3. அப்³யாகதா த⁴ம்மா (1) மூலனயோ

74. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலாதி?

தீணேவ அப்³யாகதமூலானி. அவஸேஸா அப்³யாகதா த⁴ம்மா ந அப்³யாகதமூலா.

(க²) யே வா பன அப்³யாகதமூலா, ஸப்³பே³ தே த⁴ம்மா அப்³யாகதாதி? ஆமந்தா.

75. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலேன ஏகமூலாதி?

அஹேதுகம் அப்³யாகதம் அப்³யாகதமூலேன ந ஏகமூலம். ஸஹேதுகம் அப்³யாகதம் அப்³யாகதமூலேன ஏகமூலம்.

(க²) யே வா பன அப்³யாகதமூலேன ஏகமூலா, ஸப்³பே³ தே த⁴ம்மா அப்³யாகதாதி? ஆமந்தா.

76. (க) யே கேசி அப்³யாகதமூலேன ஏகமூலா த⁴ம்மா, ஸப்³பே³ தே அப்³யாகதமூலேன அஞ்ஞமஞ்ஞமூலாதி?

மூலானி யானி ஏகதோ உப்பஜ்ஜந்தி அப்³யாகதமூலானி ஏகமூலானி சேவ அஞ்ஞமஞ்ஞமூலானி ச. அவஸேஸா அப்³யாகதமூலஸஹஜாதா த⁴ம்மா அப்³யாகதமூலேன ஏகமூலா, ந ச அஞ்ஞமஞ்ஞமூலா.

(க²) யே வா பன அப்³யாகதமூலேன அஞ்ஞமஞ்ஞமூலா, ஸப்³பே³ தே த⁴ம்மா அப்³யாகதாதி? ஆமந்தா.

(2) மூலமூலனயோ

77. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலமூலாதி?

தீணேவ அப்³யாகதமூலமூலானி. அவஸேஸா அப்³யாகதா த⁴ம்மா ந அப்³யாகதமூலமூலா.

(க²) யே வா பன அப்³யாகதமூலமூலா, ஸப்³பே³ தே த⁴ம்மா அப்³யாகதாதி? ஆமந்தா.

78. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலேன ஏகமூலமூலாதி?

அஹேதுகம் அப்³யாகதம் அப்³யாகதமூலேன ந ஏகமூலமூலம். ஸஹேதுகம் அப்³யாகதம் அப்³யாகதமூலேன ஏகமூலமூலம்.

(க²) யே வா பன அப்³யாகதமூலேன ஏகமூலமூலா, ஸப்³பே³ தே த⁴ம்மா அப்³யாகதாதி? ஆமந்தா.

79. (க) யே கேசி அப்³யாகதமூலேன ஏகமூலமூலா த⁴ம்மா, ஸப்³பே³ தே அப்³யாகதமூலேன அஞ்ஞமஞ்ஞமூலமூலாதி?

மூலானி யானி ஏகதோ உப்பஜ்ஜந்தி அப்³யாகதமூலானி ஏகமூலமூலானி சேவ அஞ்ஞமஞ்ஞமூலமூலானி ச. அவஸேஸா அப்³யாகதமூலஸஹஜாதா த⁴ம்மா அப்³யாகதமூலேன ஏகமூலமூலா, ந ச அஞ்ஞமஞ்ஞமூலமூலா.

(க²) யே வா பன அப்³யாகதமூலேன அஞ்ஞமஞ்ஞமூலமூலா, ஸப்³பே³ தே த⁴ம்மா அப்³யாகதாதி? ஆமந்தா.

(3) மூலகனயோ

80. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலகாதி?

அஹேதுகம் அப்³யாகதம் ந அப்³யாகதமூலகம். ஸஹேதுகம் அப்³யாகதம் அப்³யாகதமூலகம்.

(க²) யே வா பன அப்³யாகதமூலகா, ஸப்³பே³ தே த⁴ம்மா அப்³யாகதாதி? ஆமந்தா.

81. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலேன ஏகமூலகாதி?

அஹேதுகம் அப்³யாகதம் அப்³யாகதமூலேன ந ஏகமூலகம். ஸஹேதுகம் அப்³யாகதம் அப்³யாகதமூலேன ஏகமூலகம்.

(க²) யே வா பன அப்³யாகதமூலேன ஏகமூலகா, ஸப்³பே³ தே த⁴ம்மா அப்³யாகதாதி? ஆமந்தா.

82. (க) யே கேசி அப்³யாகதமூலேன ஏகமூலகா த⁴ம்மா, ஸப்³பே³ தே அப்³யாகதமூலேன அஞ்ஞமஞ்ஞமூலகாதி?

மூலானி யானி ஏகதோ உப்பஜ்ஜந்தி அப்³யாகதமூலானி ஏகமூலகானி சேவ அஞ்ஞமஞ்ஞமூலகானி ச. அவஸேஸா அப்³யாகதமூலஸஹஜாதா த⁴ம்மா அப்³யாகதமூலேன ஏகமூலகா, ந ச அஞ்ஞமஞ்ஞமூலகா.

(க²) யே வா பன அப்³யாகதமூலேன அஞ்ஞமஞ்ஞமூலகா, ஸப்³பே³ தே த⁴ம்மா அப்³யாகதாதி? ஆமந்தா.

(4) மூலமூலகனயோ

83. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலமூலகாதி?

அஹேதுகம் அப்³யாகதம் ந அப்³யாகதமூலமூலகம். ஸஹேதுகம் அப்³யாகதம் அப்³யாகதமூலமூலகம்.

(க²) யே வா பன அப்³யாகதமூலமூலகா, ஸப்³பே³ தே த⁴ம்மா அப்³யாகதாதி? ஆமந்தா.

84. (க) யே கேசி அப்³யாகதா த⁴ம்மா, ஸப்³பே³ தே அப்³யாகதமூலேன ஏகமூலமூலகாதி?

அஹேதுகம் அப்³யாகதம் அப்³யாகதமூலேன ந ஏகமூலமூலகம். ஸஹேதுகம் அப்³யாகதம் அப்³யாகதமூலேன ஏகமூலமூலகம்.

(க²) யே வா பன அப்³யாகதமூலேன ஏகமூலமூலகா, ஸப்³பே³ தே த⁴ம்மா அப்³யாகதாதி? ஆமந்தா.

85. (க) யே கேசி அப்³யாகதமூலேன ஏகமூலமூலகா த⁴ம்மா, ஸப்³பே³ தே அப்³யாகதமூலேன அஞ்ஞமஞ்ஞமூலமூலகாதி?

மூலானி யானி ஏகதோ உப்பஜ்ஜந்தி அப்³யாகதமூலானி ஏகமூலமூலகானி சேவ அஞ்ஞமஞ்ஞமூலமூலகானி ச. அவஸேஸா அப்³யாகதமூலஸஹஜாதா த⁴ம்மா அப்³யாகதமூலேன ஏகமூலமூலகா, ந ச அஞ்ஞமஞ்ஞமூலமூலகா.

(க²) யே வா பன அப்³யாகதமூலேன அஞ்ஞமஞ்ஞமூலமூலகா, ஸப்³பே³ தே த⁴ம்மா அப்³யாகதாதி? ஆமந்தா.