10. சதுத்த²அனாக³தப⁴யஸுத்தவண்ணனா

80. த³ஸமே கல்யாணகாமாதி ஸுந்த³ரகாமா. ரஸக்³கா³னீதி உத்தமரஸானி. ஸம்ஸட்டா² விஹரிஸ்ஸந்தீதி பஞ்சவிதே⁴ன ஸம்ஸக்³கே³ன ஸம்ஸட்டா² விஹரிஸ்ஸந்தி. ஸன்னிதி⁴காரபரிபோ⁴க³ந்தி ஸன்னிதி⁴கதஸ்ஸ பரிபோ⁴க³ம். ஓளாரிகம்பி நிமித்தந்தி ஏத்த² பத²விம் க²ணந்தோபி க²ணாஹீதி ஆணாபேந்தோபி பத²வியம் ஓளாரிகம் நிமித்தம் கரோதி நாம. திணகட்ட²ஸாகா²பலாஸம் சி²ந்த³ந்தோபி சி²ந்தா³தி ஆணாபேந்தோபி ஹரிதக்³கே³ ஓளாரிகம் நிமித்தம் கரோதி நாம. ஆஜீவத்தா²ய பண்ணனிவாபஆதீ³னி கா³ஹாபேந்தோ ப²லானி ஓசினந்தே வா ஓசினாபேந்தேன வத்தப்³ப³மேவ நத்தி². இமேஸு சதூஸு ஸுத்தேஸு ஸத்தா²ரா ஸாஸனே வுத்³தி⁴பரிஹானி கதி²தாதி.

யோதா⁴ஜீவவக்³கோ³ ததியோ.