(4) பச்சுப்பன்னாதீதவாரோ

(க) அனுலோமபுக்³க³லோ

68. (க) யஸ்ஸ ரூபக்க²ந்தோ⁴ உப்பஜ்ஜதி தஸ்ஸ வேத³னாக்க²ந்தோ⁴ உப்பஜ்ஜித்தா²தி? ஆமந்தா.

(க²) யஸ்ஸ வா பன வேத³னாக்க²ந்தோ⁴ உப்பஜ்ஜித்த² தஸ்ஸ ரூபக்க²ந்தோ⁴ உப்பஜ்ஜதீதி?

ஸப்³பே³ஸம் சவந்தானம் அரூபம் உபபஜ்ஜந்தானம் தேஸம் வேத³னாக்க²ந்தோ⁴ உப்பஜ்ஜித்த², நோ ச தேஸம் ரூபக்க²ந்தோ⁴ உப்பஜ்ஜதி. பஞ்சவோகாரம் உபபஜ்ஜந்தானம் அஸஞ்ஞஸத்தம் உபபஜ்ஜந்தானம் தேஸம் வேத³னாக்க²ந்தோ⁴ ச உப்பஜ்ஜித்த² ரூபக்க²ந்தோ⁴ ச உப்பஜ்ஜதி.

69. (க) யஸ்ஸ வேத³னாக்க²ந்தோ⁴ உப்பஜ்ஜதி தஸ்ஸ ஸஞ்ஞாக்க²ந்தோ⁴ உப்பஜ்ஜித்தா²தி? ஆமந்தா.

(க²) யஸ்ஸ வா பன ஸஞ்ஞாக்க²ந்தோ⁴ உப்பஜ்ஜித்த² தஸ்ஸ வேத³னாக்க²ந்தோ⁴ உப்பஜ்ஜதீதி?

ஸப்³பே³ஸம் சவந்தானம் அஸஞ்ஞஸத்தம் உபபஜ்ஜந்தானம் தேஸம் ஸஞ்ஞாக்க²ந்தோ⁴ உப்பஜ்ஜித்த², நோ ச தேஸம் வேத³னாக்க²ந்தோ⁴ உப்பஜ்ஜதி. சதுவோகாரம் பஞ்சவோகாரம் உபபஜ்ஜந்தானம் தேஸம் ஸஞ்ஞாக்க²ந்தோ⁴ ச உப்பஜ்ஜித்த² வேத³னாக்க²ந்தோ⁴ ச உப்பஜ்ஜதி.

(க²) அனுலோமஓகாஸோ

70. (க) யத்த² ரூபக்க²ந்தோ⁴ உப்பஜ்ஜதி தத்த² வேத³னாக்க²ந்தோ⁴ உப்பஜ்ஜித்தா²தி?

அஸஞ்ஞஸத்தே தத்த² ரூபக்க²ந்தோ⁴ உப்பஜ்ஜதி, நோ ச தத்த² வேத³னாக்க²ந்தோ⁴ உப்பஜ்ஜித்த². பஞ்சவோகாரே தத்த² ரூபக்க²ந்தோ⁴ ச உப்பஜ்ஜதி வேத³னாக்க²ந்தோ⁴ ச உப்பஜ்ஜித்த².

(க²) யத்த² வா பன வேத³னாக்க²ந்தோ⁴ உப்பஜ்ஜித்த² தத்த² ரூபக்க²ந்தோ⁴ உப்பஜ்ஜதீதி?

அரூபே தத்த² வேத³னாக்க²ந்தோ⁴ உப்பஜ்ஜித்த², நோ ச தத்த² ரூபக்க²ந்தோ⁴ உப்பஜ்ஜதி. பஞ்சவோகாரே தத்த² வேத³னாக்க²ந்தோ⁴ ச உப்பஜ்ஜித்த² ரூபக்க²ந்தோ⁴ ச உப்பஜ்ஜதி.

71. (க) யத்த² வேத³னாக்க²ந்தோ⁴ உப்பஜ்ஜதி தத்த² ஸஞ்ஞாக்க²ந்தோ⁴ உப்பஜ்ஜித்தா²தி? ஆமந்தா.

(க²) யத்த² வா பன ஸஞ்ஞாக்க²ந்தோ⁴ உப்பஜ்ஜித்த² தத்த² வேத³னாக்க²ந்தோ⁴ உப்பஜ்ஜதீதி? ஆமந்தா.

(க³) அனுலோமபுக்³க³லோகாஸா

72. (க) யஸ்ஸ யத்த² ரூபக்க²ந்தோ⁴ உப்பஜ்ஜதி தஸ்ஸ தத்த² வேத³னாக்க²ந்தோ⁴ உப்பஜ்ஜித்தா²தி?

ஸுத்³தா⁴வாஸம் உபபஜ்ஜந்தானம் அஸஞ்ஞஸத்தம் உபபஜ்ஜந்தானம் தேஸம் தத்த² ரூபக்க²ந்தோ⁴ உப்பஜ்ஜதி, நோ ச தேஸம் தத்த² வேத³னாக்க²ந்தோ⁴ உப்பஜ்ஜித்த². இதரேஸம் பஞ்சவோகாரம் உபபஜ்ஜந்தானம் தேஸம் தத்த² ரூபக்க²ந்தோ⁴ ச உப்பஜ்ஜதி வேத³னாக்க²ந்தோ⁴ ச உப்பஜ்ஜித்த².

(க²) யஸ்ஸ வா பன யத்த² வேத³னாக்க²ந்தோ⁴ உப்பஜ்ஜித்த² தஸ்ஸ தத்த² ரூபக்க²ந்தோ⁴ உப்பஜ்ஜதீதி?

பஞ்சவோகாரா சவந்தானம் அரூபானம் தேஸம் தத்த² வேத³னாக்க²ந்தோ⁴ உப்பஜ்ஜித்த², நோ ச தேஸம் தத்த² ரூபக்க²ந்தோ⁴ உப்பஜ்ஜதி. பஞ்சவோகாரம் உபபஜ்ஜந்தானம் தேஸம் தத்த² வேத³னாக்க²ந்தோ⁴ ச உப்பஜ்ஜித்த² ரூபக்க²ந்தோ⁴ ச உப்பஜ்ஜதி.

73. (க) யஸ்ஸ யத்த² வேத³னாக்க²ந்தோ⁴ உப்பஜ்ஜதி தஸ்ஸ தத்த² ஸஞ்ஞாக்க²ந்தோ⁴ உப்பஜ்ஜித்தா²தி?

ஸுத்³தா⁴வாஸம் உபபஜ்ஜந்தானம் தேஸம் தத்த² வேத³னாக்க²ந்தோ⁴ உப்பஜ்ஜதி, நோ ச தேஸம் தத்த² ஸஞ்ஞாக்க²ந்தோ⁴ உப்பஜ்ஜித்த². இதரேஸம் சதுவோகாரம் பஞ்சவோகாரம் உபபஜ்ஜந்தானம் தேஸம் தத்த² வேத³னாக்க²ந்தோ⁴ ச உப்பஜ்ஜதி ஸஞ்ஞாக்க²ந்தோ⁴ ச உப்பஜ்ஜித்த².

(க²) யஸ்ஸ வா பன யத்த² ஸஞ்ஞாக்க²ந்தோ⁴ உப்பஜ்ஜித்த² தஸ்ஸ தத்த² வேத³னாக்க²ந்தோ⁴ உப்பஜ்ஜதீதி?

சதுவோகாரா பஞ்சவோகாரா சவந்தானம் தேஸம் தத்த² ஸஞ்ஞாக்க²ந்தோ⁴ உப்பஜ்ஜித்த², நோ ச தேஸம் தத்த² வேத³னாக்க²ந்தோ⁴ உப்பஜ்ஜதி. சதுவோகாரம் பஞ்சவோகாரம் உபபஜ்ஜந்தானம் தேஸம் தத்த² ஸஞ்ஞாக்க²ந்தோ⁴ ச உப்பஜ்ஜித்த² வேத³னாக்க²ந்தோ⁴ ச உப்பஜ்ஜதி.

(க⁴) பச்சனீகபுக்³க³லோ

74. (க) யஸ்ஸ ரூபக்க²ந்தோ⁴ நுப்பஜ்ஜதி தஸ்ஸ வேத³னாக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

(க²) யஸ்ஸ வா பன வேத³னாக்க²ந்தோ⁴ நுப்பஜ்ஜித்த² தஸ்ஸ ரூபக்க²ந்தோ⁴ நுப்பஜ்ஜதீதி? நத்தி².

75. (க) யஸ்ஸ வேத³னாக்க²ந்தோ⁴ நுப்பஜ்ஜதி தஸ்ஸ ஸஞ்ஞாக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

(க²) யஸ்ஸ வா பன ஸஞ்ஞாக்க²ந்தோ⁴ நுப்பஜ்ஜித்த² தஸ்ஸ வேத³னாக்க²ந்தோ⁴ நுப்பஜ்ஜதீதி? நத்தி².

(ங) பச்சனீகஓகாஸோ

76. (க) யத்த² ரூபக்க²ந்தோ⁴ நுப்பஜ்ஜதி தத்த² வேத³னாக்க²ந்தோ⁴ நுப்பஜ்ஜித்தா²தி? உப்பஜ்ஜித்த².

(க²) யத்த² வா பன வேத³னாக்க²ந்தோ⁴ நுப்பஜ்ஜித்த² தத்த² ரூபக்க²ந்தோ⁴ நுப்பஜ்ஜதீதி? உப்பஜ்ஜதி.

77. (க) யத்த² வேத³னாக்க²ந்தோ⁴ நுப்பஜ்ஜதி தத்த² ஸஞ்ஞாக்க²ந்தோ⁴ நுப்பஜ்ஜித்தா²தி? ஆமந்தா.

(க²) யத்த² வா பன ஸஞ்ஞாக்க²ந்தோ⁴ நுப்பஜ்ஜித்த² தத்த² வேத³னாக்க²ந்தோ⁴ நுப்பஜ்ஜதீதி? ஆமந்தா.

(ச) பச்சனீகபுக்³க³லோகாஸா

78. (க) யஸ்ஸ யத்த² ரூபக்க²ந்தோ⁴ நுப்பஜ்ஜதி தஸ்ஸ தத்த² வேத³னாக்க²ந்தோ⁴ நுப்பஜ்ஜித்தா²தி?

பஞ்சவோகாரா சவந்தானம் அரூபானம் தேஸம் தத்த² ரூபக்க²ந்தோ⁴ நுப்பஜ்ஜதி, நோ ச தேஸம் தத்த² வேத³னாக்க²ந்தோ⁴ நுப்பஜ்ஜித்த². ஸுத்³தா⁴வாஸே பரினிப்³ப³ந்தானம் அஸஞ்ஞஸத்தா சவந்தானம் தேஸம் தத்த² ரூபக்க²ந்தோ⁴ ச நுப்பஜ்ஜதி வேத³னாக்க²ந்தோ⁴ ச நுப்பஜ்ஜித்த².

(க²) யஸ்ஸ வா பன யத்த² வேத³னாக்க²ந்தோ⁴ நுப்பஜ்ஜித்த² தஸ்ஸ தத்த² ரூபக்க²ந்தோ⁴ நுப்பஜ்ஜதீதி?

ஸுத்³தா⁴வாஸம் உபபஜ்ஜந்தானம் அஸஞ்ஞஸத்தம் உபபஜ்ஜந்தானம் தேஸம் தத்த² வேத³னாக்க²ந்தோ⁴ நுப்பஜ்ஜித்த², நோ ச தேஸம் தத்த² ரூபக்க²ந்தோ⁴ நுப்பஜ்ஜதி. ஸுத்³தா⁴வாஸே பரினிப்³ப³ந்தானம் அஸஞ்ஞஸத்தா சவந்தானம் தேஸம் தத்த² வேத³னாக்க²ந்தோ⁴ ச நுப்பஜ்ஜித்த² ரூபக்க²ந்தோ⁴ ச நுப்பஜ்ஜதி.

79. (க) யஸ்ஸ யத்த² வேத³னாக்க²ந்தோ⁴ நுப்பஜ்ஜதி தஸ்ஸ தத்த² ஸஞ்ஞாக்க²ந்தோ⁴ நுப்பஜ்ஜித்தா²தி?

சதுவோகாரா பஞ்சவோகாரா சவந்தானம் தேஸம் தத்த² வேத³னாக்க²ந்தோ⁴ நுப்பஜ்ஜதி, நோ ச தேஸம் தத்த² ஸஞ்ஞாக்க²ந்தோ⁴ நுப்பஜ்ஜித்த². ஸுத்³தா⁴வாஸே பரினிப்³ப³ந்தானம் அஸஞ்ஞஸத்தானம் தேஸம் தத்த² வேத³னாக்க²ந்தோ⁴ ச நுப்பஜ்ஜதி ஸஞ்ஞாக்க²ந்தோ⁴ ச நுப்பஜ்ஜித்த².

(க²) யஸ்ஸ வா பன யத்த² ஸஞ்ஞாக்க²ந்தோ⁴ நுப்பஜ்ஜித்த² தஸ்ஸ தத்த² வேத³னாக்க²ந்தோ⁴ நுப்பஜ்ஜதீதி?

ஸுத்³தா⁴வாஸம் உபபஜ்ஜந்தானம் தேஸம் தத்த² ஸஞ்ஞாக்க²ந்தோ⁴ நுப்பஜ்ஜித்த², நோ ச தேஸம் தத்த² வேத³னாக்க²ந்தோ⁴ நுப்பஜ்ஜதி. ஸுத்³தா⁴வாஸே பரினிப்³ப³ந்தானம் அஸஞ்ஞஸத்தானம் தேஸம் தத்த² ஸஞ்ஞாக்க²ந்தோ⁴ ச நுப்பஜ்ஜித்த² வேத³னாக்க²ந்தோ⁴ ச நுப்பஜ்ஜதி.