³தி⁴, ஸேய்யதா²பி ஏகச்சானம் உத்தராபத²கானம், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. பகதிசித்தேதி ப⁴வங்க³சித்தே. ஸப்³பே³ ஹி ஸஞ்ஞினோ ஸத்தா ப⁴வங்க³சித்தே ட²த்வா ப⁴வங்க³பரியோஸானேன சுதிசித்தேன காலம் கரோந்தி. இதி நம் இமினா அத்தே²ன சோதே³தும் ஏவமாஹ. தத்த² கிஞ்சாபி சதுவோகாரப⁴வே அரஹதோ பகதிசித்தம்பி ஆனேஞ்ஜம் ஹோதி, அயம் பன பஞ்ஹோ பஞ்சவோகாரப⁴வவஸேன உத்³த⁴டோ. தஸ்மா நோ ச வத ரே வத்தப்³பே³தி ஆஹ. ஸேஸமேத்த² உத்தானத்த²மேவாதி.

ஆனேஞ்ஜகதா²வண்ணனா.