3. பஞ்ஹாபுச்ச²கம்

462. சத்தாரோ இத்³தி⁴பாதா³ – இத⁴ பி⁴க்கு² ச²ந்த³ஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி, வீரியஸமாதி⁴…பே… சித்தஸமாதி⁴…பே… வீமம்ஸாஸமாதி⁴பதா⁴னஸங்கா²ரஸமன்னாக³தம் இத்³தி⁴பாத³ம் பா⁴வேதி.

463. சதுன்னம் இத்³தி⁴பாதா³னம் கதி குஸலா, கதி அகுஸலா, கதி அப்³யாகதா…பே… கதி ஸரணா, கதி அரணா?

1. திகம்

464. குஸலாயேவ. ஸியா ஸுகா²ய வேத³னாய ஸம்பயுத்தா, ஸியா அது³க்க²மஸுகா²ய வேத³னாய ஸம்பயுத்தா. விபாகத⁴ம்மத⁴ம்மா. அனுபாதி³ன்னஅனுபாதா³னியா. அஸம்கிலிட்ட²அஸம்கிலேஸிகா. ஸியா ஸவிதக்கஸவிசாரா, ஸியா அவிதக்கவிசாரமத்தா, ஸியா அவிதக்கஅவிசாரா. ஸியா பீதிஸஹக³தா, ஸியா ஸுக²ஸஹக³தா, ஸியா உபேக்கா²ஸஹக³தா. நேவ த³ஸ்ஸனேன ந பா⁴வனாய பஹாதப்³பா³. நேவ த³ஸ்ஸனேன ந பா⁴வனாய பஹாதப்³ப³ஹேதுகா. அபசயகா³மினோ. ஸேக்கா². அப்பமாணா. அப்பமாணாரம்மணா. பணீதா. ஸம்மத்தனியதா. ந மக்³கா³ரம்மணா, மக்³க³ஹேதுகா, ந மக்³கா³தி⁴பதினோ. ஸியா உப்பன்னா, ஸியா அனுப்பன்னா, ந வத்தப்³பா³ உப்பாதி³னோதி. ஸியா அதீதா, ஸியா அனாக³தா, ஸியா பச்சுப்பன்னா. ந வத்தப்³பா³ அதீதாரம்மணாதிபி, அனாக³தாரம்மணாதிபி, பச்சுப்பன்னாரம்மணாதிபி. ஸியா அஜ்ஜ²த்தா, ஸியா ப³ஹித்³தா⁴, ஸியா அஜ்ஜ²த்தப³ஹித்³தா⁴. ப³ஹித்³தா⁴ரம்மணா. அனித³ஸ்ஸனஅப்படிகா⁴.

2. து³கம்

465. வீமம்ஸித்³தி⁴பாதோ³ ஹேது, தயோ இத்³தி⁴பாதா³ ந ஹேதூ. ஸஹேதுகா. ஹேதுஸம்பயுத்தா. வீமம்ஸித்³தி⁴பாதோ³ ஹேது சேவ ஸஹேதுகோ ச, தயோ இத்³தி⁴பாதா³ ந வத்தப்³பா³ ஹேதூ சேவ ஸஹேதுகா சாதி, ஸஹேதுகா சேவ ந ச ஹேதூ. வீமம்ஸித்³தி⁴பாதோ³ ஹேது சேவ ஹேதுஸம்பயுத்தோ ச, தயோ இத்³தி⁴பாதா³ ந வத்தப்³பா³ ஹேதூ சேவ ஹேதுஸம்பயுத்தா சாதி, ஹேதுஸம்பயுத்தா சேவ ந ச ஹேதூ. தயோ இத்³தி⁴பாதா³ ந ஹேதூ ஸஹேதுகா, வீமம்ஸித்³தி⁴பாதோ³ ந வத்தப்³போ³ ந ஹேது ஸஹேதுகோதிபி, ந ஹேது அஹேதுகோதிபி. ஸப்பச்சயா. ஸங்க²தா. அனித³ஸ்ஸனா. அப்படிகா⁴. அரூபா. லோகுத்தரா. கேனசி விஞ்ஞேய்யா, கேனசி ந விஞ்ஞேய்யா. நோ ஆஸவா. அனாஸவா. ஆஸவவிப்பயுத்தா. ந வத்தப்³பா³ ஆஸவா சேவ ஸாஸவா சாதிபி, ஸாஸவா சேவ நோ ச ஆஸவாதிபி. ந வத்தப்³பா³ ஆஸவா சேவ ஆஸவஸம்பயுத்தா சாதிபி, ஆஸவஸம்பயுத்தா சேவ நோ ச ஆஸவாதிபி. ஆஸவவிப்பயுத்தா. அனாஸவா.

நோ ஸம்யோஜனா…பே… நோ க³ந்தா²…பே… நோ ஓகா⁴…பே… நோ யோகா³…பே… நோ நீவரணா…பே… நோ பராமாஸா…பே… ஸாரம்மணா. தயோ இத்³தி⁴பாதா³ நோ சித்தா, சித்தித்³தி⁴பாதோ³ சித்தம். தயோ இத்³தி⁴பாதா³ சேதஸிகா, சித்தித்³தி⁴பாதோ³ அசேதஸிகோ. தயோ இத்³தி⁴பாதா³ சித்தஸம்பயுத்தா, சித்தித்³தி⁴பாதோ³ ந வத்தப்³போ³ சித்தேன ஸம்பயுத்தோதிபி, சித்தேன விப்பயுத்தோதிபி. தயோ இத்³தி⁴பாதா³ சித்தஸம்ஸட்டா², சித்தித்³தி⁴பாதோ³ ந வத்தப்³போ³ சித்தேன ஸம்ஸட்டோ²திபி, சித்தேன விஸம்ஸட்டோ²திபி. தயோ இத்³தி⁴பாதா³ சித்தஸமுட்டா²னா, சித்தித்³தி⁴பாதோ³ நோ சித்தஸமுட்டா²னோ. தயோ இத்³தி⁴பாதா³ சித்தஸஹபு⁴னோ, சித்தித்³தி⁴பாதோ³ நோ சித்தஸஹபூ⁴. தயோ இத்³தி⁴பாதா³ சித்தானுபரிவத்தினோ, சித்தித்³தி⁴பாதோ³ நோ சித்தானுபரிவத்தி. தயோ இத்³தி⁴பாதா³ சித்தஸம்ஸட்ட²ஸமுட்டா²னா, சித்தித்³தி⁴பாதோ³ நோ சித்தஸம்ஸட்ட²ஸமுட்டா²னோ. தயோ இத்³தி⁴பாதா³ சித்தஸம்ஸட்ட²ஸமுட்டா²னஸஹபு⁴னோ, சித்தித்³தி⁴பாதோ³ நோ சித்தஸம்ஸட்ட²ஸமுட்டா²னஸஹபூ⁴. தயோ இத்³தி⁴பாதா³ சித்தஸம்ஸட்ட²ஸமுட்டா²னானுபரிவத்தினோ, சித்தித்³தி⁴பாதோ³ நோ சித்தஸம்ஸட்ட²ஸமுட்டா²னானுபரிவத்தி.

தயோ இத்³தி⁴பாதா³ பா³ஹிரா, சித்தித்³தி⁴பாதோ³ அஜ்ஜ²த்திகோ. நோ உபாதா³. அனுபாதி³ன்னா. நோ உபாதா³னா…பே… நோ கிலேஸா…பே… ந த³ஸ்ஸனேன பஹாதப்³பா³. ந பா⁴வனாய பஹாதப்³பா³. ந த³ஸ்ஸனேன பஹாதப்³ப³ஹேதுகா. ந பா⁴வனாய பஹாதப்³ப³ஹேதுகா. ஸியா ஸவிதக்கா, ஸியா அவிதக்கா. ஸியா ஸவிசாரா, ஸியா அவிசாரா. ஸியா ஸப்பீதிகா, ஸியா அப்பீதிகா. ஸியா பீதிஸஹக³தா, ஸியா ந பீதிஸஹக³தா. ஸியா ஸுக²ஸஹக³தா, ஸியா ந ஸுக²ஸஹக³தா. ஸியா உபேக்கா²ஸஹக³தா, ஸியா ந உபேக்கா²ஸஹக³தா. ந காமாவசரா. ந ரூபாவசரா. ந அரூபாவசரா. அபரியாபன்னா. நிய்யானிகா. நியதா. அனுத்தரா. அரணாதி.

பஞ்ஹாபுச்ச²கம்.

இத்³தி⁴பாத³விப⁴ங்கோ³ நிட்டி²தோ.