1. கோத⁴பேய்யாலம்

181. இதோ பரேஸு குஜ்ஜ²னலக்க²ணோ கோதோ⁴. உபனந்த⁴னலக்க²ணோ உபனாஹோ. ஸுகதகரணமக்க²னலக்க²ணோ மக்கோ². யுக³க்³கா³ஹலக்க²ணோ பலாஸோ. உஸூயனலக்க²ணா இஸ்ஸா. பஞ்சமச்சே²ரபா⁴வோ மச்ச²ரியம். தம் ஸப்³ப³ம்பி மச்ச²ராயனலக்க²ணம். கதபடிச்சா²த³னலக்க²ணா மாயா. கேராடிகலக்க²ணம் ஸாடே²ய்யம். அலஜ்ஜனாகாரோ அஹிரிகம். உபவாத³தோ அபா⁴யனாகாரோ அனோத்தப்பம். அக்கோதா⁴த³யோ தேஸம் படிபக்க²வஸேன வேதி³தப்³பா³.

185. ஸேக்க²ஸ்ஸ பி⁴க்கு²னோதி ஸத்தவித⁴ஸ்ஸாபி ஸேக்க²ஸ்ஸ உபரிஉபரிகு³ணேஹி பரிஹானாய ஸம்வத்தந்தி, புது²ஜ்ஜனஸ்ஸ பன பட²மதரம்யேவ பரிஹானாய ஸம்வத்தந்தீதி வேதி³தப்³பா³. அபரிஹானாயாதி உபரிஉபரிகு³ணேஹி அபரிஹானத்தா²ய.

187. யதா²ப⁴தம் நிக்கி²த்தோதி யதா² ஆனேத்வா நிக்கி²த்தோ, ஏவம் நிரயே பதிட்டி²தோ வாதி வேதி³தப்³போ³.

190. ஏகச்சோதி யஸ்ஸேதே கோதா⁴த³யோ அத்தி², ஸோ ஏகச்சோ நாம.

கோத⁴பேய்யாலம் நிட்டி²தம்.