3. ஸம்பயுத்தசதுக்கம்

245. அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமம் விஞ்ஞாணஸம்பயுத்தம், நாமபச்சயா ச²ட்டா²யதனம் நாமஸம்பயுத்தம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமம் விஞ்ஞாணஸம்பயுத்தம், நாமபச்சயா ப²ஸ்ஸோ நாமஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம், நாமரூபபச்சயா ச²ட்டா²யதனம் நாமரூபஸம்பயுத்தம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் தண்ஹாஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

அவிஜ்ஜாபச்சயா ஸங்கா²ரோ அவிஜ்ஜாஸம்பயுத்தோ, ஸங்கா²ரபச்சயா விஞ்ஞாணம் ஸங்கா²ரஸம்பயுத்தம், விஞ்ஞாணபச்சயா நாமரூபம் விஞ்ஞாணஸம்பயுத்தம் நாமம், நாமரூபபச்சயா ஸளாயதனம் நாமஸம்பயுத்தம் ச²ட்டா²யதனம், ச²ட்டா²யதனபச்சயா ப²ஸ்ஸோ ச²ட்டா²யதனஸம்பயுத்தோ, ப²ஸ்ஸபச்சயா வேத³னா ப²ஸ்ஸஸம்பயுத்தா, வேத³னாபச்சயா தண்ஹா வேத³னாஸம்பயுத்தா, தண்ஹாபச்சயா உபாதா³னம் உபாதா³னஸம்பயுத்தம்; உபாதா³னபச்சயா ப⁴வோ, ப⁴வபச்சயா ஜாதி, ஜாதிபச்சயா ஜராமரணம். ஏவமேதஸ்ஸ கேவலஸ்ஸ து³க்க²க்க²ந்த⁴ஸ்ஸ ஸமுத³யோ ஹோதி.

ஸம்பயுத்தசதுக்கம்.