5-6. ஸஞ்ஞாஸுத்தத்³வயவண்ணனா

48-49. பஞ்சமே அமதோக³தா⁴தி நிப்³பா³னபதிட்டா². அமதபரியோஸானாதி நிப்³பா³னாவஸானா. ச²ட்டே² மேது²னத⁴ம்மஸமாபத்தியாதி மேது²னத⁴ம்மேன ஸமங்கி³பா⁴வதோ. ந்ஹாருத³த்³து³லந்தி ந்ஹாருக²ண்ட³ம் ந்ஹாருவிலேக²னம் வா. அனுஸந்த³தீதி பவத்ததி. நத்தி² மே புப்³பே³னாபரம் விஸேஸோதி நத்தி² மய்ஹம் புப்³பே³ன அபா⁴விதகாலேன ஸத்³தி⁴ம் அபரம் பா⁴விதகாலே விஸேஸோ. லோகசித்ரேஸூதி திதா⁴துகலோகஸன்னிவாஸஸங்கா²தேஸு லோகசித்ரேஸு. ஆலஸ்யேதி ஆலஸியபா⁴வே. விஸ்ஸட்டி²யேதி விஸ்ஸட்ட²பா⁴வே. அனனுயோகே³தி யோக³ஸ்ஸ அனனுயுஞ்ஜனே. அஹங்காரமமங்காரமானாபக³தந்தி அஹங்காரதி³ட்டி²தோ ச மமங்காரதண்ஹாதோ ச நவவித⁴மானதோ ச அபக³தம். விதா⁴ஸமதிக்கந்தந்தி திஸ்ஸோ விதா⁴ அதிக்கந்தம். ஸந்தந்தி தப்பச்சனீககிலேஸேஹி ஸந்தம். ஸுவிமுத்தந்தி பஞ்சஹி விமுத்தீஹி ஸுட்டு² விமுத்தம்.