1-2. காமபோ⁴கீ³ஸுத்தாதி³வண்ணனா

91-92. பஞ்சமஸ்ஸ பட²மே ஸாஹஸேனாதி ஸாஹஸியகம்மேன. து³தியே ப⁴யானீதி சித்துத்ராஸப⁴யானி. வேரானீதி அகுஸலவேரபுக்³க³லவேரானி. அரியோ சஸ்ஸ ஞாயோதி ஸஹ விபஸ்ஸனாய மக்³கோ³. இதி இமஸ்மிம் ஸதி இத³ம் ஹோதீதி ஏவம் இமஸ்மிம் அவிஜ்ஜாதி³கே காரணே ஸதி இத³ம் ஸங்கா²ராதி³கம் ப²லம் ஹோதி. இமஸ்ஸுப்பாதா³ இத³ம் உப்பஜ்ஜதீதி யோ யஸ்ஸ ஸஹஜாதபச்சயோ ஹோதி, தஸ்ஸ உப்பாதா³ இதரம் உப்பஜ்ஜதி நாம. இமஸ்மிம் அஸதீதி அவிஜ்ஜாதி³கே காரணே அஸதி ஸங்கா²ராதி³கம் ப²லம் ந ஹோதி. இமஸ்ஸ நிரோதா⁴தி காரணஸ்ஸ அப்பவத்தியா ப²லஸ்ஸ அப்பவத்தி ஹோதி.