1. அத்தி² அரஹதோ புஞ்ஞூபசயகதா²வண்ணனா

776-779. இதா³னி அத்தி² அரஹதோ புஞ்ஞூபசயோதிகதா² நாம ஹோதி. தத்த² யேஸம் அரஹதோ தா³னஸம்விபா⁴க³சேதியவந்த³னாதீ³னி கம்மானி தி³ஸ்வா அத்தி² அரஹதோ புஞ்ஞூபசயோதி லத்³தி⁴, ஸேய்யதா²பி அந்த⁴கானம்; தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நம் ‘‘அரஹா நாம பஹீனபுஞ்ஞபாபோ, ஸோ யதி³ புஞ்ஞம் கரேய்ய, பாபம்பி கரேய்யா’’தி சோதே³தும் அபுஞ்ஞூபசயோதி ஆஹ. இதரோ பாணாதிபாதாதி³கிரியம் அபஸ்ஸந்தோ படிக்கி²பதி. புஞ்ஞாபி⁴ஸங்கா²ரந்திஆதீ³ஸு ப⁴வகா³மிகம்மம் அரஹதோ நத்தீ²தி படிக்கி²பதி. தா³னம் த³தே³ய்யாதிஆதீ³ஸு கிரியசித்தேன தா³னாதி³பவத்திஸப்³பா⁴வதோ ஸகவாதீ³ படிஜானாதி. இதரோ சித்தம் அனாதி³யித்வா கிரியாபவத்திமத்தத³ஸ்ஸனேனேவ லத்³தி⁴ம் பதிட்ட²பேதி. ஸா பன அயோனிஸோ பதிட்டா²பிதத்தா அப்பதிட்டா²பிதா ஹோதீதி.

அத்தி² அரஹதோ புஞ்ஞூபசயோதிகதா²வண்ணனா.