20. அமதவக்³க³வண்ணனா

600-611. அமதம் தே, பி⁴க்க²வே, ந பரிபு⁴ஞ்ஜந்தீதி மரணவிரஹிதம் நிப்³பா³னம் ந பரிபு⁴ஞ்ஜந்தீதி அத்தோ². நனு ச நிப்³பா³னம் லோகுத்தரம், காயக³தாஸதி லோகியா, கத²ம் தம் பரிபு⁴ஞ்ஜந்தா அமதம் பரிபு⁴ஞ்ஜந்தீதி? தம் பா⁴வேத்வா அதி⁴க³ந்தப்³ப³தோ. காயக³தஞ்ஹி ஸதிம் பா⁴வேந்தோ அமதமதி⁴க³ச்ச²தி, அபா⁴வேந்தோ நாதி⁴க³ச்ச²தி. தஸ்மா ஏவம் வுத்தம். ஏதேனுபாயேன ஸப்³ப³த்த² அத்தோ² வேதி³தப்³போ³. அபி சேத்த² விரத்³த⁴ந்தி விராதி⁴தம் நாதி⁴க³தம். ஆரத்³த⁴ந்தி பரிபுண்ணம். பமாதி³ம்ஸூதி பமஜ்ஜந்தி. பமுட்ட²ந்தி ஸம்முட்ட²ம் விஸ்ஸரிதம் நட்ட²ம் வா. ஆஸேவிதந்தி ஆதி³தோ ஸேவிதம். பா⁴விதந்தி வட்³டி⁴தம். ப³ஹுலீகதந்தி புனப்புனம் கதம். அனபி⁴ஞ்ஞாதந்தி ஞாதஅபி⁴ஞ்ஞாய அஜானிதம். அபரிஞ்ஞாதந்தி ஞாதபரிஞ்ஞாவஸேனேவ அபரிஞ்ஞாதம். அஸச்சி²கதந்தி அபச்சக்க²கதம். ஸேஸம் ஸப்³ப³த்த² உத்தானத்த²மேவாதி.

அமதவக்³க³வண்ணனா.