(3) அனாக³தவாரோ

(க) அனுலோமபுக்³க³லோ

62. (க) யஸ்ஸ ரூபக்க²ந்தோ⁴ உப்பஜ்ஜிஸ்ஸதி தஸ்ஸ வேத³னாக்க²ந்தோ⁴ உப்பஜ்ஜிஸ்ஸதீதி? ஆமந்தா.

(க²) யஸ்ஸ வா பன வேத³னாக்க²ந்தோ⁴ உப்பஜ்ஜிஸ்ஸதி தஸ்ஸ ரூபக்க²ந்தோ⁴ உப்பஜ்ஜிஸ்ஸதீதி?

யே அரூபம் உபபஜ்ஜித்வா பரினிப்³பா³யிஸ்ஸந்தி தேஸம் வேத³னாக்க²ந்தோ⁴ உப்பஜ்ஜிஸ்ஸதி, நோ ச தேஸம் ரூபக்க²ந்தோ⁴ உப்பஜ்ஜிஸ்ஸதி. இதரேஸம் தேஸம் வேத³னாக்க²ந்தோ⁴ ச உப்பஜ்ஜிஸ்ஸதி ரூபக்க²ந்தோ⁴ ச உப்பஜ்ஜிஸ்ஸதி.

(க²) அனுலோமஓகாஸோ

63. (க) யத்த² ரூபக்க²ந்தோ⁴ உப்பஜ்ஜிஸ்ஸதி தத்த² வேத³னாக்க²ந்தோ⁴ உப்பஜ்ஜிஸ்ஸதீதி?

அஸஞ்ஞஸத்தே தத்த² ரூபக்க²ந்தோ⁴ உப்பஜ்ஜிஸ்ஸதி, நோ ச தத்த² வேத³னாக்க²ந்தோ⁴ உப்பஜ்ஜிஸ்ஸதி. பஞ்சவோகாரே தத்த² ரூபக்க²ந்தோ⁴ ச உப்பஜ்ஜிஸ்ஸதி வேத³னாக்க²ந்தோ⁴ ச உப்பஜ்ஜிஸ்ஸதி.

(க²) யத்த² வா பன வேத³னாக்க²ந்தோ⁴ உப்பஜ்ஜிஸ்ஸதி தத்த² ரூபக்க²ந்தோ⁴ உப்பஜ்ஜிஸ்ஸதீதி?

அரூபே தத்த² வேத³னாக்க²ந்தோ⁴ உப்பஜ்ஜிஸ்ஸதி, நோ ச தத்த² ரூபக்க²ந்தோ⁴ உப்பஜ்ஜிஸ்ஸதி. பஞ்சவோகாரே தத்த² வேத³னாக்க²ந்தோ⁴ ச உப்பஜ்ஜிஸ்ஸதி ரூபக்க²ந்தோ⁴ ச உப்பஜ்ஜிஸ்ஸதி.

(க³) அனுலோமபுக்³க³லோகாஸா

64. (க) யஸ்ஸ யத்த² ரூபக்க²ந்தோ⁴ உப்பஜ்ஜிஸ்ஸதி தஸ்ஸ தத்த² வேத³னாக்க²ந்தோ⁴ உப்பஜ்ஜிஸ்ஸதீதி?

அஸஞ்ஞஸத்தானம் தேஸம் தத்த² ரூபக்க²ந்தோ⁴ உப்பஜ்ஜிஸ்ஸதி, நோ ச தேஸம் தத்த² வேத³னாக்க²ந்தோ⁴ உப்பஜ்ஜிஸ்ஸதி. பஞ்சவோகாரானம் தேஸம் தத்த² ரூபக்க²ந்தோ⁴ ச உப்பஜ்ஜிஸ்ஸதி வேத³னாக்க²ந்தோ⁴ ச உப்பஜ்ஜிஸ்ஸதி.

(க²) யஸ்ஸ வா பன யத்த² வேத³னாக்க²ந்தோ⁴ உப்பஜ்ஜிஸ்ஸதி தஸ்ஸ தத்த² ரூபக்க²ந்தோ⁴ உப்பஜ்ஜிஸ்ஸதீதி?

அரூபானம் தேஸம் தத்த² வேத³னாக்க²ந்தோ⁴ உப்பஜ்ஜிஸ்ஸதி, நோ ச தேஸம் தத்த² ரூபக்க²ந்தோ⁴ உப்பஜ்ஜிஸ்ஸதி. பஞ்சவோகாரானம் தேஸம் தத்த² வேத³னாக்க²ந்தோ⁴ ச உப்பஜ்ஜிஸ்ஸதி ரூபக்க²ந்தோ⁴ ச உப்பஜ்ஜிஸ்ஸதி.

(க⁴) பச்சனீகபுக்³க³லோ

65. (க) யஸ்ஸ ரூபக்க²ந்தோ⁴ நுப்பஜ்ஜிஸ்ஸதி தஸ்ஸ வேத³னாக்க²ந்தோ⁴ நுப்பஜ்ஜிஸ்ஸதீதி?

யே அரூபம் உபபஜ்ஜித்வா பரினிப்³பா³யிஸ்ஸந்தி தேஸம் ரூபக்க²ந்தோ⁴ நுப்பஜ்ஜிஸ்ஸதி, நோ ச தேஸம் வேத³னாக்க²ந்தோ⁴ நுப்பஜ்ஜிஸ்ஸதி. பச்சி²மப⁴விகானம் தேஸம் ரூபக்க²ந்தோ⁴ ச நுப்பஜ்ஜிஸ்ஸதி வேத³னாக்க²ந்தோ⁴ ச நுப்பஜ்ஜிஸ்ஸதி.

(க²) யஸ்ஸ வா பன வேத³னாக்க²ந்தோ⁴ நுப்பஜ்ஜிஸ்ஸதி தஸ்ஸ ரூபக்க²ந்தோ⁴ நுப்பஜ்ஜிஸ்ஸதீதி? ஆமந்தா.

(ங) பச்சனீகஓகாஸோ

66. (க) யத்த² ரூபக்க²ந்தோ⁴ நுப்பஜ்ஜிஸ்ஸதி தத்த² வேத³னாக்க²ந்தோ⁴ நுப்பஜ்ஜிஸ்ஸதீதி? உப்பஜ்ஜிஸ்ஸதி.

(க²) யத்த² வா பன வேத³னாக்க²ந்தோ⁴ நுப்பஜ்ஜிஸ்ஸதி தத்த² ரூபக்க²ந்தோ⁴ நுப்பஜ்ஜிஸ்ஸதீதி? உப்பஜ்ஜிஸ்ஸதி.

(ச) பச்சனீகபுக்³க³லோகாஸா

67. (க) யஸ்ஸ யத்த² ரூபக்க²ந்தோ⁴ நுப்பஜ்ஜிஸ்ஸதி தஸ்ஸ தத்த² வேத³னாக்க²ந்தோ⁴ நுப்பஜ்ஜிஸ்ஸதீதி?

அரூபானம் தேஸம் தத்த² ரூபக்க²ந்தோ⁴ நுப்பஜ்ஜிஸ்ஸதி, நோ ச தேஸம் தத்த² வேத³னாக்க²ந்தோ⁴ நுப்பஜ்ஜிஸ்ஸதி. பச்சி²மப⁴விகானம் தேஸம் தத்த² ரூபக்க²ந்தோ⁴ ச நுப்பஜ்ஜிஸ்ஸதி வேத³னாக்க²ந்தோ⁴ ச நுப்பஜ்ஜிஸ்ஸதி.

(க²) யஸ்ஸ வா பன யத்த² வேத³னாக்க²ந்தோ⁴ நுப்பஜ்ஜிஸ்ஸதி தஸ்ஸ தத்த² ரூபக்க²ந்தோ⁴ நுப்பஜ்ஜிஸ்ஸதீதி?

அஸஞ்ஞஸத்தானம் தேஸம் தத்த² வேத³னாக்க²ந்தோ⁴ நுப்பஜ்ஜிஸ்ஸதி, நோ ச தேஸம் தத்த² ரூபக்க²ந்தோ⁴ நுப்பஜ்ஜிஸ்ஸதி. பச்சி²மப⁴விகானம் தேஸம் தத்த² வேத³னாக்க²ந்தோ⁴ ச நுப்பஜ்ஜிஸ்ஸதி ரூபக்க²ந்தோ⁴ ச நுப்பஜ்ஜிஸ்ஸதி.