10. ஆதப்பகரணீயஸுத்தவண்ணனா

50. த³ஸமே ஆதப்பம் கரணீயந்தி வீரியம் காதும் யுத்தம். அனுப்பாதா³யாதி அனுப்பாத³த்தா²ய, அனுப்பாத³ம் ஸாதே⁴ஸ்ஸாமீதி இமினா காரணேன கத்தப்³ப³ந்தி அத்தோ². பரதோபி ஏஸேவ நயோ. ஸாரீரிகானந்தி ஸரீரஸம்ப⁴வானம். து³க்கா²னந்தி து³க்க²மானம். திப்³பா³னந்தி ப³ஹலானம், தாபனவஸேன வா திப்³பா³னம். க²ரானந்தி ப²ருஸானம். கடுகானந்தி திகி²ணானம். அஸாதானந்தி அமது⁴ரானம். அமனாபானந்தி மனம் வட்³டே⁴தும் அஸமத்தா²னம். பாணஹரானந்தி ஜீவிதஹரானம். அதி⁴வாஸனாயாதி அதி⁴வாஸனத்தா²ய ஸஹனத்தா²ய க²மனத்தா²ய.

ஏத்தகே டா²னே ஸத்தா² ஆணாபேத்வா ஆணத்திம் பவத்தேத்வா இதா³னி ஸமாத³பேந்தோ யதோ கோ², பி⁴க்க²வேதிஆதி³மாஹ. தத்த² யதோதி யதா³. ஆதாபீதி வீரியவா. நிபகோதி ஸப்பஞ்ஞோ. ஸதோதி ஸதியா ஸமன்னாக³தோ. து³க்க²ஸ்ஸ அந்தகிரியாயாதி வட்டது³க்க²ஸ்ஸ பரிச்சே²த³பரிவடுமகிரியாய. இமே ச பன ஆதாபாத³யோ தயோபி லோகியலோகுத்தரமிஸ்ஸகா கதி²தா.