6. கடுவியஸுத்தவண்ணனா

129. ச²ட்டே² கோ³யோக³பிலக்க²ஸ்மிந்தி கா³வீனம் விக்கயட்டா²னே உட்டி²தபிலக்க²ஸ்ஸ ஸந்திகே. ரித்தஸ்ஸாத³ந்தி ஜா²னஸுகா²பா⁴வேன ரித்தஸ்ஸாத³ம். பா³ஹிரஸ்ஸாத³ந்தி காமகு³ணஸுக²வஸேன பா³ஹிரஸ்ஸாத³ம். கடுவியந்தி உச்சி²ட்ட²ம். ஆமக³ந்தே⁴னாதி கோத⁴ஸங்கா²தேன விஸ்ஸக³ந்தே⁴ன. அவஸ்ஸுதந்தி திந்தம். மக்கி²காதி கிலேஸமக்கி²கா. நானுபதிஸ்ஸந்தீதி உட்டா²ய ந அனுப³ந்தி⁴ஸ்ஸந்தி. நான்வாஸ்ஸவிஸ்ஸந்தீதி அனுப³ந்தி⁴த்வா ந கா²தி³ஸ்ஸந்தி. ஸம்வேக³மாபாதீ³தி ஸோதாபன்னோ ஜாதோ.

கடுவியகதோதி உச்சி²ட்ட²கதோ. ஆரகா ஹோதீதி தூ³ரே ஹோதி. விகா⁴தஸ்ஸேவ பா⁴க³வாதி து³க்க²ஸ்ஸேவ பா⁴கீ³. சரேதீதி சரதி க³ச்ச²தி. து³ம்மேதோ⁴தி து³ப்பஞ்ஞோ. இமஸ்மிம் ஸுத்தே வட்டமேவ கதி²தம், கா³தா²ஸு வட்டவிவட்டம் கதி²தந்தி. ஸத்தமே வட்டமேவ பா⁴ஸிதம்.