4. க³யாஸீஸஸுத்தவண்ணனா

64. சதுத்தே² ஏதத³வோசாதி அத்தனோ பதா⁴னபூ⁴மியம் உப்பன்னம் விதக்கம் பி⁴க்கு²ஸங்க⁴ஸ்ஸ ஆரோசேதும் – ‘‘புப்³பா³ஹம், பி⁴க்க²வே’’திஆதி³வசனம் அவோச. ஓபா⁴ஸந்தி தி³ப்³ப³சக்கு²ஞாணோபா⁴ஸம். ஞாணத³ஸ்ஸனந்தி தி³ப்³ப³சக்கு²பூ⁴தம் ஞாணஸங்கா²தம் த³ஸ்ஸனம். ஸன்னிவுத்த²புப்³ப³ந்தி ஏகதோ வஸிதபுப்³ப³ம். இமஸ்மிம் பன ஸுத்தே தி³ப்³ப³சக்கு²ஞாணம், இத்³தி⁴வித⁴ஞாணம், சேதோபரியஞாணம், யதா²கம்முபக³ஞாணம், அனாக³தம்ஸஞாணம், பச்சுப்பன்னம்ஸஞாணம், அதீதம்ஸஞாணம், புப்³பே³னிவாஸஞாணந்தி இமானி தாவ அட்ட² ஞாணானி பாளியம்யேவ ஆக³தானி, தேஹி பன ஸத்³தி⁴ம் விபஸ்ஸனாஞாணானி சத்தாரி மக்³க³ஞாணானி, சத்தாரி ப²லஞாணானி, சத்தாரி பச்சவேக்க²ணஞாணானி, சத்தாரி படிஸம்பி⁴தா³ஞாணானி ச² அஸாதா⁴ரணஞாணானீதி ஏதானி ஞாணானி ஸமோதா⁴னேத்வா கதே²ந்தேன ஏவம் இத³ம் ஸுத்தம் கதி²தம் நாம ஹோதி.