4. நாமா த⁴ம்மா (1) மூலனயோ

86. (க) யே கேசி நாமா த⁴ம்மா, ஸப்³பே³ தே நாமமூலாதி?

நவேவ நாமமூலானி. அவஸேஸா நாமா த⁴ம்மா ந நாமமூலா.

(க²) யே வா பன நாமமூலா, ஸப்³பே³ தே த⁴ம்மா நாமாதி? ஆமந்தா.

87. (க) யே கேசி நாமா த⁴ம்மா, ஸப்³பே³ தே நாமமூலேன ஏகமூலாதி?

அஹேதுகம் நாமம் நாமமூலேன ந ஏகமூலம். ஸஹேதுகம் நாமம் நாமமூலேன ஏகமூலம்.

(க²) யே வா பன நாமமூலேன ஏகமூலா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலேன ஏகமூலம், ந நாமம். நாமம் நாமமூலேன ஏகமூலஞ்சேவ நாமஞ்ச.

88. (க) யே கேசி நாமமூலேன ஏகமூலா த⁴ம்மா, ஸப்³பே³ தே நாமமூலேன அஞ்ஞமஞ்ஞமூலாதி?

மூலானி யானி ஏகதோ உப்பஜ்ஜந்தி நாமமூலானி ஏகமூலானி சேவ அஞ்ஞமஞ்ஞமூலானி ச. அவஸேஸா நாமமூலஸஹஜாதா த⁴ம்மா நாமமூலேன ஏகமூலா, ந ச அஞ்ஞமஞ்ஞமூலா.

(க²) யே வா பன நாமமூலேன அஞ்ஞமஞ்ஞமூலா, ஸப்³பே³ தே த⁴ம்மா நாமாதி? ஆமந்தா.

(2) மூலமூலனயோ

89. (க) யே கேசி நாமா த⁴ம்மா, ஸப்³பே³ தே நாமமூலமூலாதி?

நவேவ நாமமூலமூலானி. அவஸேஸா நாமா த⁴ம்மா ந நாமமூலமூலா.

(க²) யே வா பன நாமமூலமூலா, ஸப்³பே³ தே த⁴ம்மா நாமாதி? ஆமந்தா.

90. (க) யே கேசி நாமா த⁴ம்மா, ஸப்³பே³ தே நாமமூலேன ஏகமூலமூலாதி?

அஹேதுகம் நாமம் நாமமூலேன ந ஏகமூலமூலம். ஸஹேதுகம் நாமம் நாமமூலேன ஏகமூலமூலம்.

(க²) யே வா பன நாமமூலேன ஏகமூலமூலா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலேன ஏகமூலமூலம், ந நாமம். நாமம் நாமமூலேன ஏகமூலமூலஞ்சேவ நாமஞ்ச.

91. (க) யே கேசி நாமமூலேன ஏகமூலமூலா த⁴ம்மா, ஸப்³பே³ தே நாமமூலேன அஞ்ஞமஞ்ஞமூலமூலாதி?

மூலானி யானி ஏகதோ உப்பஜ்ஜந்தி நாமமூலானி ஏகமூலமூலானி சேவ அஞ்ஞமஞ்ஞமூலமூலானி ச. அவஸேஸா நாமமூலஸஹஜாதா த⁴ம்மா நாமமூலேன ஏகமூலமூலா, ந ச அஞ்ஞமஞ்ஞமூலமூலா.

(க²) யே வா பன நாமமூலேன அஞ்ஞமஞ்ஞமூலமூலா, ஸப்³பே³ தே த⁴ம்மா நாமாதி? ஆமந்தா.

(3) மூலகனயோ

92. (க) யே கேசி நாமா த⁴ம்மா, ஸப்³பே³ தே நாமமூலகாதி?

அஹேதுகம் நாமம் ந நாமமூலகம். ஸஹேதுகம் நாமம் நாமமூலகம்.

(க²) யே வா பன நாமமூலகா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலகம், ந நாமம். நாமம் நாமமூலகஞ்சேவ நாமஞ்ச.

93. (க) யே கேசி நாமா த⁴ம்மா, ஸப்³பே³ தே நாமமூலேன ஏகமூலகாதி?

அஹேதுகம் நாமம் நாமமூலேன ந ஏகமூலகம். ஸஹேதுகம் நாமம் நாமமூலேன ஏகமூலகம்.

(க²) யே வா பன நாமமூலேன ஏகமூலகா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலேன ஏகமூலகம், ந நாமம். நாமம் நாமமூலேன ஏகமூலகஞ்சேவ நாமஞ்ச.

94. (க) யே கேசி நாமமூலேன ஏகமூலகா த⁴ம்மா, ஸப்³பே³ தே நாமமூலேன அஞ்ஞமஞ்ஞமூலகாதி?

மூலானி யானி ஏகதோ உப்பஜ்ஜந்தி நாமமூலானி ஏகமூலகானி சேவ அஞ்ஞமஞ்ஞமூலகானி ச. அவஸேஸா நாமமூலஸஹஜாதா த⁴ம்மா நாமமூலேன ஏகமூலகா, ந ச அஞ்ஞமஞ்ஞமூலகா.

(க²) யே வா பன நாமமூலேன அஞ்ஞமஞ்ஞமூலகா, ஸப்³பே³ தே த⁴ம்மா நாமாதி? ஆமந்தா.

(4) மூலமூலகனயோ

95. (க) யே கேசி நாமா த⁴ம்மா, ஸப்³பே³ தே நாமமூலமூலகாதி?

அஹேதுகம் நாமம் ந நாமமூலமூலகம். ஸஹேதுகம் நாமம் நாமமூலமூலகம்.

(க²) யே வா பன நாமமூலமூலகா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலமூலகம், ந நாமம். நாமம் நாமமூலமூலகஞ்சேவ நாமஞ்ச.

96. (க) யே கேசி நாமா த⁴ம்மா, ஸப்³பே³ தே நாமமூலேன ஏகமூலமூலகாதி?

அஹேதுகம் நாமம் நாமமூலேன ந ஏகமூலமூலகம். ஸஹேதுகம் நாமம் நாமமூலேன ஏகமூலமூலகம்.

(க²) யே வா பன நாமமூலேன ஏகமூலமூலகா, ஸப்³பே³ தே த⁴ம்மா நாமாதி?

நாமஸமுட்டா²னம் ரூபம் நாமமூலேன ஏகமூலமூலகம், ந நாமம். நாமம் நாமமூலேன ஏகமூலமூலகஞ்சேவ நாமஞ்ச.

97. (க) யே கேசி நாமமூலேன ஏகமூலமூலகா த⁴ம்மா, ஸப்³பே³ தே நாமமூலேன அஞ்ஞமஞ்ஞமூலமூலகாதி?

மூலானி யானி ஏகதோ உப்பஜ்ஜந்தி நாமமூலானி ஏகமூலமூலகானி சேவ அஞ்ஞமஞ்ஞமூலமூலகானி ச. அவஸேஸா நாமமூலஸஹஜாதா த⁴ம்மா நாமமூலேன ஏகமூலமூலகா, ந ச அஞ்ஞமஞ்ஞமூலமூலகா.

(க²) யே வா பன நாமமூலேன அஞ்ஞமஞ்ஞமூலமூலகா, ஸப்³பே³ தே த⁴ம்மா நாமாதி?

ஆமந்தா.

மூலவாரனித்³தே³ஸோ.